హమాస్ను తుడిచిపెట్టే లక్ష్యంతో ఇజ్రాయెల్ ఐదు వారాల క్రితమే గ్రౌండ్ ఆపరేషన్ ప్రారంభించింది.
హాగాజా స్ట్రిప్ ను తుడిచిపెట్టే లక్ష్యంతో ఐదు వారాల క్రితం గ్రౌండ్ ఆపరేషన్ ప్రారంభించిన ఇజ్రాయెల్ సోమవారం ఉత్తర గాజాలోని కీలక ప్రాంతాలకు దాదాపుగా చేరుకుంది. ఇజ్రాయెల్ దాడులు, షెల్లింగ్తో పౌరులంతా దక్షిణ గాజాకు వెళ్లగా.. ఉత్తరాది దాదాపు ఖాళీ అయిపోయింది. ప్రతి నలుగురు పౌరుల్లో ముగ్గురు నిరాశ్రయులయ్యారని ఐక్యరాజ్యసమితి వెల్లడించింది. ఆసుపత్రుల్లోని రోగులు, వైద్య సిబ్బంది, ఐక్యరాజ్యసమితి శిబిరాల్లో తలదాచుకున్న వారు మినహా మిగతా పౌరులందరూ దక్షిణాదికి వెళ్లినట్లు ఐడీఎఫ్ వర్గాలు వెల్లడించాయి. సోమవారం ఉత్తర గాజాలోని పలు ప్రాంతాలను సందర్శించేందుకు అంతర్జాతీయ మీడియాను IDF వర్గాలు అనుమతించాయి.
షిఫా ఆసుపత్రితో పాటు హమాస్ సొరంగాలను మీడియా ప్రతినిధులకు చూపించారు. మరోవైపు, ఉత్తర గాజా భూభాగంలోని కొన్ని ప్రదేశాలలో మినహా, హమాస్ ఎటువంటి ప్రతిఘటనను ఎదుర్కోవడం లేదని, త్వరలో బందీలను మరియు హమాస్ ఉనికిని గుర్తించడానికి సొరంగాలలో ఆపరేషన్ నిర్వహిస్తామని IDF వెల్లడించింది. ఐదు రోజుల క్రితం గాజాలోని అతిపెద్ద ఆసుపత్రి అల్-షిఫాను సీజ్ చేసిన ఐడిఎఫ్, గాజాలో రెండవ అతిపెద్ద ఆసుపత్రిగా పేరుగాంచిన ఇండోనేషియా ఆసుపత్రిని కూడా చుట్టుముట్టింది. ఆసుపత్రికి 100 మీటర్ల దూరంలో యుద్ధ ట్యాంకులను మోహరించారు. గాజా ఆరోగ్య శాఖ IDF ఆసుపత్రిని షెల్లింగ్ చేసిందని ఆరోపించింది. ఈ దాడుల్లో 8 మంది మరణించారని వివరించింది. సెంట్రల్ గాజాలోని ఐక్యరాజ్యసమితి శరణార్థి శిబిరంపై ఇజ్రాయెల్ షెల్ దాడి చేసిందని, ఈ దాడుల్లో 12 మంది మరణించారని ‘వాఫా’ వార్తా సంస్థ వీడియోలను ప్రసారం చేసింది. రఫా సరిహద్దు వద్ద జరిగిన కాల్పుల్లో 15 మంది పౌరులు మరణించారని పేర్కొంది. కాగా, గత నెల 7వ తేదీన ఇజ్రాయెల్పై దాడి చేసిన హమాస్ ఉగ్రవాదుల బందీల్లో కొందరిని అల్-షిఫా ఆసుపత్రిలో నిర్బంధించినట్లు సీసీటీవీల సాయంతో ఐడీఎఫ్ కనుగొంది. – సెంట్రల్ డెస్క్
నవీకరించబడిన తేదీ – 2023-11-21T04:03:03+05:30 IST
