దక్షిణాఫ్రికాలోని అతిపెద్ద నగరమైన జోహన్నెస్‌బర్గ్‌లో దారుణ ఘటన చోటుచేసుకుంది. జోహన్నెస్‌బర్గ్‌లోని ఓ పెద్ద నివాస భవనంలో మంటలు చెలరేగాయి. ఈ ఘటనలో 63 మంది సజీవ దహనం కావడం బాధాకరం. 40 మందికి పైగా గాయపడ్డారు.
దక్షిణాఫ్రికాలోని అతిపెద్ద నగరమైన జోహన్నెస్‌బర్గ్‌లో దారుణ ఘటన చోటుచేసుకుంది. జోహన్నెస్‌బర్గ్‌లోని ఓ పెద్ద నివాస భవనంలో మంటలు చెలరేగాయి. ఈ ఘటనలో 63 మంది సజీవ దహనం కావడం బాధాకరం. 40 మందికి పైగా గాయపడ్డారు. మృతుల సంఖ్య పెరిగే అవకాశం ఉందని తెలిసింది. ఈ అగ్నిప్రమాదానికి గల కారణాలు ఇంకా తెలియాల్సి ఉంది. అగ్నిమాపక సిబ్బంది సంఘటనా స్థలానికి చేరుకుని మంటలను అదుపులోకి తెచ్చేందుకు యత్నిస్తున్నారు.
ఈ ఘటనపై సంబంధిత అధికారి రాబర్ట్ మాట్లాడుతూ.. ఆ భవనంలో ఎలాంటి లీజు ఒప్పందాలు లేకుండా నిరాశ్రయులైన వారు చాలా మంది ఉన్నారని, అందువల్ల అక్కడ ఎవరు ఉంటున్నారో గుర్తించడం సవాలుగా మారిందని అన్నారు. తన 20 ఏళ్ల సర్వీసులో ఇంత ఘోర అగ్నిప్రమాదం ఎప్పుడూ చూడలేదన్నారు. ఈ భవనంలో 200 మందికి పైగా నివసిస్తున్నట్లు సమాచారం. మృతుల్లో ఏడుగురు చిన్నారులు ఉన్న విషయం తెలిసిందే. అత్యంత విషాదకరమైన విషయం ఏంటంటే.. ఏడాది వయసున్న చిన్నారి కూడా మంటల్లో సజీవ దహనమైందని దక్షిణాఫ్రికా మీడియా పేర్కొంది.
ఈ ఘటన జోహన్నెస్‌బర్గ్ నగరం నడిబొడ్డున ఉన్న సెంట్రల్ బిజినెస్ డిస్ట్రిక్ట్‌లో చోటుచేసుకుంది. అర్ధరాత్రి ఈ ఘటన జరిగినట్లు సమాచారం. ఇదిలా ఉండగా.. ఘటన జరిగిన ప్రాంతంలో ఇలాంటి బినామీ భవనాలు చాలా ఉన్నాయని, వాటిని ‘హైజాక్‌ చేసిన భవనాలు’గా నగర అధికారులు వదిలేస్తారని స్థానిక మీడియా పేర్కొంది. చలి కారణంగా ఎవరైనా భవనానికి నిప్పు పెట్టి ఉంటారని అధికారులు అనుమానిస్తున్నారు.
నవీకరించబడిన తేదీ – 2023-08-31T13:59:32+05:30 IST
