‘మల్లేశం’, ‘వకీల్‌సాబ్‌’ చిత్రాలతో నటిగా తనకంటూ ప్రత్యేక గుర్తింపు తెచ్చుకున్న నటి అనన్య నాగళ్ల. ఇన్నాళ్లు సోషల్ మీడియాకే పరిమితమైన ఈ భామ.. గ్లామర్ ఫొటోలతో తన పరిధిని పెంచుకునే పనిలో పడింది. తాజాగా ఆమె నటిస్తున్న ‘తంత్ర’ సినిమా లుక్‌ని విడుదల చేశారు మేకర్స్.
తంత్రంలో అనన్య నాగళ్ల లుక్
‘మల్లేశం’, ‘వకీల్‌సాబ్‌’ చిత్రాలతో తనకంటూ ప్రత్యేక గుర్తింపు తెచ్చుకున్న నటి అనన్య నాగళ్ల. ఇన్నాళ్లు సోషల్ మీడియాకే పరిమితమైన ఈ భామ.. గ్లామర్ ఫొటోలతో తన పరిధిని పెంచుకునే పనిలో పడింది. అయితే ఆ గ్లామర్‌కి తగినన్ని అవకాశాలు రావడం లేదు కానీ.. రాణిస్తోందనే చెప్పాలి. సోలో హిట్ కొట్టాలని ఆమె ఎంతగానో ప్రయత్నిస్తోంది కానీ.. అది వర్కవుట్ కావడం లేదు. ఇప్పుడు ‘తంత్ర’ సినిమాలో ప్రధాన పాత్రలో నటిస్తోంది. హారర్ థ్రిల్లర్ గా రూపొందుతున్న ఈ సినిమా పోస్టర్ ను నిర్మాణ సంస్థ తాజాగా విడుదల చేసింది. ప్రస్తుతం ఈ పోస్టర్ వైరల్ అవుతోంది. ఈ పోస్టర్ చూస్తుంటే ఈసారి ఆమె కోరిక తీరుతుంది.
ఈ పోస్టర్ లో అనన్యను భయంకరమైన క్షుద్రశక్తులు పీడిస్తున్నట్లు అర్థమవుతోంది. ‘మగధీర’లో షేర్‌ఖాన్‌ వంటి పాత్రలో నటించడమే కాకుండా వెండితెరపై ఎన్నో విభిన్నమైన పాత్రలతో మెప్పించిన దివంగత నటుడు శ్రీహరి తమ్ముడి తనయుడు ధనుష్ ఈ సినిమాతో హీరోగా పరిచయం అవుతున్నాడు. ‘మర్యాద రామన్న’ ఫేమ్ సలోని మరో కీలక పాత్రలో ఈ సినిమా ద్వారా రీ ఎంట్రీ ఇస్తోంది.
భారతీయ తంత్ర శాస్త్రానికి సంబంధించిన విస్తు గొలిపే రహస్యాలను ఈ సినిమా ద్వారా చెప్పబోతున్నట్లు చిత్ర బృందం తెలిపింది. ఫస్ట్ కాపీ మూవీస్, బి ది వే ఫిల్మ్స్, వి ఫిల్మ్ ఫ్యాక్టరీ సంయుక్తంగా నిర్మిస్తున్న ఈ సినిమాతో శ్రీనివాస్ గోపిశెట్టి అనే కొత్త దర్శకుడు ఇండస్ట్రీకి పరిచయం అవుతున్నాడు. ఫిమేల్ ఓరియెంటెడ్ లైన్‌తో రూపొందుతున్న హారర్ ఎంటర్‌టైనర్ ఇది. భారతీయ తాంత్రిక శాస్త్రం, పురాణాల నేపథ్యంలో సినిమా ఉత్కంఠభరితంగా సాగుతుంది’’ అని చిత్ర నిర్మాతలు తెలిపారు.
****************************************
****************************************
*******************************************
****************************************
*******************************************
****************************************
నవీకరించబడిన తేదీ – 2023-08-04T13:42:19+05:30 IST
