ముంబై: ఈ నెల 11 నుంచి భారత్, ఆఫ్ఘనిస్థాన్ జట్ల మధ్య జరుగుతున్న టీ20 సిరీస్లో స్టార్ ప్లేయర్ శ్రేయాస్ అయ్యర్కు చోటు దక్కలేదు. శ్రేయాస్కు విశ్రాంతి ఇస్తున్నామని, అందుకే ఆఫ్ఘనిస్థాన్తో సిరీస్కు ఎంపిక చేయడం లేదని సెలక్టర్లు తెలిపారు. అయితే వివిధ నివేదికల ప్రకారం ప్రస్తుతం జరుగుతున్న రంజీ ట్రోఫీలో శ్రేయాస్ అయ్యర్ ఆడబోతున్నాడు. జనవరి 11 నుంచి భారత్-ఆఫ్ఘనిస్థాన్ టీ20 సిరీస్ ప్రారంభంకానుండగా, మరుసటి రోజు 12 నుంచి రంజీ ట్రోఫీలో శ్రేయాస్ ఆడనున్నాడు. రంజీ ట్రోఫీలో ముంబై తరఫున ఆడుతున్న శ్రేయాస్ అయ్యర్ ఈ నెల 12 నుంచి బాంద్రా-కుర్లా కాంప్లెక్స్ మైదానంలో ఆంధ్రతో జరిగే మ్యాచ్లో ఆడనున్నాడు. దీంతో సెలక్టర్లు రెస్ట్ పేరుతో టీ20 సిరీస్ నుంచి శ్రేయాస్ను పక్కన పెట్టారనే అభిప్రాయాలు వ్యక్తమవుతున్నాయి. ముంబై రంజీ జట్టులో కీలక ఆటగాడు సర్ఫరాజ్ ఖాన్ భారత్ ‘ఎ’ తరఫున ఆడబోతున్నాడు. దీంతో సర్ఫరాజ్ ఖాన్ స్థానంలో శ్రేయాస్ ముంబై జట్టులోకి రానున్నాడు.
దక్షిణాఫ్రికాతో జరిగిన టీ20 సిరీస్లో శ్రేయాస్ అయ్యర్ హాఫ్ సెంచరీ సాధించాడు. కీలక సమయాల్లో రాణించాడు. కానీ టెస్టు సిరీస్లో విఫలమయ్యాడు. తొలి టెస్టులో తొలి ఇన్నింగ్స్లో 31 పరుగులు, రెండో ఇన్నింగ్స్లో 6 పరుగులు చేశాడు. రెండో టెస్టు తొలి ఇన్నింగ్స్లో డకౌట్ అయిన అతను రెండో ఇన్నింగ్స్లో 4 పరుగులు చేసి నాటౌట్గా నిలిచాడు. దీంతో రంజీ ట్రోఫీలో సత్తా చాటి ఇంగ్లండ్ తో ఈ నెల 25 నుంచి ప్రారంభం కానున్న టెస్టు సిరీస్ లో ఆత్మవిశ్వాసంతో బరిలోకి దిగాలని శ్రేయాస్ అయ్యర్ భావిస్తున్నాడు. మరోవైపు బీహార్తో జరిగిన తొలి మ్యాచ్లో 51 పరుగుల తేడాతో గెలిచిన ముంబై టోర్నీలో శుభారంభం చేసింది. దీంతో ఆంధ్రతో జరిగే మ్యాచ్ లో సత్తా చాటాలని భావిస్తోంది. అంతేకాదు శ్రేయాస్ అయ్యర్ కూడా జట్టులోకి రావడంతో ముంబై బలం పెరిగింది.
ముంబై జట్టు: అజింక్య రహానే (కెప్టెన్), శ్రేయాస్ అయ్యర్, జే బిస్తా, భూపేన్ లాల్వానీ, అమోఘ్ భత్కల్, సువేద్ పార్కర్, ప్రసాద్ పవార్ (వికెట్ కీపర్), హార్దిక్ తమోర్ (వికెట్ కీపర్), షమ్స్ ములానీ, తనుష్ కోటియన్, అథర్వ అంకోలేకర్, డి రోస్టన్వాస్తి, డి రోస్టన్వాస్తి, మోహిత్ అవస్తి ‘సౌజా.
