AUS vs WI : డేవిడ్ వార్నర్ విధ్వంసం.. రస్సెల్ ఊచకోత.. మూడో టీ20లో వెస్టిండీస్ విజయం

ఆస్ట్రేలియాతో జరిగిన మూడో టీ20లో వెస్టిండీస్ 37 పరుగుల తేడాతో విజయం సాధించింది

ఆస్ట్రేలియా పర్యటనను వెస్టిండీస్ జట్టు విజయంతో ముగించింది. మూడు మ్యాచ్‌ల టీ20 సిరీస్‌లో నామమాత్రపు మూడో టీ20 మ్యాచ్‌లో ఓదార్పు విజయం సాధించింది. ఆల్ రౌండ్ ప్రదర్శనతో ఆకట్టుకున్న వెస్టిండీస్ ఆటగాళ్లు 37 పరుగుల తేడాతో విజయం సాధించి క్లీన్ స్వీప్ నుంచి తప్పించుకున్నారు. ఆస్ట్రేలియా పర్యటనలో వెస్టిండీస్ రెండు టెస్టులు, మూడు వన్డేలు, మూడు టీ20 మ్యాచ్‌లు ఆడింది. గబ్బా వేదికగా జరిగిన రెండో టెస్టు, నేటి మ్యాచ్‌తో పాటు రెండు మ్యాచ్‌ల్లోనూ వెస్టిండీస్ విజయం సాధించడం గమనార్హం. మిగిలిన అన్ని మ్యాచ్‌ల్లోనూ ఆస్ట్రేలియా విజయం సాధించింది.

ఈ మ్యాచ్‌లో తొలుత బ్యాటింగ్ చేసిన వెస్టిండీస్ నిర్ణీత 20 ఓవర్లలో ఆరు వికెట్ల నష్టానికి 220 పరుగులు చేసింది. వెస్టిండీస్ బ్యాటర్లలో ఆండ్రీ రస్సెల్ (71; 29 బంతుల్లో 4 ఫోర్లు, 7 సిక్సర్లు), రూథర్ ఫోర్డ్ (67 నాటౌట్; 40 బంతుల్లో 5 ఫోర్లు, 5 సిక్సర్లు) చెలరేగిపోయారు.

బీసీసీఐ: బీసీసీఐ కీలక నిర్ణయం! ఇషాన్ కిషన్‌తో పాటు మిగతా ఆటగాళ్లకు భారీ షాక్!

వీరితో పాటు రోస్టన్ చేజ్ (37), రోవ్‌మన్ పావెల్ (21) రాణించడంతో వెస్టిండీస్ భారీ స్కోరు చేసింది. ఆస్ట్రేలియా బౌలర్లలో జేవియర్ బార్ట్‌లెట్ రెండు వికెట్లు తీశాడు. బెహ్రెన్‌డార్ఫ్, స్పెన్సర్ జాన్సన్, ఆరోన్ హార్డీ, ఆడమ్ జంప్ తలో వికెట్ తీశారు.

వార్నర్ అదరగొట్టిన..

విధ్వంసకర ఓపెనర్ డేవిడ్ వార్నర్ (81; 49 బంతుల్లో 9 ఫోర్లు, 3 సిక్సర్లు) భారీ లక్ష్యాన్ని ఛేదించాడు. వెస్టిండీస్ బౌలర్లపై బౌండరీలతో విరుచుకుపడ్డాడు. చివర్లో టిమ్ డేవిడ్ (41 నాటౌట్; 19 బంతుల్లో 2 ఫోర్లు, 4 సిక్సర్లు) విధ్వంసకర ఇన్నింగ్స్ ఆడినా జట్టును గెలిపించలేకపోయాడు. మిచెల్ మార్ష్ (17), ఆరోన్ హార్డీ (16), జోష్ ఇంగ్లిస్ (1), గ్లెన్ మాక్స్ వెల్ (12) విఫలమయ్యారు. వెస్టిండీస్ బౌలర్లలో రొమారియో షెపర్డ్, రోస్టన్ చేజ్ చెరో రెండు వికెట్లు తీశారు. అఖిల్ హొస్సేన్ ఒక వికెట్ తీశాడు.

విరాట్ కోహ్లీ: కోహ్లీ భార్యకు ఏమైంది? అనుష్క శర్మ ప్రెగ్నెన్సీలో సమస్యలు? ఏదైనా నిజం ఉందా?

Leave a Reply

Your email address will not be published. Required fields are marked *