ఇంగ్లండ్తో జరిగిన రెండో టెస్టులో ఓడిన టీమిండియాకు భారీ షాక్ తగిలే అవకాశం ఉంది. వైజాగ్లో జరగనున్న రెండో టెస్టు మ్యాచ్కు టీమిండియా స్టార్ ఆల్రౌండర్ రవీంద్ర జడేజా దూరమయ్యే అవకాశాలు కనిపిస్తున్నాయి.
హైదరాబాద్: ఇంగ్లండ్తో జరిగిన రెండో టెస్టులో ఓడిన టీమిండియాకు భారీ షాక్ తగిలే అవకాశం ఉంది. వైజాగ్లో జరగనున్న రెండో టెస్టు మ్యాచ్కు టీమిండియా స్టార్ ఆల్రౌండర్ రవీంద్ర జడేజా దూరమయ్యే అవకాశాలు కనిపిస్తున్నాయి. తొడ కండరాల గాయం కారణంగా జడ్డూ రెండో టెస్టు మ్యాచ్లో ఆడకపోవచ్చని తెలుస్తోంది. రెండో ఇన్నింగ్స్లో టీమిండియా బ్యాటింగ్ చేస్తున్న సమయంలో 39వ ఓవర్లో జడేజా రనౌట్ అయ్యాడు. ఇంగ్లండ్ కెప్టెన్ బెన్ స్టోక్స్ వేసిన డైరెక్ట్ త్రో స్టంప్స్కి తగిలి జడేజా రనౌట్ అయ్యాడు. 2 పరుగులకే పెవిలియన్ చేరుకున్నాడు. ఈ క్రమంలో జడేజా రనౌట్ కాకుండా వేగంగా పరిగెత్తడంతో అతని తొడ కండరాలు పట్టుకున్నాయి. దీంతో కంగారుపడిన అతడు పెవిలియన్కు వెళ్లాడు. జడేజా గాయం తీవ్రతపై ప్రస్తుతం ఎలాంటి సమాచారం లేదు. ఈ నేపథ్యంలో జడేజా గాయంపై ప్రధాన కోచ్ రాహుల్ ద్రవిడ్ స్పందించాడు.
ఫిజియోతో తాను ఇంకా మాట్లాడలేదని, జడేజా గాయంపై ఇప్పుడే ఏమీ చెప్పలేనని స్పష్టం చేశాడు. తర్వాత ఫిజియోతో మాట్లాడి జడేజా గాయం గురించి చెబుతానని చెప్పాడు. అయితే ఫిజియో టెస్టులో కండలు చిట్లకపోయినా.. జడేజా కోలుకోవడానికి కనీసం వారం రోజులు ఆగాల్సిందే. వైజాగ్ టెస్ట్ ప్రారంభం కావడానికి మరో 4 రోజులు మాత్రమే మిగిలి ఉంది. దీంతో ఈ మ్యాచ్ లో జడ్డూ ఆడడం అనుమానంగానే కనిపిస్తోంది. కాగా, ఉప్పల్ వేదికగా ఇంగ్లండ్తో జరిగిన తొలి టెస్టు మ్యాచ్లో జడేజా సత్తా చాటాడు. జడేజా తొలి ఇన్నింగ్స్లో 87 పరుగులు చేసి టీమ్ ఇండియా టాప్ స్కోరర్గా నిలిచాడు. రెండు ఇన్నింగ్స్ల్లో కలిపి 5 వికెట్లు కూడా తీశాడు. రెండో ఇన్నింగ్స్లో జడేజా కాసేపు బ్యాటింగ్ చేసి ఉంటే.. టీమిండియాకు విజయావకాశాలు ఉండేవి. ఉత్కంఠగా సాగిన తొలి టెస్టులో టీమిండియా ఓటమి పాలైంది. దీంతో ఇంగ్లండ్ 28 పరుగుల తేడాతో విజయం సాధించింది. తొలి ఇన్నింగ్స్లో భారత జట్టు 190 పరుగుల తేడాతో ఓడిపోయింది. రెండో ఇన్నింగ్స్లో 196 పరుగులు చేసిన ఇంగ్లండ్ బ్యాట్స్మెన్ ఓలీ పోప్, టీమ్ ఇండియా రెండో ఇన్నింగ్స్లో 7 వికెట్లు తీసిన టామ్ హర్ట్లీ ఇంగ్లండ్ విజయంలో కీలక పాత్ర పోషించారు. ఫిబ్రవరి 2 నుంచి భారత్, ఇంగ్లండ్ మధ్య రెండో టెస్టు మ్యాచ్ ప్రారంభం కానుంది.
నవీకరించబడిన తేదీ – జనవరి 29, 2024 | 12:22 PM
