రాయ్పూర్ స్టేడియంలో పవర్ కట్: భారత్, ఆస్ట్రేలియా మధ్య జరుగుతున్న నాలుగో టీ20 నిర్వహణపై సందిగ్ధత నెలకొంది. నాలుగో టీ20 శుక్రవారం రాయ్‌పూర్‌లోని షాహిద్ వీర్ నారాయణ్ సింగ్ స్టేడియంలో జరగనుంది. కరెంట్ బిల్లు చెల్లించలేదన్న ఆరోపణతో అధికారులు రాయ్పూర్ స్టేడియంలో విద్యుత్ సరఫరా నిలిపివేశారు.
ప్రస్తుతం టీమిండియా సొంతగడ్డపై ఆస్ట్రేలియాతో ఐదు మ్యాచ్‌ల టీ20 సిరీస్‌ ఆడుతోంది. ఇప్పటికే మూడు టీ20 మ్యాచ్‌లు జరగ్గా, టీమిండియా 2-1తో ఆధిక్యంలో ఉంది. నాలుగో టీ20 శుక్రవారం రాయ్‌పూర్‌లోని షాహిద్ వీర్ నారాయణ్ సింగ్ స్టేడియంలో జరగనుంది. అయితే ఇప్పుడు ఈ మ్యాచ్ జరగడం అనుమానమే. దీనికి కారణం వాతావరణం అనుకుంటే దాళ్వాలో కాలేసినట్టే. కరెంట్ బిల్లు చెల్లించకపోవడంతో రాయ్పూర్ స్టేడియంలో విద్యుత్ సరఫరా నిలిచిపోయింది. 2009 నుంచి రాయ్పూర్ స్టేడియంలో కరెంట్ బిల్లు రూ.3.16 కోట్లను నిర్వాహకులు చెల్లించకపోవడంతో విద్యుత్ శాఖ అధికారులు సరఫరా నిలిపివేసినట్లు జాతీయ మీడియాలో కథనాలు వస్తున్నాయి. దీంతో నాల్గో టీ20 ప్రారంభం నాటికి నిర్వాహకులు ఈ విషయాన్ని క్లియర్ చేస్తారా అని క్రికెట్ అభిమానులు టెన్షన్ పడుతున్నారు.
రాయ్పూర్ స్టేడియంలో ఐదేళ్లుగా తాత్కాలిక విద్యుత్ కనెక్షన్ ఉన్నప్పటికీ ప్రేక్షకులు కూర్చునే గ్యాలరీలు, పెట్టెలకే సరఫరా చేస్తున్నారు. విద్యుత్ శాఖ అధికారులు సాయంత్రంలోగా విద్యుత్ సరఫరాను పునరుద్ధరించకుంటే స్టేడియంలో ఫ్లడ్ లైట్లు, ఇతర అవసరాలకు నిర్వాహకులు జనరేటర్ వినియోగించాల్సి ఉంటుంది. మరోవైపు, తాత్కాలిక విద్యుత్ కనెక్షన్ సామర్థ్యాన్ని పెంచేందుకు క్రికెట్ అసోసియేషన్ కార్యదర్శి దరఖాస్తు చేసుకున్నట్లు రాయ్పూర్ రూరల్ సర్కిల్ ఇంచార్జి అశోక్ ఖండేల్వాల్ వెల్లడించారు. 1,000 కెవికి అప్‌గ్రేడ్ చేయడానికి ఆమోదం అమలులో పెండింగ్‌లో ఉందని ఆయన స్పష్టం చేశారు. అయితే రాయ్పూర్ స్టేడియానికి విద్యుత్ సమస్య కొత్త కాదు. 2018లో, విద్యుత్ సరఫరా అంతరాయం కారణంగా హాఫ్ మారథాన్ కార్యక్రమం రద్దు చేయబడింది. 2009 నుంచి స్టేడియంకు సంబంధించిన కరెంట్ బిల్లులు సకాలంలో చెల్లించకపోవడంతో బకాయిలు క్రమంగా పెరుగుతూ వస్తున్నాయి. అయితే అధికారులు మాత్రం చర్చనీయాంశంగా మారారు.
మరింత క్రీడా వార్తలు కోసం ఇక్కడ క్లిక్ చేయండి
నవీకరించబడిన తేదీ – 2023-12-01T16:13:05+05:30 IST
