ఈఫిల్ టవర్ చుట్టూ అధికారులు భద్రతను పెంచారు. ముందుజాగ్రత్తగా శనివారం ఈఫిల్ టవర్ సందర్శనకు పర్యాటకులను అనుమతించలేదు.
ఈఫిల్ టవర్ బాంబు బెదిరింపు
ఈఫిల్ టవర్: ప్రపంచంలో అత్యధికంగా సందర్శించే పర్యాటక ప్రదేశాలలో ఒకటైన ఈఫిల్ టవర్‌కు బాంబు బెదిరింపు వచ్చింది. శనివారం మధ్యాహ్నం బెదిరింపు వచ్చింది. దీంతో అధికారులు అప్రమత్తమయ్యారు. ఈఫిల్ టవర్‌ను సందర్శించేందుకు ఇప్పటికే భారీ సంఖ్యలో పర్యాటకులు వస్తున్నారు. దీంతో అధికారులు అందరినీ అప్రమత్తం చేశారు. వెంటనే వారిని ఈఫిల్ టవర్ నుంచి బయటకు పంపించారు. మరోవైపు పోలీసులు బాంబు నిర్వీర్య నిపుణులతో కలిసి అన్ని అంతస్తుల్లో తనిఖీలు నిర్వహించారు. ఈ క్రమంలో అనుమానాస్పదంగా కనిపించిన పర్యాటకులను కూడా పోలీసులు విచారించారు. రాయిటర్స్ వార్తా సంస్థ ప్రకారం, బాంబు బెదిరింపు వచ్చిన వెంటనే అందరూ అప్రమత్తంగా ఉన్నారని ఫ్రెంచ్ పోలీసులు తెలిపారు.
ఈఫిల్ టవర్ చుట్టూ అధికారులు భద్రతను పెంచారు. ముందుజాగ్రత్తగా శనివారం ఈఫిల్ టవర్ సందర్శనకు పర్యాటకులను అనుమతించలేదు. వచ్చిన పర్యాటకులను వెనక్కి పంపించారు. మధ్యాహ్నం ఈఫిల్ టవర్‌ను బాంబులతో పేల్చేస్తామని బెదిరింపులు వచ్చినట్లు స్థానిక పోలీసు అధికారులు తెలిపారు. అయితే ఎలాంటి బాంబు దొరకలేదు. ఈ బెదిరింపులు ఎవరు చేశారనే కోణంలో విచారణ జరుగుతోంది.
బాంబు బెదిరింపు గురించి సమాచారం అందుకున్న ప్రయాణికులు వెంటనే ఈఫిల్ టవర్ నుండి మూడు అంతస్తుల క్రింద, దాని దిగువ చతురస్రం నుండి క్రిందికి దిగారు. అధికారులు వారిని ఈఫిల్ టవర్ నుంచి పంపించారు. ప్రపంచంలోని ఏడు వింతల్లో ఒకటైన ఈఫిల్ టవర్‌ను చూసేందుకు గతేడాది 62 లక్షల మంది పర్యాటకులు వచ్చారు. ఈ ప్రాంతం ఎప్పుడూ పర్యాటకులతో రద్దీగా ఉంటుంది. ఈఫిల్ టవర్ చూడటానికి ప్రపంచం నలుమూలల నుంచి చాలా మంది వస్తుంటారు. బాంబు బెదిరింపు నేపథ్యంలో ఈఫిల్ టవర్ ప్రాంతంలో పోలీసులు భారీ బందోబస్తు ఏర్పాటు చేశారు.
పారిస్
బాంబు బెదిరింపుతో ఈఫిల్ టవర్ ఖాళీ చేయబడింది pic.twitter.com/gioNTqGEzd
— కాథలిక్ అరేనా (@CatholicArena) ఆగస్టు 12, 2023
