రోహిత్ శర్మ: 12వ ఫెయిల్ సినిమాపై టీమిండియా కెప్టెన్ రోహిత్ శర్మ ప్రశంసలు కురిపించాడు

రీసెంట్ గా రిలీజైన 12వ ఫెయిల్ సినిమా సూపర్ హిట్ గా నిలిచిందని టీమిండియా కెప్టెన్ రోహిత్ శర్మ కొనియాడాడు. సినిమా చూసిన హిట్ మ్యాన్ చాలా బాగుందని మెచ్చుకున్నారు. ఈ నెల 15 నుంచి రాజ్‌కోట్ వేదికగా ఇంగ్లండ్‌తో జరిగే మూడో టెస్టు మ్యాచ్‌కు రోహిత్ శర్మ సిద్ధమవుతున్నాడు. మ్యాచ్ ప్రారంభం కావడానికి ఇంకా సమయం ఉంది. ఈ విరామంలో రోహిత్ శర్మ ఓ షోలో పాల్గొన్నాడు. మందిరా బేడీ హోస్ట్ చేస్తున్న షోలో రోహిత్ శర్మను చాలా ప్రశ్నలు అడిగారు. అందులో భాగంగానే మందిరా బేడీ మీరు ఈ మధ్య కాలంలో ఏదైనా సినిమా లేదా షో చూశారా అని ప్రశ్నించారు. దీనిపై రోహిత్ శర్మ స్పందిస్తూ.. 12వ ఫెయిల్ సినిమా చూశాను. దానికి బేడీ స్పందిస్తూ.. సినిమా స్ఫూర్తిదాయకమని అన్నారు. ఈ క్రమంలో రోహిత్ శర్మ అవును చాలా మంచి సినిమా అని కొనియాడాడు.

ఓవరాల్ గా 12వ ఫెయిల్ సినిమా హిట్ మ్యాన్ మనసు దోచుకుంది. రోహిత్ శర్మకు ఐపీఎస్ అధికారి కథ బాగా నచ్చింది. ఈ షోకు సంబంధించిన వీడియో ప్రస్తుతం సోషల్ మీడియాలో హల్‌చల్ చేస్తోంది. 2023 అక్టోబర్ 27న విడుదలైన 12వ ఫెయిల్ చిత్రం మంచి విజయం సాధించింది. పిల్లల నుంచి పెద్దల వరకు అందరూ మెచ్చుకుంటున్నారు. మనోజ్ కుమార్ అనే ఐపీఎస్ అధికారి జీవితం ఆధారంగా తెరకెక్కిన ఈ చిత్రంలో విక్రాంత్ మాస్సే ప్రధాన పాత్రలో నటించారు. విధు వినోద్ చోప్రా దర్శకత్వం వహించారు. నిర్మాత కూడా ఆయనే. శంతను మోయిత్ర సంగీతం సమకూర్చగా, రంగరాజన్ రామబద్రం సినిమాటోగ్రాఫర్. 12వ తరగతిలో ఫెయిల్ అయిన ఓ పేద విద్యార్థి ఐపీఎస్ అధికారి ఎలా అయ్యాడనేదే సినిమా. ఇప్పటికే ఎన్నో అవార్డులను సొంతం చేసుకున్న ఈ సినిమా అందరికీ స్ఫూర్తిదాయకం. ప్రస్తుతం ఆస్కార్ బరిలో నిలిచేందుకు పోటీ పడుతోంది.

మరింత క్రీడా వార్తలు కోసం ఇక్కడ క్లిక్ చేయండి

నవీకరించబడిన తేదీ – ఫిబ్రవరి 12, 2024 | 02:29 PM