నందమూరి బాలకృష్ణ, దర్శకుడు బాబీ కాంబినేషన్‌లో వస్తున్న సినిమాలో మలయాళ నటుడు దుల్కర్ సల్మాన్ కీలక పాత్ర పోషిస్తున్న సంగతి తెలిసిందే. తాజాగా వీరిద్ద‌రి మధ్య సన్నివేశాలు పూర్త‌య్యాయ‌ని వార్తలు వైరల్ అవుతున్నాయి.
బాలకృష్ణ మరియు దుల్కర్ సల్మాన్ యొక్క ఫైల్ చిత్రాలు
నందమూరి బాలకృష్ణ ప్రస్తుతం NBK109 సినిమా షూటింగ్‌లో బిజీగా ఉన్నారు. కెఎస్ రవీంద్ర (బాబీ) దర్శకుడు కాగా, ఇందులో మలయాళ సూపర్ స్టార్ దుల్కర్ సల్మాన్ కీలక పాత్ర పోషిస్తున్న సంగతి తెలిసిందే. అయితే తాజాగా ఈ సినిమాకు సంబందించిన సమాచారం ప్రకారం బాలకృష్ణ, దుల్కర్ సల్మాన్ మధ్య వచ్చే సన్నివేశాల చిత్రీకరణ ఇటీవలే జరిగినట్లు వార్తలు వైరల్ అవుతున్నాయి. ఈ చిత్రాన్ని సితార ఎంటర్‌టైన్‌మెంట్స్ నిర్మిస్తోంది.
ఈ చిత్రంలో కథానాయికగా ఊర్వశి రౌతేలా ఎంపికైంది, ఈ చిత్రం గురించి ఆమె చాలా ఇంటర్వ్యూలలో చెప్పారు. ఈ సినిమాలో బాలీవుడ్ నటుడు బాబీ డియోల్ విలన్ పాత్రలో కనిపించనున్నాడు. ఇదిలా ఉండగా బాలకృష్ణ, దుల్కర్ సల్మాన్ మధ్య వచ్చే సన్నివేశాలను బాబీ రెండ్రోజుల క్రితం చిత్రీకరించినట్లు తెలుస్తోంది.
ఈ సన్నివేశాలు సినిమాకే హైలైట్‌గా నిలుస్తాయని, చాలా బాగా ఆదరణ లభిస్తుందని, చాలా ఎక్సైటింగ్‌గా ఉందని, సోషల్‌మీడియాలో కూడా దీనిపై పెద్దఎత్తున మాట్లాడుకుంటున్నారు చిత్ర యూనిట్ సభ్యులు. అయితే ఈ సినిమాలో దుల్కర్ ఏ పాత్రలో నటిస్తున్నాడు అనేది ఇంకా క్లారిటీ లేదు. అలాగే ఈ సినిమాలో రాజకీయాలకు సంబంధించిన పలు మాటలు, సన్నివేశాలు ఉంటాయని అంటున్నారు. ముందుగా ‘వీరసింహా రెడ్డి’ సినిమాలో చెప్పినట్లు ఈ సినిమాలోనూ పరోక్షంగా ఉంటుందని అంటున్నారు. ఆంధ్రాను ప్రతిబింబించేలా కొన్ని సన్నివేశాలు ఉండవచ్చని కూడా అంటున్నారు.
ఈ సినిమాకు సంబంధించిన అప్‌డేట్‌ కోసం బాలకృష్ణ అభిమానులు ఎదురుచూస్తున్నారు. వచ్చే ఎన్నిక‌ల లోపు ఈ చిత్రాన్ని విడుద‌ల చేయాల‌ని ప్ర‌య‌త్నాలు జ‌రుగుతున్నాయ‌ని వార్తలు కూడా వ‌చ్చాయి.
నవీకరించబడిన తేదీ – జనవరి 23, 2024 | 05:11 PM
