చదువు: విద్యార్థి ఆత్మహత్య చేసుకుంటే కాలేజీ గుర్తింపు రద్దు!

వేధింపులు, అవమానాలు క్రిమినల్ కేసులు

మార్కుల కోసం ఒత్తిడి వద్దు..

వారంలో ఇంటర్ బోర్డు పూర్తి మార్గదర్శకాలు

హైదరాబాద్ , మార్చి 6 (ఆంధ్రజ్యోతి): ఇకపై విద్యార్థులను వేధిస్తున్న ఇంటర్మీడియట్ కాలేజీలకు చెక్ పెట్టనున్నారు. విద్యార్థులకు ఇబ్బందులు కలిగించే కళాశాల సిబ్బంది, యాజమాన్యంపై కఠిన చర్యలు తీసుకునేందుకు ఇంటర్ బోర్డు సిద్ధమవుతోంది. విద్యార్థినులను వేధింపులకు గురిచేసి అవమానించినందుకు సిబ్బందిపైనా, కళాశాల యాజమాన్యంపైనా క్రిమినల్ కేసులు పెట్టడంతో పాటు.. విద్యార్థి ఆత్మహత్యకు పాల్పడితే కళాశాల గుర్తింపును రద్దు చేయాలని అధికారులు నిర్ణయించారు. ఇందుకు సంబంధించిన మార్గదర్శకాలను వారం రోజుల్లో విడుదల చేయనున్నారు. ఐదు రోజుల క్రితం నార్సింగిలోని ఓ ప్రైవేట్ కళాశాలలో ఇంటర్మీడియట్ ఫస్ట్ చదువుతున్న సాత్విక్ ఆత్మహత్యకు పాల్పడిన విషయం తెలిసిందే. ప్రిన్సిపాల్, ఇతర సిబ్బంది తీరు వల్లే తాను ఆత్మహత్యకు పాల్పడుతున్నట్లు లేఖలో విద్యార్థి పేర్కొన్నాడు.

ఇలాంటి ఘటనలు పునరావృతం కాకుండా చర్యలు తీసుకోవాలని ప్రభుత్వం నిర్ణయించింది. ఈ క్రమంలో సోమవారం రాష్ట్రంలోని 14 విద్యాసంస్థల ప్రతినిధులతో విద్యాశాఖ కార్యదర్శి వాకాటి కరుణ, ఇంటర్ బోర్డు కార్యదర్శి నవీన్ మిట్టల్ ప్రత్యేక సమావేశం ఏర్పాటు చేసి చర్చించారు. అలాగే పలు నిర్ణయాలు తీసుకున్నారు. ముఖ్యంగా విద్యార్థిని ఆత్మహత్య చేసుకున్న నార్సింగిలోని ప్రైవేట్ కళాశాల గుర్తింపును రద్దు చేయాలని నిర్ణయించారు. అయితే ఇప్పటికే ఈ కళాశాలలో విద్యార్థులు చదువుతున్నందున వచ్చే ఏడాది నుంచి అమల్లోకి రానుంది. విద్యార్థులపై ఒత్తిడి తగ్గించేందుకు పలు చర్యలు తీసుకోవాలని కళాశాలల ప్రతినిధులకు అధికారులు సూచించారు. ముఖ్యంగా విద్యార్థులు కనీసం 8 గంటలు నిద్రపోయేలా చర్యలు తీసుకోవాలని ఆయా కళాశాలలను ఆదేశించారు.

ప్రతి కళాశాలలో సైకాలజిస్టును అందుబాటులో ఉంచాలని, విద్యార్థుల ప్రవర్తనను ఎప్పటికప్పుడు పర్యవేక్షించాలని సూచించారు. విద్యార్థి ప్రవర్తనలో ఏవైనా భిన్నమైన లక్షణాలు కనిపిస్తే, వెంటనే తగిన చర్యలు తీసుకోవాలి. మార్కుల కోసం విద్యార్థులు ఒత్తిడి చేయవద్దని సూచించారు. విద్యార్థులపై ఒత్తిడి తగ్గించేందుకు ఆయా కళాశాలల్లో తీసుకోవాల్సిన చర్యలపై పూర్తి మార్గదర్శకాలను వారం రోజుల్లో విడుదల చేయాలని అధికారులు నిర్ణయించారు. అయితే ఈ అంశంపై తమ అభిప్రాయాలను వెల్లడించేందుకు ప్రైవేట్ కాలేజీ యాజమాన్యాలకు మూడు రోజుల గడువు ఇచ్చారు.

ఇది కూడా చదవండి: జంట: కోర్టు మెట్లెక్కిన కొత్త జంట.

నవీకరించబడిన తేదీ – 2023-03-07T11:12:18+05:30 IST

Leave a Reply

Your email address will not be published. Required fields are marked *