భారత్ వర్సెస్ ఇంగ్లండ్: ఐదు టెస్టు మ్యాచ్‌ల సిరీస్‌లో ఇంగ్లండ్‌కు శుభారంభం లభించింది. హైదరాబాద్‌లోని ఉప్పల్ వేదికగా జరిగిన తొలి టెస్టులో భారత్ 28 పరుగుల తేడాతో ఘన విజయం సాధించింది. వరుస విజయాలతో దూసుకెళ్తున్న ఇంగ్లండ్‌కు గట్టి ఎదురుదెబ్బ తగిలింది. ఆ జట్టు స్టార్ స్పిన్నర్ జాక్ లీచ్ రెండో టెస్టులో ఆడడం అనుమానంగా మారింది. బుధవారం విశాఖపట్నంలోని మైదానంలో ఇంగ్లాండ్ జట్టు నిర్వహించిన ప్రాక్టీస్ సెషన్‌లో అతను పాల్గొనలేదు.
తొలి టెస్టులో ఫీల్డింగ్ చేస్తున్న సమయంలో జాక్లీచ్ గాయపడ్డాడు. బంతిని ఆపేందుకు డైవ్ చేయడంతో మోకాలికి గాయమైంది. నొప్పితో కుంగిపోయిన లీచ్ మ్యాచ్‌లో చాలా వరకు డ్రెస్సింగ్ రూమ్‌కే పరిమితమయ్యాడు. అతను స్ట్రాపింగ్ ధరించి నొప్పితో బౌలింగ్ చేశాడు. రెండో ఇన్నింగ్స్‌లో ఒక వికెట్ కూడా తీశాడు. ఇంగ్లండ్ స్పిన్‌ కోచ్ జీతన్‌ పటేల్‌ ఒకే చోట రెండుసార్లు దెబ్బలు తగలడంతో గాయం మరింత తీవ్రమైందని అన్నాడు. అయితే తొలి టెస్టులో అద్భుతంగా బౌలింగ్ చేసి ప్రశంసలు అందుకున్నాడు.
ఐసీసీ టెస్టు ర్యాంకింగ్స్: దుమ్మురేపిన పోప్.. అశ్విన్, జడేజా టాప్.. కోహ్లీ, రోహిత్ ఎక్కడ..?
ఇదిలా ఉంటే జాక్లీచ్ గాయం నుంచి పూర్తిగా కోలుకోలేదని తెలుస్తోంది. ప్రస్తుతం ఆయన వైద్యుల పర్యవేక్షణలో ఉన్నారు. అందుకే బుధవారం ప్రాక్టీస్ సెషన్‌కు కూడా ఆడలేదు. అతను రెండో టెస్టులో ఆడకపోతే ఇంగ్లండ్ ప్రణాళికలు దెబ్బతినే అవకాశం ఉంది. ఇంగ్లండ్ జట్టులోని స్పిన్నర్లలో సీనియర్ ఆటగాడు.
ఇదిలా ఉంటే రెండో టెస్టు మ్యాచ్‌కు ఆతిథ్యమిస్తున్న విశాఖపట్నం స్పిన్‌కు అనుకూలం అనే వార్తలు వినిపిస్తున్నాయి. ఈ క్రమంలో నలుగురు స్పిన్నర్లతో బరిలోకి దిగుతామని ఇంగ్లండ్ కోచ్ బ్రెండన్ మెకల్లమ్ తెలిపాడు. ఇప్పుడు సీనియర్ ఆటగాడిగా ఉన్న లీచ్ నిష్క్రమణ ఇంగ్లండ్ కు పెద్ద ఎదురుదెబ్బగా మారనుంది. అతని స్థానంలో యువ ఆటగాడు షోయబ్ బషీర్ అరంగేట్రం చేసే అవకాశం ఉంది. వీసా సమస్యల కారణంగా తొలి టెస్టు మ్యాచ్‌కు దూరమైన సంగతి తెలిసిందే.
మయాంక్ అగర్వాల్: టీమిండియా క్రికెటర్ మయాంక్ అగర్వాల్ ఏమయ్యాడు? విష ద్రవాన్ని ఎందుకు తాగాడు?
