టీమిండియా: విరాట్ కోహ్లీకి బీసీసీఐ వార్నింగ్.. అసలేం జరిగింది..?

ఈ నెల 27 నుంచి జరగనున్న ఆసియాకప్ టోర్నీకి టీమిండియా స్టార్ ప్లేయర్ విరాట్ కోహ్లీ సిద్ధమవుతున్నాడు. ఈ టోర్నీలో అతని ప్రదర్శనపైనే అందరి దృష్టి ఉంటుందనడంలో సందేహం లేదు. అయితే తాజాగా విరాట్ కోహ్లీకి బీసీసీఐ వార్నింగ్ ఇవ్వడం సంచలనంగా మారింది. దీనికి కారణం కోహ్లి సోషల్ మీడియాలో షేర్ చేసిన ఓ పోస్ట్ అని స్పష్టం అవుతోంది. గురువారం విరాట్ కోహ్లీ తన యోయో ఫిట్‌నెస్ టెస్ట్ స్కోర్‌ను ఇన్‌స్టాగ్రామ్‌లో వెల్లడించాడు. ఈ విషయం బీసీసీఐ పెద్దలను కలవరపెడుతోంది. విరాట్ కోహ్లీ ఇన్‌స్టాగ్రామ్ స్టోరీ వైరల్ అయిన కొన్ని గంటల తర్వాత, టీమ్ ఇండియా క్రికెటర్ల కోసం బీసీసీఐ కఠినమైన మార్గదర్శకాలను రూపొందించింది.

బీసీసీఐ జారీ చేసిన మార్గదర్శకాల ప్రకారం టీమిండియాకు సంబంధించిన సమాచారాన్ని గోప్యంగా ఉంచాలి. ఈ నేపథ్యంలో యోయో టెస్టు స్కోర్‌ను కోహ్లీ సోషల్ మీడియాలో షేర్ చేయడం బీసీసీఐకి ఆగ్రహం తెప్పించింది. ఆసియా కప్‌కు ముందు బెంగళూరులో జరిగిన శిక్షణా శిబిరంలో టీమ్ మేనేజ్‌మెంట్ క్రికెటర్లకు ఫిట్‌నెస్ టెస్ట్ నిర్వహించింది. ఈ యో-యో టెస్టులో విరాట్ కోహ్లీ 17.2 స్కోర్ చేసినట్లు సోషల్ మీడియా ద్వారా వెల్లడించాడు. ఫిట్‌నెస్ టెస్ట్‌లో 17.2 ర్యాంక్ రావడం చాలా సంతోషంగా ఉందని అభిమానులతో పంచుకున్నాడు. బీసీసీఐ నిర్దేశించిన స్కోరు 16.5ను కోహ్లీ దాటేశాడు. దీంతో ఆయన సంతోషం వ్యక్తం చేశారు. దీంతో బీసీసీఐ రంగంలోకి దిగింది. జట్టుకు సంబంధించిన రహస్య సమాచారాన్ని బహిరంగ వేదికలపై వెల్లడించడం బీసీసీఐ నిబంధనలను ఉల్లంఘించడమేనని కోహ్లీని హెచ్చరించింది. మరోసారి ఇలాంటి ఘటనలకు పాల్పడితే చర్యలు తీసుకుంటామని స్పష్టం చేశారు. భారత ఆటగాళ్లు ఎవరూ జట్టు సమాచారాన్ని సోషల్ మీడియాలో షేర్ చేయకూడదని బీసీసీఐ తెలిపింది.

ఇది కూడా చదవండి: టీమ్ ఇండియా: ప్రాక్టీస్ మ్యాచ్ లో అదుర్స్.. శ్రేయాస్ అయ్యర్ భారీ సెంచరీ

ఈ నెల 27 నుంచి ఆసియా కప్ ప్రారంభం కానుంది. ఈ మేరకు టీమిండియా క్రికెటర్ల కోసం బీసీసీఐ ఆరు రోజుల శిక్షణ శిబిరాన్ని నిర్వహిస్తోంది. ఈ క్యాంపులో కోహ్లీతో పాటు కెప్టెన్ రోహిత్ శర్మ, వైస్ కెప్టెన్ హార్దిక్ పాండ్యా కూడా పాల్గొన్నారు. కోహ్లితో పాటు వీరిద్దరూ యోయో టెస్టులో విజయం సాధించారు. వీరంతా వెస్టిండీస్‌ పర్యటన నుంచి భారత్‌కు వచ్చిన తర్వాత ఐర్లాండ్‌ పర్యటన నుంచి విశ్రాంతి తీసుకున్నారు. మరోవైపు ఐర్లాండ్‌తో జరిగిన మూడు టీ20ల సిరీస్‌లో పాల్గొన్న బుమ్రా, సంజూ శాంసన్, ప్రసాద్ కృష్ణ, తిలక్ వర్మ వంటి ఆటగాళ్లు శుక్రవారం శిక్షణా శిబిరానికి హాజరుకానున్నారు. ఐర్లాండ్‌లోని డబ్లిన్ నుంచి నేరుగా బెంగళూరు చేరుకుంటారు.

నవీకరించబడిన తేదీ – 2023-08-25T15:02:05+05:30 IST