కోల్‌కతా విమానాశ్రయంలో కలకలం రేపిన ఘటన వెలుగు చూసింది. విమానం సక్రమంగా ల్యాండింగ్‌ చేస్తున్న సమయంలో పైలట్ కాసేపటికే కన్నుమూశాడు. దీనికి కారణం లేజర్ కిరణం. ల్యాండింగ్‌కు ముందు, పైలట్ కళ్లకు లేజర్ కిరణాలు తాకడంతో కాసేపటికి కళ్లు మసకబారాయి.
కోల్‌కతా విమానాశ్రయంలో కలకలం రేపిన ఘటన వెలుగు చూసింది. విమానం సక్రమంగా ల్యాండింగ్‌ చేస్తున్న సమయంలో పైలట్ కాసేపటికే కన్నుమూశాడు. దీనికి కారణం లేజర్ కిరణం. ల్యాండింగ్‌కు ముందు, పైలట్ కళ్లకు లేజర్ కిరణాలు తాకడంతో కాసేపటికి కళ్లు మసకబారాయి. అయితే విమానం సురక్షితంగా ల్యాండ్ అయింది. ఎలాంటి ప్రమాదం జరగలేదు. కానీ.. పైలట్ కళ్లలో లేజర్ కిరణాలు పడడంతో విమానయాన సంస్థలు ఆందోళన వ్యక్తం చేశాయి. ఈ సంఘటన లేజర్ లైట్ల ప్రమాదాన్ని ఎత్తిచూపింది.
వివరాల్లోకి వెళితే… శుక్రవారం ఇండిగో ఎయిర్‌లైన్స్‌కు చెందిన 6ఈ 223 విమానం బెంగళూరు నుంచి కోల్‌కతాకు బయలుదేరింది. ఇందులో ఆరుగురు సిబ్బందితో పాటు 165 మంది ప్రయాణికులు ఉన్నారు. కోల్‌కతా విమానాశ్రయానికి ఎలాంటి ఇబ్బందులు లేకుండా ప్రయాణం సాఫీగా సాగింది. కానీ… దిగే సమయంలోనే అనుకోని సంఘటన జరిగింది. విమానాశ్రయానికి కిలోమీటర్ల దూరంలో ఉండగా, లేజర్ కాంతి కిరణాలు కాక్‌పిట్‌లోని పైలట్ కళ్లను తాకాయి. ఆ దెబ్బకి పైలట్ కళ్లు కాసేపు మసకబారాయి. దాంతో పైలట్‌కి ఏమీ కనిపించలేదు. అలాంటి స్థితిలో కూడా పైలట్ చాలా చాకచక్యంగా వ్యవహరించి విమానాన్ని సురక్షితంగా ల్యాండ్ చేశాడు. అందరూ ఊపిరి పీల్చుకున్నారు.
సాధారణంగా, లేజర్ కాంతి కిరణాలు కళ్లలో పడినప్పుడు చూపు కోల్పోయే ప్రమాదం ఉంది. ఈ క్లిష్టమైన దశలో పైలట్‌లకు సురక్షితంగా నావిగేట్ చేయడం కష్టం అవుతుంది. ఈ సమయంలో పైలట్లు ల్యాండింగ్‌ను ఆపి, సురక్షితంగా ల్యాండ్ చేయడానికి గో-అరౌండ్ విధానాన్ని ప్రారంభిస్తారు. ఇక్కడ పైలట్ అటువంటి విధానాన్ని అవలంబించకుండా సురక్షితంగా ల్యాండ్ చేశాడు. అయితే.. ఈ లేజర్ లైట్ యాక్టివిటీపై ఇండిగో యాజమాన్యం సీరియస్ అయింది. దీనిపై పోలీస్ స్టేషన్‌లో ఫిర్యాదు చేశారు. వారి ఫిర్యాదు మేరకు పోలీసులు కేసు నమోదు చేసి దర్యాప్తు ప్రారంభించారు. మరోవైపు విమాన ప్రమాదాలు, లేజర్ లైట్ల సమస్యలపై ఇప్పటికే ఎయిర్ పోర్ట్ ఎన్విరాన్ మెంట్ మేనేజ్ మెంట్ కమిటీని నియమించిన సంగతి తెలిసిందే.
నవీకరించబడిన తేదీ – ఫిబ్రవరి 25, 2024 | 04:09 PM
