2024 ట్రెండ్: నిర్మాతలకు కష్టకాలం!

2023 టాలీవుడ్ నిర్మాతలకు మిశ్రమ ఫలితాలను ఇచ్చింది. మామూలుగానే సక్సెస్ రేటు 10 శాతానికి మించదు. 2024లో నిర్మాతలు మరిన్ని సవాళ్లను ఎదుర్కొంటారు. ఇప్పటికే చాలా మంది నిర్మాతలు చేతులెత్తేశారు. అనుకున్న ప్రాజెక్టులు ఆగిపోయాయి. రాబోయే రోజుల్లో నిర్మాతలకు గడ్డుకాలం తప్పదని ట్రేడ్ వర్గాలు హెచ్చరిస్తున్నాయి.

ఓటీటీ మార్కెట్ ఒక్కసారిగా పతనం కావడం, శాటిలైట్ రేట్లు దొరక్కపోవడం, హిందీ డబ్బింగ్ రైట్స్ కూడా ఆగిపోవడం.. ఇవన్నీ నిర్మాతల ముందు కాళ్లు కట్టేశాయి. నాన్ థియేట్రికల్ అడ్వాన్స్‌లతో సినిమా ప్రారంభించి, ఫైనాన్స్ తీసుకుని ఎలాగోలా సినిమా పూర్తి చేయాలనుకునే నిర్మాతల ఆటలు చెల్లవు. చేతిలో డబ్బు ఉండి అది వచ్చినా రాకపోయినా పట్టించుకోని నిర్మాతలు ఇప్పుడు రిస్క్ చేయగలుగుతున్నారు. పెద్ద నిర్మాణ సంస్థలు కూడా ఆ పరిస్థితిలో లేవు. అందుకే కొన్ని క్రేజీ కాంబినేషన్లు కూడా ఆగిపోతున్నాయి. నిర్మాతలు కొన్ని సినిమాల షూటింగ్‌లను రద్దు చేసుకున్నారు. OTTలు ఇప్పుడు సినిమాలను కొనుగోలు చేయడం లేదు. ఈ పరిస్థితి ఏప్రిల్-మే వరకు కొనసాగవచ్చు. ఆ తర్వాత బడ్జెట్‌లు వచ్చినా.. ఇలా భారీ మొత్తాలకు సినిమాలు కొనే పరిస్థితి లేదు.

గీతా ఆర్ట్స్, యువి క్రియేషన్స్ వంటి పెద్ద నిర్మాణ సంస్థలు పెద్ద సినిమాలపై దృష్టి పెట్టకపోవడానికి కారణం ఇదే. ఓకే అనుకున్న సినిమాలు కూడా కొబ్బరికాయ కొట్టి కొంత మేర తీసిన సినిమాలు ఇప్పుడు ఆగిపోయాయి. కొన్ని సినిమాలు పూర్తయినా శాటిలైట్, ఓటీటీ బిజినెస్ మాత్రం జరగడం లేదు. తీరా సినిమా విడుదలయ్యాక ఎవరైనా కొంటారా లేదా? అనే సందేహాలున్నాయి. అందుకే మళ్లీ ఓటీటీ మార్కెట్‌ ఓపెన్‌ చేస్తే తప్ప ఆ సినిమాలు విడుదల కావడం లేదు. ముఖ్యంగా చిన్న సైజు, మీడియం సినిమాలకు ఈ సమస్య ఉంటుంది. కేవలం నాన్ థియేట్రికల్ రైట్స్ మాత్రమే బేస్ చేసుకుని కొందరు హీరోల వైపు నిర్మాతలు కన్నెత్తి చూడటం లేదు. ఈ కారణాల వల్ల 2023తో పోలిస్తే 2024లో వచ్చే సినిమాలు చాలా తక్కువ స్థాయిలో రావచ్చని ట్రేడ్ వర్గాలు అంచనా వేస్తున్నాయి.2023లో తెలుగు నుంచి దాదాపు 170 సినిమాలు విడుదల కానున్నాయి. వారి సంఖ్య ఇప్పుడు క్షీణించే ప్రమాదం ఉంది.

తెలుగు360 ఉత్తమ మరియు ప్రకాశవంతమైన జర్నలిస్టుల కోసం ఎల్లప్పుడూ తెరవబడి ఉంటుంది. మీకు పూర్తి సమయం లేదా ఫ్రీలాన్స్ పట్ల ఆసక్తి ఉంటే, మాకు ఇమెయిల్ చేయండి Krishna@telugu360.com.

Leave a Reply

Your email address will not be published. Required fields are marked *