దేశభక్తి గురించి తెలిపే ‘రామ్ రామ్ (రాపిడ్ యాక్షన్ మిషన్)’ చిత్రం ఈ గణతంత్ర దినోత్సవం సందర్భంగా జనవరి 26న విడుదల కానుంది. దీపికా ఎంటర్‌టైన్‌మెంట్ బ్యానర్‌పై ఓఎస్‌ఎమ్ విజన్‌తో కలిసి ప్రొడక్షన్ నెం.1గా ఈ చిత్రాన్ని రూపొందించారు. మిహిరం వైనతేయ దర్శకుడిగా పరిచయం అవుతున్నాడు. ఈ సినిమాకి కథ, స్క్రీన్‌ప్లే, డైలాగ్స్ కూడా ఆయనే అందించారు. దీపికాంజలి వడ్లమాని నిర్మిస్తున్న ఈ చిత్రం ద్వారా సూర్య అయ్యలసోమయాజుల హీరోగా పరిచయం అవుతున్నాడు. ధన్య బాలకృష్ణ కథానాయికగా నటించింది. సినిమా విడుదల సందర్భంగా విశేషాలను పంచుకున్న హీరో సూర్య అయ్యల సోమయాజుల..
చిన్నప్పటి నుంచి సినిమాలంటే ఇష్టం. తేజ కేక సినిమాలో నటించాను. ఆ తర్వాత కుటుంబ సమస్యల కారణంగా సినిమాలకు దూరంగా ఉన్నాను. ఇప్పుడు మళ్లీ సినిమా కెరీర్ స్టార్ట్ చేశాను. కరోనా సమయంలో నేను సినిమాల కోసం ఆడిషన్స్ చేస్తున్నాను. అవకాశం వచ్చినప్పుడు గేమ్ ఛేంజర్ సినిమాలో కూడా నటించాను.
మిహిరామ్ కేక మూవీకి అసిస్టెంట్‌గా పనిచేశాడు. ఆ పరిచయంతోనే ఈ కథ నా దగ్గరకు వచ్చింది. మిహిరామ్‌తో నా అనుబంధం పది, పదిహేనేళ్లు. మిహిరామ్ కూడా తన కథలు పట్టుకుని ఆఫీసుల చుట్టూ తిరిగాడు. అలా ఈ రామ్ సినిమాతో మా ఇద్దరి ప్రయాణం మొదలైంది.
రామ్ సినిమా ఆర్థిక ఇబ్బందులను ఎదుర్కొంది. ఇంతకు ముందు వేరే నిర్మాత ఉండేవాడు. అయితే ఆ తర్వాత స్నేహితులందరి సహకారంతో క్రౌడ్ ఫండింగ్ ద్వారా సినిమాను పూర్తి చేశాం. నా కుటుంబం, స్నేహితుల సహకారంతో ఈ చిత్రాన్ని పూర్తి చేయగలిగాను.
కో-డైరెక్టర్ సహాయంతో రామ్ చరణ్ గేమ్ ఛేంజర్ కోసం ఆడిషన్ చేశాను. రామ్ చరణ్‌తో నటించడం ఆనందంగా ఉంది. శంకర్‌ వంటి దిగ్గజ దర్శకుడితో కెరీర్ ప్రారంభంలోనే నటించే అవకాశం రావడం సంతోషంగా ఉంది.
రామ్ సినిమాలో చాలా మంది సీనియర్ నటీనటులు పనిచేశారు. సాయి కుమార్ గారు, భాను చందర్ గారు, శుభలేఖ సుధాకర్ గారు నటించారు. ఇప్పటికీ చాలా కష్టపడి సెట్స్‌లో క్రమశిక్షణతో వ్యవహరిస్తారు. వారితో పని చేయడం మరచిపోలేని అనుభూతి. వారి నుంచి తాను చాలా నేర్చుకున్నానని, హీరోయిన్ ధన్య బాలకృష్ణ ఎంతగానో సహకరించారని అన్నారు.
చిన్నప్పటి నుంచి ఫైట్స్, యాక్షన్ సీక్వెన్స్‌లంటే ఆసక్తి. ఇంట్లో ప్రాక్టీస్ చేసేవాడు. అందుకే ఈ సినిమాలో అలాంటి యాక్షన్ సీక్వెన్స్ చేయగలిగాను. ఎక్కడా డూప్‌ను ఉపయోగించలేదు. అన్నీ నేనే చేశాను. కొట్లాటల క్రమంలో పలువురికి గాయాలయ్యాయి.
రామ్ సినిమా ప్రస్తుత సామాజిక పరిస్థితులను ప్రతిబింబిస్తూ మంచి సందేశాత్మక చిత్రంగా నిలుస్తుందని అన్నారు. సోషల్ మెసేజ్ ఇస్తూనే అన్ని వర్గాల ప్రేక్షకులను ఆకట్టుకునేలా కమర్షియల్ ఫార్మెట్ లో రామ్ సినిమా తీశారని, మంచి సినిమా చూశామన్న ఫీలింగ్ ప్రేక్షకులకు తప్పక కలుగుతుందని అన్నారు. ఇప్పటివరకు జరిగిన ప్రీమియర్ల సెకండాఫ్ చూసి మహిళలు కన్నీళ్లు పెట్టుకున్నారని అంటున్నారు.
నవీకరించబడిన తేదీ – జనవరి 25, 2024 | 02:59 PM
