జ్ఞానవాపి మసీదు కమిటీ దానిని వదులుతుంది జ్ఞానవాపి మసీదు కమిటీ దానిని వదిలివేస్తుంది

ప్రయాగ్‌రాజ్, వారణాసి, ఢిల్లీ ఫిబ్రవరి 2: వారణాసిలోని జ్ఞానవాపి మసీదును నిర్వహిస్తున్న అంజుమన్ ఇంతేజామియా మసీదు కమిటీకి శుక్రవారం అలహాబాద్ హైకోర్టులో తక్షణ ఉపశమనం లభించలేదు. మసీదులోని దక్షిణ సెల్లారులోని వేదవ్యాస పీఠంలో పూజారి హిందూ దేవతా విగ్రహాలను పూజించవచ్చని వారణాసి జిల్లా కోర్టు బుధవారం ఇచ్చిన తీర్పును సవాలు చేస్తూ కమిటీ హైకోర్టును ఆశ్రయించింది. ఈ అప్పీల్‌ను విచారించిన న్యాయమూర్తి జస్టిస్ రోహిత్ రంజన్ అగర్వాల్ వెంటనే ఎలాంటి ఉత్తర్వులు జారీ చేసేందుకు సుముఖంగా లేరు. తదుపరి విచారణ మంగళవారానికి వాయిదా పడింది. జిల్లా కోర్టు తీర్పును సవాల్ చేస్తూ మసీదు కమిటీ గురువారం నేరుగా సుప్రీంకోర్టును ఆశ్రయించింది. అయితే ముందుగా హైకోర్టులో పిటిషన్ వేయాలని ప్రధాన న్యాయమూర్తి చెప్పడంతో.. కొన్ని గంటల్లోనే అలహాబాద్ హైకోర్టులో అప్పీలు సమర్పించారు. మసీదు కమిటీ తరపున న్యాయవాది SFA. జిల్లా కోర్టు హడావుడిగా తన నిర్ణయాన్ని ఇచ్చిందని నఖ్వీ వాదించారు. జిల్లా జడ్జి అజయ్ కృష్ణ విశ్వేశ పదవీ విరమణ చేసిన రోజునే తీర్పు వెలువరించినట్లు తెలిపారు. తాను జనవరి 31న (బుధవారం) పదవీ విరమణ చేశానని, అదే రోజు తన నిర్ణయాన్ని ప్రకటించానని చెప్పారు. తాము సమర్పించిన పత్రాలను పరిగణనలోకి తీసుకోలేదన్నారు. హిందూ పార్టీ తరపున విష్ణు శంకర్ జైన్ వాదిస్తూ.. ఆస్తిని స్వాధీనం చేసుకునేందుకు జిల్లా కలెక్టర్‌ను రిసీవర్‌గా నియమిస్తూ జనవరి 17న జిల్లా కోర్టు ఉత్తర్వులు ఇచ్చిందని తెలిపారు. ఆ మేరకు జనవరి 24న సీజ్ చేశామని.. జనవరి 17న ఉత్తర్వులు కొనసాగిస్తూ.. తదుపరి చర్యగా జనవరి 31న ఉత్తర్వులు ఇచ్చామని తెలిపారు. ఇది కొత్త ఆర్డర్ కాదని ఆయన అన్నారు. జనవరి 17న ఇచ్చిన ఉత్తర్వులపై ఎలాంటి అభ్యంతరాలు లేవనెత్తినందున ప్రస్తుత అప్పీలును విచారణకు స్వీకరించడం లేదన్నారు.

మసీదు వద్ద భారీ ఏర్పాట్లు

శుక్రవారం కావడంతో జ్ఞానవాపీ మసీదులో నమాజ్‌కు పెద్ద సంఖ్యలో ముస్లింలు హాజరయ్యారు. కోర్టు తీర్పు నేపథ్యంలో గతంలో కంటే రెట్టింపు సంఖ్య పెరిగింది. ఇతర మసీదులకు వెళ్లి ప్రార్థనలు చేయాలని కోరడంతో పోలీసులు వారిని తిప్పిపంపారు. మరోవైపు, మసీదు కమిటీ పిలుపు మేరకు వారణాసిలోని ముస్లిం జనాభా ఉన్న ప్రాంతాల్లో బంద్ పాటించారు. దుకాణాలు మూసివేయాలని, మహిళలెవరూ ఇళ్ల నుంచి బయటకు రావద్దని కమిటీ కోరింది. శాంతియుతంగా ప్రార్థించాలని హితవు చెప్పారు. అధికారులు భారీ బందో బస్తు నిర్వహించడంతో అంతా ప్రశాంతంగా సాగింది.

నవీకరించబడిన తేదీ – ఫిబ్రవరి 03, 2024 | 05:06 AM