ఏపీ అసెంబ్లీ మూడో రోజు సమావేశాలు ముగిశాయి. మంగళవారం ఉదయం మళ్లీ ప్రారంభం కానుంది.
ఏపీ అసెంబ్లీ సమావేశాలు
ఏపీ అసెంబ్లీ సమావేశాలు మూడో రోజు ముగిశాయి. గతంలో మహిళా రిజర్వేషన్ బిల్లుకు మద్దతుగా ఆంధ్రప్రదేశ్ అసెంబ్లీలో ఏకగ్రీవ తీర్మానం చేశారు.
లైవ్‌బ్లాగ్ ముగిసింది.
ప్రత్యక్ష వార్తలు & నవీకరణలు
-
25 సెప్టెంబర్ 2023 04:58 PM (IST)
మహిళా బిల్లుకు మద్దతుగా తీర్మానం
పార్లమెంట్ ప్రత్యేక సమావేశంలో కేంద్ర ప్రభుత్వం ప్రవేశపెట్టిన మహిళా రిజర్వేషన్ బిల్లుకు మద్దతుగా ఆంధ్రప్రదేశ్ అసెంబ్లీ ఏకగ్రీవ తీర్మానాన్ని ఆమోదించింది. ఆ తర్వాత అసెంబ్లీ సమావేశాలు మంగళవారానికి వాయిదా పడ్డాయి. అంతకుముందు ఏపీలో మహిళా సాధికారతపై చర్చ జరిగింది. ఏపీలో మహిళా సాధికారత కోసం సీఎం జగన్ ఎన్నో కార్యక్రమాలు చేపడుతున్నారని వైసీపీ ఎమ్మెల్యేలు తెలిపారు.
-
25 సెప్టెంబర్ 2023 04:05 PM (IST)
అందరూ మెచ్చుకోవాలి: ధర్మాన
మంత్రి ధర్మాన ప్రసాదరావు మాట్లాడుతూ ప్రభుత్వం గొప్ప సంస్కరణలు తీసుకొచ్చిందని, వాటిని అందరూ అభినందించాలన్నారు. సమగ్ర భూ సర్వేపై అసెంబ్లీ చర్చలో ఆయన మాట్లాడారు. ఎలాంటి సంస్కరణలు తీసుకొచ్చినా అవినీతికి తావులేకుండా చేయడమే తమ ప్రభుత్వం లక్ష్యమన్నారు. రైతుపై ఒక్క రూపాయి కూడా భారం పడకుండా భూ సర్వే చేశామన్నారు.
-
25 సెప్టెంబర్ 2023 01:36 PM (IST)
నాలుగు బిల్లులకు ఏకగ్రీవ ఆమోదం
ఏపీ అసెంబ్లీ నాలుగు బిల్లులను ఏకగ్రీవంగా ఆమోదించింది.
AP ప్రైవేట్ విశ్వవిద్యాలయాల సవరణ బిల్లు 2023 ఆమోదించబడింది
AP మోటార్ వాహనాల పన్ను సవరణ బిల్లు 2023 ఆమోదించబడింది
ఆంధ్రప్రదేశ్ పబ్లిక్ సర్వీస్ కమిషన్ సవరణ బిల్లు 2023 ఆమోదం
ఏపీ గూడ్స్ అండ్ సర్వీసెస్ ట్యాక్స్ సవరణ బిల్లు 2023ని ఏపీ అసెంబ్లీ ఆమోదించింది
-
25 సెప్టెంబర్ 2023 10:21 AM (IST)
ప్రశ్నోత్తరాల సమయంలో మంత్రి కాకాణి గోవర్ధన్‌రెడ్డి మాట్లాడుతూ రైతు బాగుంటేనే రాష్ట్రం బాగుంటుందనేది సీఎం జగన్ మోహన్‌రెడ్డి సిద్ధాంతమని అన్నారు. రైతుల సంక్షేమానికి ప్రభుత్వం కట్టుబడి ఉందన్నారు. ఇది రైతు సంక్షేమ ప్రభుత్వమని, రైతులను అన్ని విధాలుగా ఆదుకుంటామన్నారు.
-
25 సెప్టెంబర్ 2023 10:19 AM (IST)
మూడో రోజు అసెంబ్లీ సమావేశాల్లో మహిళా సాధికారతపై చర్చ జరగనుంది. మహిళా రిజర్వేషన్ బిల్లుకు మద్దతుగా అసెంబ్లీ తీర్మానం చేయనుంది. ఆ తర్వాత అసైన్డ్ భూముల క్రమబద్ధీకరణ, భూ సంస్కరణలపై చర్చ జరగనుంది.
-
25 సెప్టెంబర్ 2023 09:55 AM (IST)
వైసీపీ ప్రభుత్వం ఇవాళ తొమ్మిది బిల్లులను సభలో ప్రవేశపెట్టనుంది. ఈ బిల్లులపై చర్చ కొనసాగుతుంది.
-
25 సెప్టెంబర్ 2023 09:54 AM (IST)
అసెంబ్లీలో మాట్లాడే అవకాశం ఇవ్వకపోవడంతో ప్రభుత్వ తీరుపై టీడీపీ ఎమ్మెల్యేలు, ఎమ్మెల్సీలు ప్రభుత్వ తీరుపై సమాధానం చెబుతారన్నారు. టీడీపీ కేంద్ర కార్యాలయంలో జరిగే టీడీఎల్పీ సమావేశంలో తదుపరి కార్యాచరణపై చర్చించి నిర్ణయం తీసుకుంటామన్నారు.
-
25 సెప్టెంబర్ 2023 09:52 AM (IST)
అసెంబ్లీ సమావేశాలను బహిష్కరించిన టీడీపీ ఎమ్మెల్యేలు, ఎమ్మెల్సీలు పార్టీ కేంద్ర కార్యాలయంలో సమావేశం కానున్నారు. అసెంబ్లీ సమావేశాలకు సమాంతర కార్యక్రమాల నిర్వహణపై చర్చించనున్నారు.
-
25 సెప్టెంబర్ 2023 09:50 AM (IST)
తొలిరోజు సమావేశాల్లోనే కొందరు సభ్యులపై సస్పెన్షన్ వేటు వేయడంతో టీడీపీ ఈ సమావేశాన్ని బహిష్కరించింది.
-
25 సెప్టెంబర్ 2023 09:49 AM (IST)
ఏపీ అసెంబ్లీ సమావేశాలు కొనసాగుతున్నాయి. శని, ఆదివారాల్లో రెండు రోజులపాటు జరిగే సమావేశానికి అంతరాయం కలిగింది. దీంతో మూడో రోజైన సోమవారం కూడా సమావేశాలు కొనసాగుతున్నాయి.
