నా కెరీర్‌లో ఇది చాలా ప్రత్యేకమైన సినిమా

సుహాస్ నటించిన ‘అంబాజీపేట మ్యారేజ్ బ్యాండ్’ చిత్రం ఫిబ్రవరి 2న విడుదల కానుంది. దుష్యంత్ కటికినేని దర్శకత్వంలో ధీరజ్ మొగిలేని నిర్మించారు. బుధవారం జరిగిన కార్యక్రమంలో ఈ సినిమా ట్రైలర్‌ను విడుదల చేశారు. దర్శకుడు మాట్లాడుతూ ‘కొన్ని వాస్తవిక సంఘటనల ఆధారంగా ఈ చిత్రాన్ని రూపొందించాం. ప్రేమకథతో పాటు ఇంటెన్స్ డ్రామా కూడా ఉంటుంది. పల్లెటూరిలో జరిగే కథ కావడంతో కులాల ప్రస్తావన వస్తుంది. కానీ ఇందులో ఎలాంటి అవమానకర అంశాలు లేవు. సినిమాని మీరే సూపర్ హిట్ చేయాలి. సినిమా నిర్మాణంలో నాకు సహకరించిన ప్రతి ఒక్కరికీ కృతజ్ఞతలు తెలియజేస్తున్నాను. నేను నిర్మాతగా మీ ముందు నిలబడటానికి కారణం అల్లు అరవింద్, బన్నీ వాస్గారు. కాబట్టి నేను సినిమా చేస్తే హిట్ సినిమా తీయాలని కోరుకుంటున్నాను. ఈ కథ విన్న బన్నీ వాసుగారు చాలా ఎక్సైట్ అయ్యారు. సుహాస్ కూడా చాలా ఇన్వాల్వ్ అయ్యాడు. ఈ సినిమా కోసం రెండు సార్లు గుండు చేయించుకున్నాడు. హీరోయిన్ శివాని, శరణ్య ప్రదీప్ తదితరులు అద్భుతంగా నటించారు. మా ఫోటోగ్రాఫర్ వాజిద్ అమలాపురం ప్రాంతాన్ని అద్భుతంగా తీశారు. సంగీత దర్శకుడు శేఖర్ చంద్ర మంచి ట్యూన్స్ ఇచ్చాడు. సినిమా తప్పకుండా హిట్ అవుతుందనే నమ్మకం ఉంది. మా సంస్థ ద్వారా చాలా సినిమాలు వస్తున్నాయి. అరవింద్‌గారి పేరు నిలబెట్టేలా ప్రతి సినిమాకు కష్టపడతాం’ అని నిర్మాత ధీరజ్ అన్నారు. చివరగా హీరో సుహాస్ మాట్లాడుతూ ‘నాకు నిన్ననే బాబు పుట్టాడు. ఆ సంతోషంలో కూడా. అలాగే ఈ సినిమా విడుదల కోసం వెయిట్ చేస్తున్నారు. నా కెరీర్‌లో ఇది చాలా ప్రత్యేకమైన సినిమా. కథపై నమ్మకంతో చాలా కనెక్ట్ అయ్యాడు. సినిమా చూస్తున్నప్పుడు మీ జీవితంలో జరిగిన సంఘటనలు గుర్తుకొస్తాయి’ అన్నారు.

నవీకరించబడిన తేదీ – జనవరి 25, 2024 | 04:44 AM