అల్లు అర్జున్ (అల్లుఅర్జున్) నిన్న తన ఇన్‌స్టాగ్రామ్‌లో ఈరోజు ఒక సర్ప్రైజ్ ఉంటుందని చెప్పాడు. నిజంగానే సర్ ప్రైజ్ ఇచ్చింది. స్టైలిష్ స్టార్‌గా, ఐకాన్ స్టార్‌గా పేరు తెచ్చుకున్న అల్లు అర్జున్ తన రోజువారీ కార్యకలాపాలు, షూటింగ్‌కి ముందు ఏమి చేస్తారు, ఎలా ప్రిపేర్ అవుతారు, ఇంట్లో, కుటుంబం, పిల్లలు, షూటింగ్ ఇలా అన్నీ ఒకే వీడియోలో షేర్ చేసి ఇన్‌స్టాగ్రామ్‌లో పంచుకున్నారు.
ఒక భారతీయ నటుడితో ఇన్‌స్టాగ్రామ్ సహకరించి, అతను నిద్రలేచినప్పటి నుండి, షూటింగ్‌కి వెళ్లి ప్యాక్ అప్ చేసినప్పటి నుండి అతను చేసే పనులను వీడియో రూపంలో చూపించడం ఇదే మొదటిసారి. ఇప్పుడు అల్లు అర్జున్ ఈ ఘనత సాధించాడనే చెప్పాలి. అల్లు అర్జున్‌కి విపరీతమైన ఫాలోయింగ్ ఉంది, అది ‘పుష్ప’ #పుష్ప సినిమాతో మరింత పెరిగింది.
ప్రపంచవ్యాప్తంగా ఉన్న అల్లు అర్జున్ అభిమానులకు ఇండియా, హైదరాబాద్ వచ్చి ఇన్‌స్టాగ్రామ్‌లో మొదటిసారి అల్లు అర్జున్‌తో వీడియో చేయడం నిజంగా ఆశ్చర్యం కలిగించింది. ఇప్పుడీ వీడియో వైరల్‌గా మారడంతో ఆయన అభిమానులు సంబరాలు చేసుకుంటున్నారు. సుకుమార్ దర్శకత్వం వహించిన #పుష్ప:ది రైజ్ ప్రపంచవ్యాప్తంగా విజయవంతమైంది. ఇది అల్లు అర్జున్‌కి జాతీయ ఉత్తమ నటుడి అవార్డును కూడా తెచ్చిపెట్టింది, తొలిసారిగా ఒక తెలుగు నటుడికి ఇంత ఉత్తమ నటుడి అవార్డు లభించి, అల్లు అర్జున్ చరిత్ర సృష్టించాడు. ఇప్పుడు ఈ వీడియోతో ‘పుష్ప 2’ #పుష్ప2:ది రూల్ కూడా భారీ అంచనాలను పెంచేసింది. ‘పుష్ప 2’ షూటింగ్ కూడా చూపించారు, ఇండియాలో ఫ్యాన్స్ ఎలా ఉన్నారు, అల్లు అర్జున్ ఎలా రిసీవ్ చేసుకుంటారు, ఇలా అన్నీ చూపించారు.
అల్లు అర్జున్ మధ్యాహ్నం తన పిల్లలతో వీడియో కాల్‌లో రోజు గురించి మాట్లాడాడు. అలాగే అతను చెక్కలను కత్తిరించడం ఇష్టపడతాడు, కాబట్టి అతని వద్ద చాలా ఉపకరణాలు ఉన్నాయి. అలాగే ఉదయం లేవగానే బయట గార్డెన్‌కి రావడం, బ్లాక్‌ కాఫీ తాగడం.. ఇలా దర్శకుడు సుకుమార్‌తో సినిమా గురించిన చర్చ, ఆయన పాత్ర గురించి వివరణ, అలాగే ప్యాకప్ చెప్పడం ఇలా అన్నీ చూపించారు. మరియు ఆశ్చర్యపోయాడు. ఇప్పుడు ఈ వీడియో వైరల్ అవుతోంది.
ఉదయాన్నే లేవడం, యోగా, పిల్లలు, ఫ్యామిలీ అంటూ సరదాగా గడిపేస్తున్న అల్లు అర్జున్ ఒక్కసారి షూటింగ్ స్టార్ట్ చేస్తే తన పాత్రలో లీనమై అందులోనే ఉండిపోతాడు. మళ్లీ షూటింగ్ తర్వాత యోగా చేస్తే మళ్లీ మామూలుగానే ఉంటాడు. అల్లు అర్జున్ గురించి పలు ఆసక్తికర విషయాలను పంచుకున్నాడు.
నవీకరించబడిన తేదీ – 2023-08-30T11:24:46+05:30 IST
