బీహార్ సీఎం నితీశ్ కుమార్ పెద్ద వివాదంలో చిక్కుకున్నారు. అసెంబ్లీ సాక్షిగా మహిళల గౌరవానికి భంగం కలిగేలా వివాదాస్పద వ్యాఖ్యలు చేశారు. స్త్రీలు విద్యావంతులైతే జనాభా
బీహార్ అసెంబ్లీ సాక్షిగా నితీశ్ వ్యాఖ్యలు
పాట్నా, నవంబర్ 7: బీహార్ సీఎం నితీశ్ కుమార్ పెద్ద వివాదంలో చిక్కుకున్నారు. అసెంబ్లీ సాక్షిగా మహిళల గౌరవానికి భంగం కలిగేలా వివాదాస్పద వ్యాఖ్యలు చేశారు. మహిళలు విద్యావంతులైతే జనాభా అదుపులో ఉంటుందని ఆయన సంచలన వ్యాఖ్యలు చేశారు. ‘షాదికే బాద్ పురుష్ రోజ్ రాత్ కర్తేహేనా’ అంటూ.. భార్య చదువుకుంటే గర్భం దాల్చకుండా సంభోగం ఎలా ఉంటుందో తెలుస్తుందన్నారు. శృంగారం సక్రమంగా జరిగినా.. చివరికి ‘బయటకు తీయాల్సిందే’ అనేది చదువుకున్న మహిళలకు తెలుసని వ్యాఖ్యానించారు. నితీష్ వ్యాఖ్యలకు పురుష ఎమ్మెల్యేలు నవ్వుకుంటుండగా, మహిళా ఎమ్మెల్యేలు తీవ్ర కంగుతిన్నారు. నితీష్ వ్యాఖ్యలపై నెటిజన్లు తీవ్ర ఆగ్రహం వ్యక్తం చేస్తున్నారు. ఆయన వ్యాఖ్యలు లింగవివక్ష, స్త్రీ ద్వేషపూరితమైనవని సోషల్ మీడియాలో విమర్శలు వ్యక్తమవుతున్నాయి. నితీష్ వాడిన ‘పదాలపై’ బీజేపీ మండిపడింది. నితీష్ ఒక ‘వల్గర్ లీడర్’ అని, అలాంటి వ్యక్తిని భారత రాజకీయాల్లో చూడలేమన్నారు. మహిళలు విద్యావంతులైతే జనాభా అదుపులో ఉంటుందన్న సందేశాన్ని నితీశ్ ‘ఆక్షేపణీయ రీతిలో’ కాకుండా చక్కని మాటలతో చెప్పి ఉండాల్సిందని బీజేపీ నేత తారా కిషోర్‌ ప్రసాద్‌ అన్నారు. నితీష్ వెంటనే సీఎం పదవికి రాజీనామా చేయాలని బీజేపీ డిమాండ్ చేసింది. అయితే, సెక్స్ ఎడ్యుకేషన్ కోణంలో చూడాలన్న నితీష్ మాటలను డిప్యూటీ సీఎం తేజస్వీ యాదవ్ సమర్థించారు. నితీష్ వ్యాఖ్యలపై జాతీయ మహిళా కమిషన్ సీరియస్ గా స్పందించింది. వెంటనే క్షమాపణలు కోరుతున్నారు.
నవీకరించబడిన తేదీ – 2023-11-08T01:06:32+05:30 IST
