హమాస్ దాడులకు ప్రతీకారంగా గాజాపై దాడి చేస్తున్న ఇజ్రాయెల్ కు తాజాగా ఊహించని షాక్ తగిలింది. హమాస్ కు మద్దతుగా లెబనాన్ కు చెందిన ‘హిజ్బుల్లా’ అనే ఉగ్రవాద సంస్థ రంగంలోకి దిగి ఇజ్రాయెల్ పై ఎదురుదాడి చేస్తోంది.
ఇజ్రాయెల్ ఐరన్ డోమ్ పై హిజ్బుల్లా దాడులు: హమాస్ దాడులకు ప్రతీకారంగా గాజాపై దాడి చేస్తున్న ఇజ్రాయెల్ కు ఊహించని షాక్ తగిలింది. హమాస్ కు మద్దతుగా లెబనాన్ కు చెందిన ‘హిజ్బుల్లా’ అనే ఉగ్రవాద సంస్థ రంగంలోకి దిగి ఇజ్రాయెల్ పై ఎదురుదాడి చేస్తోంది. ఈ నేపథ్యంలోనే ఐరన్ డోమ్ వాయు రక్షణ వ్యవస్థను ధ్వంసం చేసింది. ఈ విషయాన్ని హిజ్బుల్లా స్వయంగా ప్రకటించారు. ఉత్తర ఇజ్రాయెల్‌లోని కబ్రీ ప్రాంతంలోని రెండు ఐరన్ డోమ్ సిస్టమ్‌లపై దాడి జరిగిందని, రెండు లాంచింగ్ ప్లాట్‌ఫారమ్‌లు తీవ్రంగా దెబ్బతిన్నాయని పేర్కొంది. అయితే దీనిపై ఇంకా ఇజ్రాయెల్ సైన్యం నుంచి ఎలాంటి ప్రకటన రాలేదు.
మరోవైపు హమాస్‌తో జరుగుతున్న యుద్ధంలో జోక్యం చేసుకోవద్దని గతంలోనే వార్నింగ్ ఇచ్చినా.. హిజ్బుల్లా వాటిని లెక్క చేయకుండా దాడి చేయడంతో ఇజ్రాయెల్ ప్రతీకార దాడులకు దిగినట్లు తెలుస్తోంది. హిజ్బుల్లాను లక్ష్యంగా చేసుకుని ఇజ్రాయెల్ సైన్యం దక్షిణ లెబనాన్‌పై క్షిపణి దాడులు చేసిందని అంతర్జాతీయ మీడియా పేర్కొంది. అయితే ఈ దాడుల్లో ఎలాంటి ప్రాణనష్టం జరగలేదు. అంతకుముందు, హిజ్బుల్లా రాకెట్లు మరియు మోర్టార్ షెల్లను ప్రయోగించగా, ఇజ్రాయెల్ రక్షణ దళాలు వాటిని తిప్పికొట్టాయి. హిజ్బుల్లా దాడులను కొనసాగిస్తే లెబనాన్‌ను మరో గాజాగా మారుస్తామని ఇజ్రాయెల్ హెచ్చరించింది. ప్రస్తుతం ఇజ్రాయెల్, లెబనాన్ సరిహద్దుల్లో ఉద్రిక్త పరిస్థితులు నెలకొన్నాయి.
ఐరన్ డోమ్ సిస్టమ్ అంటే ఏమిటి?
ఐరన్ డోమ్ ప్రపంచంలోని అత్యుత్తమ వాయు రక్షణ వ్యవస్థలలో ఒకటి. ఇజ్రాయెల్‌కు చెందిన రాఫెల్ కంపెనీ దీన్ని అభివృద్ధి చేయగా.. అమెరికా కూడా తన సహాయాన్ని అందించింది. ఈ ఇనుప గోపురాలను ఇజ్రాయెల్ సరిహద్దు ప్రాంతాల్లో ఏర్పాటు చేసింది. శత్రువులు అకస్మాత్తుగా ఇజ్రాయెల్‌పై రాకెట్లను ప్రయోగిస్తే, ఐరన్ డోమ్‌లోని డిటెక్షన్ మరియు ట్రాకింగ్ రాడార్ దానిని గుర్తిస్తుంది. ఇది ఆయుధాల నియంత్రణ వ్యవస్థకు దాని కదలిక గురించి సమాచారాన్ని ప్రసారం చేస్తుంది. అప్పుడు సిస్టమ్ క్షిపణిని ప్రయోగిస్తుంది మరియు గాలిలో శత్రువుల రాకెట్లను నాశనం చేస్తుంది. 2011లో, ఇజ్రాయెల్ ఐరన్ డోమ్‌ను సేవలో ఉంచింది.
నవీకరించబడిన తేదీ – డిసెంబర్ 19, 2023 | 04:22 PM
