IND vs ENG: భారీ ఆధిక్యత బాటలో టీమిండియా.. టీ బ్రేక్ సమయానికి ఎంత స్కోరు..?

హైదరాబాద్: ఉప్పల్ వేదికగా ఇంగ్లండ్ తో జరుగుతున్న తొలి టెస్టు మ్యాచ్ తొలి ఇన్నింగ్స్ లో భారత జట్టు భారీ విజయం దిశగా దూసుకుపోతోంది. రెండో రోజు ఆటలో టీ విరామ సమయానికి భారత జట్టు ఇంగ్లండ్ కంటే 63 పరుగుల ఆధిక్యంలో ఉంది. టీ విరామ సమయానికి టీమిండియా 5 వికెట్ల నష్టానికి 309 పరుగులు చేసింది. క్రీజులో రవీంద్ర జడేజా (45), కేఎస్ భరత్ (9) ఉన్నారు. పరుగులు చేయగల సత్తా ఉన్న రవిచంద్రన్ అశ్విన్, అక్షర్ పటేల్ ఇంకా బ్యాటింగ్‌లోకి రాలేదు. కాగా, ఓవర్ నైట్ స్కోరు 119/1తో రెండో రోజు ఆట ప్రారంభించిన టీమ్ ఇండియాకు ఆదిలోనే షాక్ తగిలింది. సెంచరీ చేయాలనుకున్న ఓపెనర్ యశస్వి జైస్వాల్ తొలి రోజు ఆటకు మరో 4 పరుగులు మాత్రమే జోడించి 80 పరుగుల వ్యక్తిగత స్కోరు వద్ద ఔటయ్యాడు. జైస్వాల్ జోరూట్ పెవిలియన్ చేరాడు. దీంతో భారత జట్టు 123 పరుగుల వద్ద రెండో వికెట్ కోల్పోయింది. ఆ వెంటనే వన్ డౌన్ బ్యాటర్ శుభమన్ గిల్ (23)ను టామ్ హర్ట్లీ పెవిలియన్ చేర్చాడు. గత కొంత కాలంగా టెస్టుల్లో రాణించలేక పోతున్న గిల్ మరోసారి నిరాశపరిచాడు. దీంతో టీమిండియా 159 పరుగులకే 3 వికెట్లు కోల్పోయింది.

ఈ సమయంలో కేఎల్ రాహుల్, శ్రేయాస్ అయ్యర్ నాలుగో వికెట్‌కు అర్ధ సెంచరీ భాగస్వామ్యాన్ని నెలకొల్పారు. ఈ క్రమంలో జట్టు స్కోరు 200 దాటగా.. లంచ్ విరామ సమయానికి టీమిండియా 3 వికెట్లు కోల్పోయి 222 పరుగులు చేసింది. కేఎల్ రాహుల్ (55), శ్రేయాస్ అయ్యర్ (34) క్రీజులో ఉన్నారు. లంచ్ విరామం తర్వాత టీమ్ ఇండియా శ్రేయాస్ అయ్యర్ (35) వికెట్ కోల్పోయింది. రెహాన్ అహ్మద్ బౌలింగ్‌లో టామ్ హర్ట్లీ క్యాచ్ పట్టడంతో శ్రేయాస్ పెవిలియన్ చేరాడు. అనంతరం రవీంద్ర జడేజాతో కలిసి ఇన్నింగ్స్‌ను ముందుకు తీసుకెళ్లిన కేఎల్ రాహుల్.. టీమ్ ఇండియాను సత్తా చాటాడు. ఈ దశలో రాహుల్ సెంచరీ చేసేలా కనిపించాడు. కానీ టామ్ హార్ట్లీ వేసిన 65వ ఓవర్లో రెహాన్ అహ్మద్ క్యాచ్ ఇచ్చి రాహుల్ ఔటయ్యాడు. ఫలితంగా 288 పరుగులకే టీమిండియా సగం వికెట్లు కోల్పోయింది. రాహుల్ 8 ఫోర్లు, 2 సిక్సర్లతో 86 పరుగులు చేశాడు. అనంతరం కేఎస్ భరత్ తో కలిసి ఇన్నింగ్స్ ను ముందుకు తీసుకెళ్లిన జడేజా.. జట్టు స్కోరును 300 దాటికి తీసుకెళ్లగా.. ఇంగ్లండ్ తొలి ఇన్నింగ్స్ లో 246 పరుగులకు ఆలౌట్ అయిన సంగతి తెలిసిందే.

నవీకరించబడిన తేదీ – జనవరి 26, 2024 | 02:34 PM