వైసీపీ ఎంపీ సత్యనారాయణ చేసిన వ్యాఖ్యలు ప్రస్తుతం సోషల్ మీడియాలో వైరల్ అవుతున్నాయి. బినామీ కంపెనీల పేరుతో జగన్ క్విడ్ ప్రోకో చేశారని వైసీపీ ఎంపీ పరోక్షంగా చెప్పినట్లు ఆయన వీడియోలు హల్ చల్ చేస్తున్నాయి. ఎన్నికలు సమీపిస్తున్న వేళ క్విడ్ ప్రోకోపై ఎంపీ సత్యనారాయణ చేసిన వ్యాఖ్యలపై వైసీపీలో కలకలం రేగింది.
ఏపీ సీఎం వైఎస్ జగన్‌కు ఆర్థిక నేరాలు చేసే అలవాటు లేదని విశాఖ వైసీపీ ఎంపీ ఎంవీవీ సత్యనారాయణ అన్నారు. జగన్ క్విడ్ ప్రోకో చేశాడంటూ సొంత పార్టీకి చెందిన ఎంపీ పరోక్షంగా హాట్ హాట్ గా వ్యాఖ్యలు చేయడం ఇప్పుడు వైసీపీలో హాట్ టాపిక్ గా మారింది. తాజాగా వైసీపీ ఎంపీ ఎంవీవీ సత్యనారాయణ ప్రెస్‌మీట్‌లో జగన్‌పై భూ ఆరోపణలపై వివరణ ఇస్తూ ఆయనపై కేసులపై స్పందించారు. స్టాంపు డ్యూటీ చెల్లిస్తే ఎన్ని భూములైనా కొనుగోలు చేయవచ్చని.. అందుకు ప్రభుత్వానికి అభ్యంతరం లేదని ఎంవీవీ తెలిపారు. దాన్ని క్విడ్ ప్రోకో అని ఎలా అంటారని ప్రశ్నించారు. తమ సీఎం జగన్‌పై ఉన్న కేసులన్నీ ఇలాంటివేనని ఎంపీ సత్యనారాయణ అన్నారు. జగన్‌పై ఆరోపణలు చేస్తున్నారా, తక్కువ ఆస్తులు చూపించి, ఒక పని చేయడానికి వాటాలు రాసి ఇచ్చారా అని మీడియాను ప్రశ్నించారు. తన తండ్రి ముఖ్యమంత్రిగా ఉన్నప్పుడు జగన్ తన వ్యాపారాలకు సంబంధించి ప్రభుత్వ ఆస్తులను తక్కువ షేర్లకు రాసుకున్నారని ఆరోపించారు. అందులో తప్పేముంది?
మరోవైపు వైసీపీ ఎంపీ సత్యనారాయణ చేసిన వ్యాఖ్యలు ప్రస్తుతం సోషల్ మీడియాలో వైరల్ అవుతున్నాయి. బినామీ కంపెనీల పేరుతో జగన్ క్విడ్ ప్రోకో చేశారని వైసీపీ ఎంపీ పరోక్షంగా చెప్పినట్లు ఆయన వీడియోలు హల్ చల్ చేస్తున్నాయి. ఎన్నికలు సమీపిస్తున్న వేళ క్విడ్ ప్రోకోపై ఎంపీ సత్యనారాయణ చేసిన వ్యాఖ్యలపై వైసీపీలో కలకలం రేగింది. ఇప్పటికే క్విడ్ ప్రోకో కేసులో జగన్ కొన్ని నెలల పాటు జైలులో ఉండాల్సి వచ్చింది. ఈ కేసు ఇంకా సీబీఐ కోర్టులో విచారణలో ఉంది. ఈ కేసులో జగన్, ఆయన సన్నిహితుడు, రాజ్యసభ ఎంపీ విజయసాయిరెడ్డి, మాజీ మంత్రి మోపిదేవి వెంకటరమణ కూడా నిందితులుగా ఉన్నారు. జగన్ తన తండ్రి దివంగత వైఎస్ రాజశేఖరరెడ్డి హయాంలో క్విడ్ ప్రోకోకు పాల్పడ్డారని.. ఆయన వ్యాపారాల్లో వివిధ ప్రైవేట్ సంస్థలు, వ్యక్తులు కోట్లాది రూపాయల పెట్టుబడులు పెట్టారనే ఆరోపణలపై ఈ కేసు నమోదైంది. జగన్ తన తండ్రి పదవిని అడ్డుపెట్టుకుని అక్రమంగా ఆస్తులు కూడబెట్టారని సీబీఐ చార్జిషీట్లు దాఖలు చేసింది. క్విడ్ ప్రోకో కేసులో జగన్ ప్రస్తుతం బెయిల్‌పై బయట ఉన్నారని ప్రతిపక్షాలు ఆరోపిస్తున్నాయి. తాజాగా ఈ కేసుపై విశాఖ ఎంపీ ఎంవీవీ సత్యనారాయణ స్పందించిన తీరు విపక్షాల ఆరోపణలకు మరింత బలం చేకూర్చినట్లు రాజకీయ వర్గాలు అభిప్రాయపడుతున్నాయి.
ఇది కూడా చదవండి: AP Politics : ఏపీ మంత్రి అమర్‌నాథ్‌పై ‘ఏబీఎన్’ ప్రశ్నల వర్షం.. సమాధానం చెప్పలేక..!
భూకబ్జాలకు సంబంధించి ఎంపీ ఎంవీవీ సత్యనారాయణపై గతంలో పలు ఆరోపణలు వచ్చాయి. అయితే తనపై కొందరు భూకబ్జా ఆరోపణలు చేయడాన్ని ఎంపీ కొట్టిపారేశారు. భూకబ్జా ఆరోపణలపై ఎలాంటి విచారణకైనా సిద్ధమని సవాల్ విసిరారు. మరోవైపు రెండు నెలల క్రితం ఎంపీ కుటుంబసభ్యుల కిడ్నాప్ ఘటన రాజకీయ వర్గాల్లో కలకలం రేపింది. విశాఖ ఎంపీ రిషికొండలోని తన ఇంట్లోకి గుర్తు తెలియని వ్యక్తులు చొరబడి కుటుంబ సభ్యులను చిత్రహింసలకు గురిచేసి డబ్బులు దండుకున్నారని ఆరోపించారు.
నవీకరించబడిన తేదీ – 2023-08-16T17:56:59+05:30 IST
