చందు కోడూరి హీరోగా, దర్శకుడుగా తెరకెక్కిన చిత్రం ‘ప్రేమలో’.
ప్రేమలో సినిమా ట్రైలర్ విడుదల చిత్రం విడుదల తేదీని ప్రకటించారు
ప్రేమలో ట్రైలర్ : చందు కోడూరి హీరోగా, దర్శకుడుగా తెరకెక్కిన చిత్రం ‘ప్రేమలో’. చరిష్మా శ్రీఖర్ కథానాయికగా డ్రీమ్ జోన్ పిక్చర్స్ బ్యానర్పై రాజేష్ కోడూరి నిర్మిస్తున్నారు. ఇప్పటికే టీజర్తో పాటు పలు పాటలు విడుదల కాగా, తాజాగా ఈరోజు ట్రైలర్ను విడుదల చేశారు. ఈ ట్రైలర్ లాంచ్ కార్యక్రమానికి నటుడు శివాజీరాజా అతిథిగా హాజరయ్యారు.
ప్రేమ ట్రైలర్ ఆద్యంతం ఆసక్తికరంగా సాగింది. ట్రైలర్ లాంచ్ కార్యక్రమంలో హీరో, దర్శకుడు చందు కోడూరి మాట్లాడుతూ.. చిత్ర పరిశ్రమలో సరైన గుర్తింపు రాకపోయినా ఇక్కడకు రావడం సంతోషంగా ఉంది. ప్రేమలో సినిమాతో హీరోగా, దర్శకుడిగా మారబోతున్నాను. శివాజీరాజా ట్రైలర్ను విడుదల చేయడం ఆనందంగా ఉంది. ఈ సినిమాలో ఓ ముఖ్యమైన పాత్రలో నటించాడు. సినిమా కోసం టీమ్ అంతా చాలా కష్టపడ్డారు. మేజర్, రైటర్ పద్మభూషణ్ లాంటి హిట్ చిత్రాలను అందించిన ఎడిటర్ పవన్ కళ్యాణ్ గారు నా కోసం ఈ సినిమా చేసినందుకు ధన్యవాదాలు. సినిమా బిజిఎమ్ నెక్స్ట్ లెవెల్. అన్నయ్య రాజేష్ నిర్మాతగా పెట్టుబడి పెట్టడమే కాకుండా మేనేజర్గా కూడా కష్టపడ్డాడు. భారీ తారాగణం, ఎలివేషన్లు లేవు కానీ భారీ భావోద్వేగాలు. కథలో బలం, కాన్సెప్ట్లో దమ్ముంది. అందుకే ఈ సినిమా చేశాను. ఇప్పటివరకు ఎవరూ ట్రై చేయని కథే చేశాను. ఈ సినిమాతో చాలా మందికి ఉపాధి కల్పించాను. సినిమా పెద్ద హిట్ అయితే ఎంతో మందికి ఉపాధి దొరుకుతుందని అన్నారు.
ఇది కూడా చదవండి: అయోధ్య రామమందిరం : అయోధ్య రామమందిర ప్రారంభోత్సవంపై టాలీవుడ్ ప్రముఖుల ట్వీట్లు.
నటుడు శివాజీరాజా మాట్లాడుతూ.. ఈ కార్యక్రమానికి యాంకర్ లేరని చెప్పడం మొదట బాధగా అనిపించింది. తమిళ స్టార్ టీ రాజేందర్.. హీరో, ఎడిటర్, డైరెక్టర్. కానీ ఎప్పుడూ యాంకరింగ్ చేయలేదు. ఇప్పుడు చందూ యాంకరింగ్ కూడా చేశాడు. నా గురువు వి.మధు సుధన్ కూతురు వాణి ఫోన్ చేసి ఈ టీమ్కి సహాయం చేయమని కోరింది. మూడు రోజుల పాత్ర అడిగారు. చందు అభిరుచి చూసి.. మూడు రోజులు పడితే ఖర్చు ఎక్కువ అవుతుందని ఒకటిన్నర రోజుల్లో పూర్తి చేయమని అడిగాను. తన కష్టానికి మంచి పేరు వస్తుంది. ఇలాంటి చిన్న సినిమాలను ఆదరించాలి. ఇక ఈ సినిమా రిపబ్లిక్ డే కానుకగా జనవరి 26న థియేటర్లలో విడుదల కానుంది.
