ODI వరల్డ్ కప్ 2023: ఇప్పటివరకు ప్రపంచకప్‌లో సెంచరీలు చేసిన వారు వీరే..!!

వన్డే ప్రపంచకప్ అంచనాలకు భిన్నంగా సాగుతోంది. టోర్నీకి ముందు భారత్, ఆస్ట్రేలియా, ఇంగ్లండ్, న్యూజిలాండ్ జట్లు సెమీస్‌కు వెళతాయని క్రికెట్ విశ్లేషకులు అభిప్రాయాన్ని వ్యక్తం చేశారు. అయితే ప్రపంచకప్ ఆరంభంలో ఆస్ట్రేలియా, ఇంగ్లండ్ జట్లు కష్టాలు ఎదుర్కొన్నాయి. అయితే ఇంగ్లండ్ యువ ఆఫ్ఘనిస్థాన్ చేతిలో చావుదెబ్బ తగిలి సెమీస్ కోసం పోరాడాల్సి వచ్చింది. కానీ ఊహించినట్లుగానే ఈ మెగా టోర్నీలో స్టార్ ఆటగాళ్లు సెంచరీలు నమోదు చేస్తున్నారు. ఆస్ట్రేలియా ఇంకా సెంచరీ చేయాల్సి ఉండగా, ఇంగ్లండ్ మాత్రం సెంచరీ నమోదు చేసింది. అన్ని జట్ల నుంచి ఇప్పటివరకు మొత్తం 12 సెంచరీలు నమోదయ్యాయి.

ఇది కూడా చదవండి: క్రికెట్: SMATలో రికార్డు స్కోరు.. 20 ఓవర్లలో 275 పరుగులు

న్యూజిలాండ్ తరఫున డెవాన్ కాన్వే (152), రచిన్ రవీంద్ర (123) సెంచరీలు చేశారు. దక్షిణాఫ్రికా నుంచి డి కాక్ ఒక్కడే రెండు సెంచరీలు చేశాడు. అతను శ్రీలంక (100 నాటౌట్), ఆస్ట్రేలియా (109)పై సెంచరీలు సాధించాడు. డి కాక్‌తో పాటు డస్సెన్, మార్క్‌రామ్ కూడా సెంచరీలు సాధించారు. వీరిద్దరూ శ్రీలంకపై సెంచరీలతో విజృంభించారు. టీమిండియా తరఫున రోహిత్ సెంచరీ చేశాడు. ఆఫ్ఘనిస్థాన్‌పై అతను ఈ ఘనత సాధించాడు. ఆస్ట్రేలియాతో జరిగిన మ్యాచ్‌లో కేఎల్ రాహుల్ తృటిలో సెంచరీ కోల్పోయాడు. ఇంగ్లండ్‌కు చెందిన డేవిడ్ మలన్ (140) సెంచరీ మార్క్ అందుకున్నాడు. శ్రీలంకకు చెందిన కుశాల్ మెండిస్ (122), సమరవిక్రమ (108) ట్రిపుల్ డిజిట్‌లు సాధించారు. పాకిస్థాన్ తరఫున అబ్దుల్లా షఫీక్ (113), మహ్మద్ రిజ్వాన్ (133) సెంచరీలు చేశారు. కాగా, గిల్, కోహ్లి, స్మిత్, వార్నర్, మ్యాక్స్ వెల్, బాబర్ ఆజం, బట్లర్ వంటి స్టార్ ఆటగాళ్లు సెంచరీలు సాధించాలని అభిమానులు కోరుకుంటున్నారు.

నవీకరించబడిన తేదీ – 2023-10-17T17:52:28+05:30 IST