బీజేపీకి వ్యతిరేకంగా విపక్షాలు కలవడం, దానికి పోటీగా బీజేపీ ఎన్డీయే సమావేశాన్ని నిర్వహిస్తున్న నేపథ్యంలో ఎన్సీపీలోని రెండు వర్గాలు ఎటువైపు నిలుస్తాయన్నది ఆసక్తికరంగా మారింది. ఎన్సీపీ తిరుగుబాటు నేత అజిత్
విపక్షాల సమావేశానికి వెళ్లవద్దని అజిత్ వర్గం శరద్ పవార్‌పై ఒత్తిడి తెచ్చింది
అతన్ని మళ్ళీ కలవండి
ముంబై, జూలై 17: బీజేపీకి వ్యతిరేకంగా విపక్షాలు కలవడం, దానికి పోటీగా బీజేపీ ఎన్డీయే సమావేశాన్ని నిర్వహిస్తున్న నేపథ్యంలో ఎన్సీపీలోని రెండు వర్గాలు ఎటువైపు నిలుస్తాయన్నది ఆసక్తికరంగా మారింది. మంగళవారం ఢిల్లీలో జరిగే ఎన్డీయే సమావేశానికి ఎన్సీపీ తిరుగుబాటు నేత అజిత్ పవార్ హాజరుకానున్నారు. మరోవైపు బెంగళూరులో జరిగే విపక్షాల సమావేశానికి హాజరుకావద్దని శరద్ పవార్‌పై అజిత్ వర్గం తీవ్ర ఒత్తిడి తెస్తున్నట్లు సమాచారం. తన ఎమ్మెల్యేలతో కలిసి ఆదివారం శరద్ పవార్‌ను కలిసిన అజిత్ పవార్ సోమవారం మరోసారి శరద్ పవార్‌ను కలిశారు. దీనిపై అజిత్ వర్గం నేత, రాజ్యసభ ఎంపీ ప్రఫుల్ పటేల్ మీడియాతో మాట్లాడుతూ ఆదివారం నాటి సమావేశానికి పలువురు ఎన్సీపీ మంత్రులు రాలేకపోయారని, అందుకే వారంతా సోమవారం శరద్ పవార్ ఆశీర్వాదం తీసుకునేందుకు వచ్చారని చెప్పారు.
మంగళవారం ఢిల్లీలో జరిగే ఎన్డీయే సమావేశానికి అజిత్ పవార్‌తో పాటు తాను కూడా హాజరవుతానని చెప్పారు. బెంగళూరులో జరిగే విపక్షాల సమావేశానికి హాజరుకాకుండా చూసేందుకు శరద్ పవార్‌తో అజిత్ పవార్ వరుస సమావేశాలు నిర్వహిస్తున్నట్లు తెలుస్తోంది. మరోవైపు మహారాష్ట్ర అసెంబ్లీ వర్షాకాల సమావేశాలు సోమవారం ప్రారంభమయ్యాయి. 53 మంది ఎన్సీపీ ఎమ్మెల్యేల్లో 27 మంది హాజరుకాలేదు. వీరిలో ఎక్కువ మంది శరద్ పవార్ వర్గానికి చెందిన వారే. అజిత్‌పవార్‌తో పాటు మరో 8 మంది ఎమ్మెల్యేలను మినహాయించి తమ ఎమ్మెల్యేలందరినీ ప్రతిపక్షంగా పరిగణించాలని, వారికి అసెంబ్లీలో ప్రత్యేక సీట్లు కేటాయించాలని కోరుతూ ఎన్సీపీ శరద్‌పవార్‌ వర్గం చీఫ్‌విప్‌ జితేంద్ర అవధ్‌ స్పీకర్‌కు లేఖ రాశారు.
నవీకరించబడిన తేదీ – 2023-07-18T04:41:26+05:30 IST
