‘పుష్ప’ సినిమాలో కేశవ పాత్రతో చిత్తూరు యాసలో తనదైన శైలిలో అలరించిన బండారు ప్రతాప్ అలియాస్ జగదీష్ (జగదీష్ అలియాస్ కేశవ)ని పోలీసులు అరెస్ట్ చేసిన సంగతి తెలిసిందే! యువతి ఆత్మహత్యకు కారణమైన కేసులో పంజాగుట్ట పోలీసులు అతడిని అరెస్టు చేశారు.
‘పుష్ప’ సినిమాలో కేశవ పాత్రతో చిత్తూరు యాసలో తనదైన శైలిలో అలరించిన బండారు ప్రతాప్ అలియాస్ జగదీష్ (జగదీష్ అలియాస్ కేశవ)ని పోలీసులు అరెస్ట్ చేసిన సంగతి తెలిసిందే! యువతి ఆత్మహత్యకు కారణమైన కేసులో పంజాగుట్ట పోలీసులు అతడిని అరెస్టు చేశారు. అతడి నుంచి మరింత సమాచారం రాబట్టేందుకు రెండు రోజుల పాటు కస్టడీలోకి తీసుకుని విచారించారు. గతంలో తనతో సన్నిహితంగా మెలిగిన యువతి వేరొకరితో సన్నిహితంగా ఉండడం తట్టుకోలేకపోయిందని జగదీష్ విచారణలో చెప్పినట్లు తెలుస్తోంది. సినిమా అవకాశాల కోసం హైదరాబాద్ చేరుకున్న జగదీష్ కు ఐదేళ్ల క్రితం ఓ యువతి పరిచయమైంది. కొంత కాలం తర్వాత అది ప్రేమగా మారి.. శారీరకంగా దగ్గరైంది. ఈ క్రమంలో పుష్ప సినిమాతో గుర్తింపు తెచ్చుకోవడంతో సినిమా అవకాశాలు పెరగడంతోపాటు ప్రవర్తన కూడా మారిపోయింది. అతడి తీరు నచ్చని యువతి మరో వ్యక్తితో దగ్గరైంది. అది చూసి జగదీష్ ఆమెకు మరింత దగ్గరవ్వాలనిపించింది.
గత నెల 27న పంజాగుట్ట పోలీస్ స్టేషన్ పరిధిలో నివాసం ఉంటున్న యువతి ఇంటికి వెళ్లాడు. ఆ సమయంలో యువకుడితో ఆమె సన్నిహితంగా ఉండడం చూసి సెల్ఫోన్లో ఫొటోలు తీశాడు. వాటిని ఆమె వద్దకు పంపించి, తన మాట వినకుంటే సోషల్ మీడియాలో వైరల్ చేస్తానని బెదిరించాడు. దీన్ని అవమానంగా భావించిన యువతి గత నెల 29న ఉరివేసుకుని ఆత్మహత్యకు పాల్పడింది. బెదిరింపులతో జగదీష్ హింసకు పాల్పడ్డాడని గుర్తించిన ఆమె తండ్రి పంజాగుట్ట పోలీసులకు ఫిర్యాదు చేశారు. ఈ నెల 6వ తేదీన పోలీసులు జగదీష్ను అరెస్టు చేసి రిమాండ్కు తరలించారు. అదుపులోకి తీసుకున్న నిందితుడు నేరం అంగీకరించినట్లు సమాచారం. రెండు రోజుల కస్టడీ ముగియడంతో మళ్లీ రిమాండ్కు తరలించారు.
నవీకరించబడిన తేదీ – 2023-12-17T08:15:23+05:30 IST
