21 డిసెంబర్ 2012… ప్రపంచమంతా శకం ముగిసిపోతుందని భయపడిన రోజు! ఆ రోజు యుగాంతం రాలేదు. అయితే ఆంధ్ర ప్రదేశ్‌లోని లంక గ్రామాల్లోని బెదురులంక అనే గ్రామంలో కొందరు కేతుగాళ్లు దైవభక్తిని, అమాయకత్వాన్ని ఆసరాగా చేసుకుని దేవుడి పేరుతో కాలయాపన చేసి దోచుకోవడం ప్రారంభించారు. వీరి మాయలు నమ్మని శివ శంకర వరప్రసాద్ ఏం చేసాడు? ‘బెదురులంక 2012’ ఆగస్ట్ 25న వెండితెరపైకి రానుంది.ఎందుకంటే… శివశంకర వర ప్రసాద్ పాత్రలో యువ హీరో కార్తికేయ గుమ్మకొండ ఆ రోజు నుంచి థియేటర్లలో సందడి చేయనున్నాడు. ‘డీజే టిల్లు’ ఫేమ్ కార్తికేయ గుమ్మకొండ, నేహా శెట్టి జంటగా నటించిన చిత్రం ‘బెదురులంక 2012’. లౌక్య ఎంటర్‌టైన్‌మెంట్స్ బ్యానర్‌పై యువరాజ్ సమర్పణలో సి.రవీంద్ర బెనర్జీ (బెన్నీ) ముప్పానే నిర్మించారు. ఈ సినిమాతో క్లాక్స్ దర్శకుడిగా పరిచయం అవుతున్నాడు. ఈ సినిమా ఆగస్ట్ 25న థియేటర్లలో విడుదలకు సిద్ధంగా ఉంది.తాజాగా ఈ సినిమా ట్రైలర్‌ను మెగా పవర్ స్టార్ రామ్ చరణ్ విడుదల చేశారు.
ట్రైలర్ విడుదల అనంతరం రామ్ చరణ్ మాట్లాడుతూ.. “కార్తికేయ, నేహా శెట్టిల జోడీ చాలా బాగుంది. ఇద్దరూ చూడముచ్చటగా ఉన్నారు. ‘బెదురులంక 2012′ ట్రైలర్, అందులో చెప్పిన కథ చాలా బాగుంది. అజయ్ ఘోష్ పాత్ర ఇంకా బాగుంది. ఆయన కనిపించినప్పటి నుంచి.. సంగీతం కూడా చాలా కొత్తగా అనిపించింది.’RX 100’ సెన్సేషనల్ హిట్ అయింది.కార్తికేయ కొత్త కాన్సెప్ట్‌లను ఎంచుకుని సినిమాలు తీస్తున్నాడు.ఈ సినిమా పెద్ద సక్సెస్ కావాలని కోరుకుంటున్నాను.యూనిట్ అందరికీ ఆల్ ది బెస్ట్” అన్నారు. (బెదురులంక 2012 ట్రైలర్ టాక్)
ఇక ట్రైలర్ విషయానికి వస్తే కామెడీ, రొమాన్స్, యాక్షన్, డ్రామా ఇలా అన్ని అంశాలు ప్రేక్షకులు కోరుకునే అంశాలు ఈ సినిమాలో ఉన్నాయి. శివశంకర వరప్రసాద్ పాత్రలో కార్తికేయ కనిపించగా, అతడిని పిచ్చిగా ప్రేమించే అమ్మాయిగా నేహాశెట్టి నటించింది. సిగరెట్ తాగితే ఊపిరితిత్తులు పోతాయని, అలా చేస్తే క్యాన్సర్ వస్తుందని ఊరి పెద్దలతో శివ చెప్పడం చూస్తుంటే వాటిని లెక్కచేయడం లేదని అర్థమవుతోంది. యుగాంతం అనే కొత్త నాటకానికి తెర తీసిన శివ పెద్దలకు ఎలా జ్ఞానోదయం చేశాడు? అన్నదే ఈ సినిమా కథ.
శ్రీమహావిష్ణువు ఎన్నో అవతారాలు వేసినా.. అంతకుముందు మూడు యుగాలు ముగియకుండా ఆపలేనప్పుడు.. ఈ బ్రహ్మ (శ్రీకాంత్ అయ్యంగార్), డేనియల్ (ఆటో రామ్ ప్రసాద్) చేస్తాడని ఎలా నమ్మాడో హీరో చెప్పే డైలాగ్. కలిసి కలియుగాన్ని ఆపుతారా?.. అంటూ ప్రేక్షకులను ఆలోచింపజేశారు. మణిశర్మ సంగీతంతో ట్రైలర్‌లోని ప్రతి సన్నివేశం ఎలివేట్‌గా ఉంది. మొత్తానికి ఆడియన్స్ కి బాగా కనెక్ట్ అయ్యే టాపిక్ ని దర్శకుడు టచ్ చేసినట్లు తెలుస్తోంది. ప్రస్తుతం ఈ ట్రైలర్ టాప్ ట్రెండింగ్ లో ఉంది.
*******************************************
*******************************************
*******************************************
*******************************************
*******************************************
*******************************************
నవీకరించబడిన తేదీ – 2023-08-16T17:46:20+05:30 IST
