అయోధ్యలో సూపర్ స్టార్ రజనీకాంత్, పవర్ స్టార్ పవన్ కళ్యాణ్. రామమందిరం ప్రారంభోత్సవం గురించి మాట్లాడుతున్న పవన్ కళ్యాణ్..
అయోధ్య రామమందిరం ప్రారంభోత్సవంలో పవన్ కళ్యాణ్ రజనీకాంత్
అయోధ్య రామమందిరం : ఉత్తరప్రదేశ్లోని అయోధ్యలో రామమందిర ప్రారంభోత్సవం రేపు జనవరి 22న జరగనుంది. అయోధ్యలో రాముని జీవిత వైభవాన్ని చూడటానికి దేశం నలుమూలల నుండి రామభక్తులు అక్కడికి వెళుతున్నారు. అలాగే దేశంలోని పలువురు ప్రముఖులు కూడా ఈ మహత్తర కార్యక్రమానికి హాజరుకానున్నారు. సినీ, రాజకీయ రంగాలకు చెందిన పలువురు ప్రముఖులకు ప్రత్యేక ఆహ్వానాలు అందాయి.
ఈ కార్యక్రమంలో పవర్ స్టార్ పవన్ కళ్యాణ్, సూపర్ స్టార్ రజనీకాంత్లకు కూడా ఆహ్వానాలు అందాయి. దీంతో ఈ ఇద్దరు తారలు ఇవాళ అయోధ్యకు చేరుకున్నారు. ప్రస్తుతం అందుకు సంబంధించిన వీడియోలు వైరల్గా మారాయి. ఈ రామమందిరం ప్రారంభోత్సవం గురించి పవన్ కళ్యాణ్ మాట్లాడుతూ.. ‘‘ఇది ఎన్నో ఏళ్ల కల. 500 ఏళ్ల తర్వాత ఇప్పుడు నిజం కానుంది. అందుకు నేను చాలా సంతోషంగా ఉన్నాను” అని అన్నారు.
ఇది కూడా చదవండి: రామమందిరం ప్రారంభోత్సవం: వెండితెరపై రామమందిరం ప్రారంభోత్సవం ప్రత్యక్ష ప్రసారం.. ఎక్కడ? ఎప్పుడు
#చూడండి | ఉత్తర ప్రదేశ్ | రేపు రామ మందిరం ప్రాణప్రతిష్ఠకు ముందు సూపర్ స్టార్ రజనీకాంత్ అయోధ్యలోని ఓ హోటల్కు చేరుకున్నారు. pic.twitter.com/IJFYH7WGyP
– ANI (@ANI) జనవరి 21, 2024
#చూడండి | ఉత్తరప్రదేశ్: రేపు జరగనున్న అయోధ్య రామ మందిరం ప్రాణప్రతిష్ఠ కార్యక్రమానికి ముందు జనసేన అధినేత పవన్ కళ్యాణ్ లక్నో చేరుకున్నారు.
అతను ఇలా అంటాడు, “ఇది ప్రజల చిరకాల స్వప్నం మరియు 500 సంవత్సరాల తర్వాత, ఇది ఎట్టకేలకు నిజం కాబోతోంది, మేము… pic.twitter.com/JEY4QnO6qn
– ANI (@ANI) జనవరి 21, 2024
ఇదిలా ఉంటే ఈ ప్రారంభోత్సవ కార్యక్రమానికి టాలీవుడ్ నుంచి మెగా ఫ్యామిలీకి కూడా ఆహ్వానం అందింది. ఈ ప్రారంభోత్సవ కార్యక్రమానికి మెగాస్టార్ చిరంజీవి, మెగా పవర్ స్టార్ రామ్ చరణ్ దంపతులు హాజరు కానున్నారు. ప్రస్తుతం టాలీవుడ్ నుంచి వెళ్లిపోతున్న వారి లిస్టులో వీరి పేర్లు బయటికి వచ్చాయి. ఇంకా ఎవరైనా ఉన్నారో లేదో రేపు తెలుస్తుంది.
