జై భీం దర్శకుడు టీజే జ్ఞానవేల్‌తో జినీకాంత్ తన 170వ చిత్రాన్ని చేస్తున్నట్లు గతంలో ప్రకటించారు. ఈ చిత్రాన్ని లైకా ప్రొడక్షన్స్ నిర్మిస్తోంది.
రజనీకాంత్ తలైవర్ 170 సినిమాలో అమితాబ్ బచ్చన్‌తో పాటు శర్వానంద్ కీలక పాత్ర పోషిస్తున్నారు.
తలైవర్ 170: సూపర్‌స్టార్ రజనీకాంత్ ఇటీవల జైలర్‌తో గ్రాండ్‌గా పునరాగమనం చేశారు. ఈ సినిమా ఘనవిజయం సాధించిన సంగతి తెలిసిందే. రెండు వారాల్లోనే ఈ సినిమా 525 కోట్లకు పైగా వసూలు చేసి థియేటర్లలో దూసుకుపోతోంది. జైలర్ తదుపరి చిత్రం లాల్ సలామ్ లో ప్రత్యేక పాత్రలో కనిపించనున్నాడు. ఆ సినిమా షూటింగ్‌ని రజనీ ఇటీవలే పూర్తి చేశారు.
జై భీం దర్శకుడు టీజే జ్ఞానవేల్‌తో రజనీకాంత్ తన 170వ చిత్రాన్ని చేస్తున్నట్లు గతంలో ప్రకటించారు. ఈ చిత్రాన్ని లైకా ప్రొడక్షన్స్ నిర్మిస్తోంది. అలాగే ఈ సినిమాలో అమితాబ్ బచ్చన్ కూడా ఓ కీలక పాత్ర పోషిస్తున్నట్లు గతంలో వార్తలు వచ్చాయి. త్వరలో రజనీ తన 170వ చిత్రాన్ని ప్రారంభించనున్నారు.
తమిళ మీడియా కథనాల ప్రకారం రేపు రజనీకాంత్ 170వ సినిమా పూజా కార్యక్రమాలు జరగనున్నాయి. ఈ సినిమాలో హీరోయిన్‌గా మలయాళ స్టార్ హీరోయిన్ మంజు వారియర్ ఎంపికైంది. రజనీ, అమితాబ్ ప్రధాన పాత్రలు పోషిస్తుండగా, ఫహద్ ఫాజిల్ తో పాటు మన తెలుగు హీరో శర్వానంద్ కూడా ఓ ముఖ్య పాత్రలో నటించబోతున్నట్లు సమాచారం. ఈ పాత్ర కోసం ముందుగా నానిని అడిగినట్లు వార్తలు వచ్చాయి. మరి ఏమైందో ఏమో కానీ చివరికి శర్వానంద్ ఫైనల్ అయ్యాడు. ఈ సినిమాకి అనిరుధ్ సంగీతం అందిస్తాడని, అనిరుధ్ ఈ సినిమాలో గెస్ట్ అప్పియరెన్స్ కూడా చేస్తాడని టాక్ ఉంది.
జై భీమ్ లాంటి మెసేజ్ ఓరియెంటెడ్ సినిమా తీసిన టీజే జ్ఞానవేల్ అలాంటి స్టార్ కాస్ట్ తో రజనీ 170వ సినిమాను ఎలా ప్లాన్ చేస్తున్నాడో చూద్దాం. జైలర్ తో గ్రాండ్ కంబ్యాక్ ఇచ్చిన ఈ సినిమాపై భారీ అంచనాలే ఉన్నాయి. ఈ సినిమా షూటింగ్ సెప్టెంబర్ చివరి వారంలో ప్రారంభం కానున్న సంగతి తెలిసిందే.
