త్వరలో ప్రారంభం కానున్న దక్షిణాఫ్రికా పర్యటనలోపు టీమిండియాకు షాక్ తగిలే అవకాశాలు కనిపిస్తున్నాయి. ఈ నెల 26 నుంచి ప్రారంభం కానున్న తొలి టెస్టు మ్యాచ్లో సీనియర్ పేసర్ మహ్మద్ షమీ ఆడటం అనుమానంగానే కనిపిస్తోంది. ప్రస్తుతం చీలమండ గాయంతో బాధపడుతున్న షమీ చికిత్స కోసం ముంబైలోని ఆర్థోపెడిక్ నిపుణుడిని కలిశాడని బీసీసీఐ వెల్లడించింది. సెంచూరియన్ వేదికగా జరిగే తొలి టెస్టు మ్యాచ్ నాటికి షమీ పూర్తి ఫిట్నెస్తో లేకుంటే ఆ మ్యాచ్కు దూరం అవుతాడు. ప్రస్తుతం షమీకి వైద్య చికిత్స అందిస్తున్నారు. దక్షిణాఫ్రికాతో తొలి టెస్టు మ్యాచ్ ఆడనున్నారా? లేదా? అది అతని ఫిట్నెస్పై ఆధారపడి ఉంటుంది” అని బీసీసీఐ ఒక ప్రకటనలో తెలిపింది. అయితే షమీకి మైదానంలో గాయం జరగలేదని సమాచారం. ఆర్థోపెడిక్లో చికిత్స పొందిన తర్వాత షమీ బెంగళూరులోని నేషనల్ క్రికెట్ అకాడమీకి వెళ్లనున్నారు.
కాగా, ఈ నెల 10 నుంచి ప్రారంభం కానున్న దక్షిణాఫ్రికా పర్యటనలో భారత జట్టు మూడు టీ20లు, మూడు వన్డేలు, రెండు టెస్టుల సిరీస్లు ఆడనుంది. 10 నుంచి 14 వరకు టీ20 సిరీస్, 17 నుంచి 21 వరకు వన్డే సిరీస్, 26 నుంచి జనవరి 7 వరకు టెస్టు సిరీస్లు జరుగుతాయి. వన్డేలు, టీ20లకు షమీని సెలక్టర్లు ఎంపిక చేయలేదు. టెస్టు సిరీస్కు మాత్రమే ఎంపికైంది. ఇక ఇటీవల ముగిసిన వన్డే ప్రపంచకప్లో షమీ దుమ్ము రేపాడు. చివరి జట్టులోకి ఆలస్యంగా వచ్చినప్పటికీ, ప్రపంచకప్ టోర్నీలో అత్యధిక వికెట్లు తీసిన బౌలర్గా నిలిచాడు.
టీమ్ ఇండియా టెస్ట్ స్క్వాడ్: రోహిత్ శర్మ (కెప్టెన్), శుభమ్ గిల్, యశస్వి జైస్వాల్, విరాట్ కోహ్లి, శ్రేయాస్ అయ్యర్, రుతురాజ్ గైక్వాడ్, ఇషాన్ కిషన్ (వికెట్ కీపర్), కెఎల్ రాహుల్ (వికెట్ కీపర్), రవిచంద్రన్ అశ్విన్, రవీంద్ర జడేజా, శార్దూల్ ఠాకూర్, మహ్మద్ సిరాజ్, ముఖేష్ కుమార్, ముఖేష్ కుమార్ , జస్ప్రీత్ బుమ్రా (వైస్ కెప్టెన్), ప్రసాద్ కృష్ణ.
టీం ఇండియా టీ20 జట్టు: యశస్వి జైస్వాల్, శుభమ్ గిల్, రుతురాజ్ గైక్వాడ్, తిలక్ వర్మ, సూర్యకుమార్ యాదవ్ (కెప్టెన్), రింకూ సింగ్, శ్రేయాస్ అయ్యర్, ఇషాన్ కిషన్ (వికెట్ కీపర్), జితేష్ శర్మ (వికెట్ కీపర్), రవీంద్ర జడేజా (వైస్ కెప్టెన్), రవిష్టన్ సుందర్, వాషింగ్టన్ సుందర్ కుల్దీప్ యాదవ్, అర్ష్దీప్ సింగ్, మహ్మద్ సిరాజ్, ముఖేష్ కుమార్, దీపక్ చాహర్.
టీమిండియా వన్డే జట్టు: రుతురాజ్ గైక్వాడ్, సాయి సుదర్శన్, తిలక్ వర్మ, రజత్ పాటిదార్, రింకు సింగ్, శ్రేయాస్ అయ్యర్, కేఎల్ రాహుల్ (కెప్టెన్, వికెట్ కీపర్), సంజు శాంసన్ (వికెట్ కీపర్), అక్షర్ పటేల్, వాషింగ్టన్ సుందర్, కుల్దీప్ యాదవ్, యజుర్వేంద్ర చాహల్, ముఖేష్ కుమార్, అవేశ్ ఖాన్, అర్ష్దీప్ సింగ్, దీపక్ చాహర్.
