ఇటీవలి కాలంలో ఐసీసీ టోర్నీల ఫైనల్స్‌లో ఆస్ట్రేలియా చేతిలో టీం ఇండియాకు ఎదురైన పరాజయాల పరంపర మరోసారి కొనసాగుతోంది. జూనియర్లు కూడా సీనియర్ జట్టు బాటలోనే నడిచారు. ఫలితంగా ఆదివారం జరిగిన అండర్-19 ప్రపంచకప్ ఫైనల్లో ఆస్ట్రేలియా చేతిలో టీమిండియా ఓడిపోయింది.
ఇటీవలి కాలంలో ఐసీసీ టోర్నీల ఫైనల్స్‌లో ఆస్ట్రేలియా చేతిలో టీం ఇండియాకు ఎదురైన పరాజయాల పరంపర మరోసారి కొనసాగుతోంది. జూనియర్లు కూడా సీనియర్ జట్టు బాటలోనే నడిచారు. ఫలితంగా ఆదివారం జరిగిన అండర్-19 ప్రపంచకప్ ఫైనల్లో ఆస్ట్రేలియా చేతిలో టీమిండియా ఓడిపోయింది. యువ జట్టు అన్ని విభాగాల్లోనూ విఫలమై 79 పరుగుల తేడాతో ఓటమిని మూటగట్టుకుంది. ఫలితంగా ఫైనల్ వరకు ఒక్క మ్యాచ్ కూడా ఓడిపోకుండా అద్భుతంగా సాగిన భారత్ జైత్రయాత్ర తుది పోరులో బ్రేక్ పడింది. ఫలితంగా ఆరోసారి అండర్-19 వన్డే ప్రపంచకప్ గెలవాలన్న భారత్ కోరిక నెరవేరలేదు. ఓటమితో పాటు ఈ ప్రపంచకప్‌లో టీమిండియా ఓపెనర్లు చెత్త రికార్డును నెలకొల్పారు.
భారత యువ ఓపెనర్లు ఆదర్శ్ సింగ్, అర్షిన్ కులకర్ణిలు ఈ ప్రపంచకప్‌లో రాణించలేకపోయారు. ఓపెనర్లిద్దరూ కలిసి కనీసం ఒక్క మ్యాచ్‌లోనూ తొలి వికెట్‌కు అర్ధసెంచరీ భాగస్వామ్యాన్ని నెలకొల్పలేకపోయారు. 36 ఏళ్ల అండర్-19 వన్డే ప్రపంచకప్ చరిత్రలో ఓ ఎడిషన్‌లో కనీసం ఒక్క మ్యాచ్‌లోనూ భారత ఓపెనర్లు హాఫ్ సెంచరీ భాగస్వామ్యాన్ని నెలకొల్పడంలో విఫలమవడం ఇదే తొలిసారి. దీంతో ఈ ఘనత సాధించిన ఓపెనర్లుగా ఆదర్శ్ సింగ్, అర్షిన్ కులకర్ణి చెత్త రికార్డును నెలకొల్పారు. ఓపెనర్ల వైఫల్యంతో ఆఖరి మ్యాచ్ లోనూ భారత జట్టు 3 పరుగులకే తొలి వికెట్ కోల్పోయింది. అయితే ఓపెనింగ్‌లో మంచి ఆరంభాన్ని అందించడంలో విఫలమైనప్పటికీ, ఆదర్శ్ సింగ్ మరియు అర్షిన్ కులకర్ణి వ్యక్తిగతంగా రాణించారు. ఈ టోర్నీలో ఆదర్శ్ సింగ్ రెండు అర్ధ సెంచరీలు సాధించాడు. బంగ్లాదేశ్‌పై 76 పరుగులు చేశాడు. అర్షిన్ కులకర్ణి సెంచరీ చేశాడు. అమెరికా జట్టుపై 108 పరుగులు చేశాడు.
మరింత క్రీడా వార్తలు కోసం ఇక్కడ క్లిక్ చేయండి
నవీకరించబడిన తేదీ – ఫిబ్రవరి 12, 2024 | 10:59 AM
