సార్వత్రిక ఎన్నికల షెడ్యూల్ వెలువడిన తర్వాత కాంగ్రెస్ వర్కింగ్ కమిటీ (సీడబ్ల్యూసీ) తొలిసారి ఢిల్లీలో సమావేశమైంది. లోక్సభ అభ్యర్థుల ఎంపికతో పాటు పార్టీ మేనిఫెస్టోపై ఈ సమావేశంలో ప్రధానంగా చర్చించనున్నారు. రాహుల్ గాంధీ భారత్ జోడో న్యాయ్ యాత్రకు అభినందనలు తెలుపుతూ సీడబ్ల్యూసీ తీర్మానం చేయనుంది. లోక్సభ ఎన్నికల నేపథ్యంలో ప్రజాకర్షక మేనిఫెస్టోను రూపొందించే లక్ష్యంతో ఈ సమావేశం నిర్వహిస్తున్నారు.
సార్వత్రిక ఎన్నికల షెడ్యూల్ వెలువడిన తర్వాత కాంగ్రెస్ వర్కింగ్ కమిటీ (సీడబ్ల్యూసీ) తొలిసారి ఢిల్లీలో సమావేశమైంది. లోక్సభ అభ్యర్థుల ఎంపికతో పాటు పార్టీ మేనిఫెస్టోపై ఈ సమావేశంలో ప్రధానంగా చర్చించనున్నారు. రాహుల్ గాంధీ భారత్ జోడో న్యాయ్ యాత్రకు అభినందనలు తెలుపుతూ సీడబ్ల్యూసీ తీర్మానం చేయనుంది. లోక్సభ ఎన్నికల నేపథ్యంలో ప్రజాకర్షక మేనిఫెస్టోను రూపొందించే లక్ష్యంతో ఈ సమావేశం నిర్వహిస్తున్నారు. ఇటీవలి హిమాచల్ ప్రదేశ్, కర్ణాటక, తెలంగాణ ఎన్నికల్లో మేనిఫెస్టోతో అధికారంలోకి రాగలిగామని ధీమాగా ఉన్న కాంగ్రెస్ పార్టీ.. దేశ ప్రజల విశ్వాసాన్ని పొందేలా ప్రణాళిక సిద్ధం చేయాలని భావిస్తోంది. అలాగే కాంగ్రెస్ పై బీజేపీ వ్యతిరేక ప్రచారాన్ని ఎలా అడ్డుకోవాలి.. భారత్ కూటమిని బలోపేతం చేసేందుకు ఎలాంటి వ్యూహాలు రచించాలనే దానిపై ఈ భేటీలో చర్చించే అవకాశం ఉన్నట్లు తెలుస్తోంది. సీడబ్ల్యూసీలో పలు అంశాలు చర్చకు వచ్చినా ఎన్నికల సమయంలో మేనిఫెస్టోపైనే ప్రధానంగా దృష్టి సారించనున్నట్టు పార్టీ వర్గాలు చెబుతున్నాయి. తొలి దశలో 18 రాష్ట్రాలు, మూడు కేంద్ర పాలిత ప్రాంతాల్లో జరిగే తొలి దశ ఎన్నికలకు సంబంధించి పెండింగ్లో ఉన్న అభ్యర్థుల ఎంపికపై చర్చించనున్నారు.
ఎలక్టోరల్ బాండ్లపై..
దేశవ్యాప్తంగా పెను దుమారం రేపుతున్న ఎలక్టోరల్ బాండ్ల అంశం కాంగ్రెస్ వర్కింగ్ కమిటీలో చర్చకు రానున్నట్లు తెలుస్తోంది. దీనిపై కాంగ్రెస్ పార్టీ తీర్మానం చేసే అవకాశం ఉంది. ఎలక్టోరల్ బాండ్ల వ్యవహారంలో ఎస్ బీఐపై సుప్రీంకోర్టు ఆగ్రహం వ్యక్తం చేసిన నేపథ్యంలో.. కేంద్ర ప్రభుత్వాన్ని టార్గెట్ చేస్తూ తీర్మానం చేయనున్నట్లు తెలుస్తోంది. 2019 ఏప్రిల్ 12 నుంచి ఈ ఏడాది ఫిబ్రవరి `5 వరకు 1260 కంపెనీలు, వ్యక్తులు రూ.12,155.51 కోట్ల విలువైన 22 వేల 217 బాండ్లను కొనుగోలు చేసినట్లు స్టేట్ బ్యాంక్ ఆఫ్ ఇండియా వెల్లడించిన సంగతి తెలిసిందే.
మరింత జాతీయ వార్తల కోసం ఇక్కడ నొక్కండి..
నవీకరించబడిన తేదీ – మార్చి 19, 2024 | 10:12 AM
