జోరామ్: మనోజ్‌బాజ్‌పాయ్ సర్వైవల్ థ్రిల్లర్‌తో వస్తున్నాడు.. ఎప్పుడు

సినీ అభిమానులను అలరించేందుకు మరో సర్వైవల్, హైటెన్షన్ థ్రిల్లర్ మూవీ సిద్ధమైంది. మూడు సార్లు జాతీయ అవార్డు పొందిన నటుడు మనోజ్ బాజ్‌పేయ్ ‘జోరం’ చిత్రంలో కథానాయకుడిగా నటించారు. డీవెన్‌సిస్ మకీజా దర్శకత్వంలో జీ స్టూడియోస్ నిర్మించిన ఈ సినిమా ఇప్పటికే అంతర్జాతీయ వేదికలపై పలు అవార్డులను సొంతం చేసుకున్న ఈ సినిమా డిసెంబర్ 8న థియేటర్లలోకి రానుంది.మకిజా, మనోజ్ కాంబినేషన్‌లో వస్తున్న మూడో సినిమా ఇది కావడం గమనార్హం.

నిస్సహాయుడైన ఓ సామాన్యుడు తనని ఎలాగైనా హతమార్చాలని ప్రయత్నించే పాత, కొత్త శత్రువులతో చిన్న పాపతో ఎలా పోరాడాడనే ఇతివృత్తంతో ఈ సినిమా తెరకెక్కింది. అయితే ‘చాలా ప్రేమతో, కష్టపడి ఈ సినిమాలో నటించాను, ఈ సినిమా నాకు చాలా స్పెషల్’ అని చాలా వేదికలపై మనోజ్ చెబుతుండడంతో ఈ సినిమాపై సినీ అభిమానుల్లో ఓ ప్రత్యేక అభిప్రాయం ఏర్పడింది.

ఆర్జీవీ సత్య సినిమా ద్వారా దేశవ్యాప్తంగా గుర్తింపు తెచ్చుకున్న మనోజ్.. ఆ సినిమాతో నేషనల్ అవార్డ్ గెలుచుకోవడంతో అందరి దృష్టిలో పడ్డాడు. ఆ తర్వాత కంటెంట్ ఓరియెంటెడ్ చిత్రాలలో ఎక్కువగా నటించి అభిమానులను సంపాదించుకుని భారతదేశంలోనే అత్యుత్తమ నటుల్లో ఒకరిగా నిలిచారు.

మనోజ్ బాజ్‌పేయ్ తెలుగులో సుమంత్ ప్రేమకథా చిత్రం హ్యాపీతో అరంగేట్రం చేసి ఆ తర్వాత అల్లు అర్జున్ హ్యాపీ, పవన్ కళ్యాణ్ కొమరం పులి సినిమాలతో తెలుగు వారికి మరింత దగ్గరయ్యారు. ఇటీవల అమెజాన్ వెబ్ సిరీస్ ది ఫ్యామిలీమ్యాన్‌తో తన రేంజ్‌ను మరింత పెంచుకున్నాడు. రియలిస్టిక్ మరియు వివాదాస్పద చిత్రాలలో ఎక్కువగా నటించే మనోజ్, రణబీర్ కపూర్ యొక్క ‘యానిమల్’ మరియు విక్కీ కౌశల్ యొక్క ‘శామ్ బహదూర్’ వంటి బ్లాక్ బస్టర్లతో పోటీ పడుతున్న ‘జోరం’ అనే మరో ఆసక్తికరమైన సబ్జెక్ట్‌ను కలిగి ఉన్నాడు.

నవీకరించబడిన తేదీ – 2023-11-08T17:08:42+05:30 IST