టీమిండియా స్టార్ ప్లేయర్, రన్ మెషీన్, రికార్డ్ కింగ్ విరాట్ కోహ్లీ గురించి ప్రత్యేకంగా చెప్పాల్సిన పనిలేదు. ప్రపంచ వ్యాప్తంగా ఆయనకు భారీ ఫ్యాన్ ఫాలోయింగ్ ఉంది.
విరాట్ కోహ్లీ
విరాట్ కోహ్లీ స్టార్ డమ్: టీమిండియా స్టార్ ప్లేయర్, రన్ మెషీన్, రికార్డ్ కింగ్ విరాట్ కోహ్లీ గురించి ప్రత్యేకంగా చెప్పాల్సిన పనిలేదు. ప్రపంచ వ్యాప్తంగా ఆయనకు భారీ ఫ్యాన్ ఫాలోయింగ్ ఉంది. 2008 ఆగస్టు 18న దంబుల్లాలో శ్రీలంకతో జరిగిన మ్యాచ్‌లో కోహ్లీ అంతర్జాతీయ క్రికెట్‌లోకి అరంగేట్రం చేశాడు. ఈ ఏడాది ఆగస్టు 18కి 15 ఏళ్లు పూర్తయ్యాయి. కోహ్లీ తన కెరీర్‌లో ఎన్నో అత్యుత్తమ ఇన్నింగ్స్‌లు ఆడాడు. భారత్‌కు ఎన్నో చిరస్మరణీయ విజయాలు అందించాడు. అన్ని ఫార్మాట్లలో కలిపి 25 వేలకు పైగా పరుగులు సాధించాడు.
15 ఏళ్ల కెరీర్‌ను విజయవంతంగా పూర్తి చేసుకున్న విరాట్ కోహ్లీకి పలువురు ఆటగాళ్లు, అభిమానులు శుభాకాంక్షలు తెలిపారు. అయితే సూరత్‌కు చెందిన ఓ వ్యాపారవేత్త విరాట్ కోహ్లీకి ఓ అరుదైన బహుమతి ఇవ్వాలని నిర్ణయించుకున్నాడు. వన్డే ప్రపంచకప్ ప్రారంభానికి ముందు కోహ్లీకి అవార్డును అందజేయనున్నాడు. ఇంతకీ ఆ బహుమతి ఏమిటో తెలుసా? వజ్రాలతో చేసిన బ్యాట్.
వన్డే ప్రపంచకప్: ప్రపంచకప్ షెడ్యూల్‌లో ఏమైనా మార్పులు ఉన్నాయా? భద్రతపై హైదరాబాద్ పోలీసుల ఆందోళన..!
ఈ 15 మిమీ పొడవైన బ్యాట్ 1.04 క్యారెట్ల ఒరిజినల్ డైమండ్‌తో తయారు చేయబడింది. మార్కెట్ లో ఈ వజ్రం ధర దాదాపు రూ.10 లక్షలు ఉంటుందని తెలుస్తోంది. డైమండ్ టెక్నాలజీ నిపుణుడైన సూరత్‌లోని లెక్సస్ సాఫ్ట్‌మాక్ కంపెనీ డైరెక్టర్ ఉత్పల్ మిస్త్రీ పర్యవేక్షణలో తయారైన ఈ బ్యాట్‌ను సిద్ధం చేయడానికి ఒక నెల సమయం పట్టింది మరియు ఇప్పుడు అనేక నివేదికల ప్రకారం ధృవీకరణ కోసం పంపబడింది.
ప్రస్తుతం విరాట్ కోహ్లీ మంచి ఫామ్‌లో ఉన్నాడు. ఆసియా కప్‌తో పాటు ప్రపంచకప్‌లోనూ అదే ఫామ్‌ను కొనసాగించాలని అతని అభిమానులు కోరుకుంటున్నారు. ప్రస్తుతం కోహ్లి వయసు 34. కాబట్టి మరో వన్డే ప్రపంచకప్ ఆడడం కష్టం. కోహ్లికి ఇదే చివరి ప్రపంచకప్ అని పలువురు అంచనా వేస్తున్నారు. స్వదేశంలో జరిగే ఈ మెగా టోర్నీని గెలిచి టీమ్ ఇండియాకు ప్రపంచకప్ అందించాలని ఓ సగటు భారతీయ క్రికెట్ అభిమాని కోరుకుంటున్నాడు.
ఆసియా కప్: హార్దిక్ పాండ్యాకు షాక్.. రోహిత్ శర్మకు డిప్యూటీగా స్టార్ పేసర్..!
