బోయపాటి శ్రీను, ఉస్తాద్ రామ్ పోతినేని కాంబినేషన్లో వచ్చిన ‘స్కంద’ మాస్ అండ్ యాక్షన్ ఎంటర్టైనర్. ఈ సినిమాకు సంబంధించి ఇప్పటి వరకు వచ్చిన పాటలు, తాజాగా విడుదలైన ట్రైలర్ సినిమాపై అంచనాలను పెంచేశాయి. ముఖ్యంగా ట్రైలర్లో అడుగడుగునా బోయపాటి మార్క్ కనిపించింది. అలాగే రామ్ కూడా డిఫరెంట్ లుక్ లో కనిపించి ఆకట్టుకున్నాడు. వినాయక చవితి కానుకగా సెప్టెంబర్ 15న ఈ చిత్రాన్ని విడుదల చేయబోతున్నట్లు మేకర్స్ అధికారికంగా ప్రకటించిన సంగతి తెలిసిందే. అయితే ఇప్పుడు సినిమా వాయిదా పడినట్లు నిర్మాతలు అధికారికంగా ప్రకటించారు. (స్కంద వాయిదా)
శ్రీనివాస సిల్వర్ స్క్రీన్ బ్యానర్పై శ్రీనివాస చిట్టూరి నిర్మిస్తున్న ఈ చిత్రాన్ని సెప్టెంబర్ 28న విడుదల చేయబోతున్నట్లు తెలియజేస్తూ మేకర్స్ పోస్టర్ను విడుదల చేశారు.ఈ పోస్టర్లో హీరో రామ్, హీరోయిన్ శ్రీలీల సంప్రదాయ దుస్తుల్లో కనిపిస్తున్నారు. రామ్ పంచెకట్టులో కూల్గా కనిపిస్తే, చోళీలో శ్రీలీలా గాగ్రా చాలా అందంగా కనిపిస్తుంది. ఇద్దరూ హాయిగా నవ్వుతూ కనిపిస్తారు. అలా ఇద్దరినీ చూస్తుంటే పండగ వాతావరణం నెలకొంది. పోస్టర్ సంగతి ఇలా ఉంటే… ప్రకటించిన తేదీ గుర్తుందా.. సెప్టెంబర్ 28. నిజానికి ఈ తేదీన రెబల్ స్టార్ ప్రభాస్ నటించిన ‘సాలార్’ సినిమా విడుదల కావాల్సి ఉంది. అయితే నవంబర్లో లేదా వచ్చే సంక్రాంతికి సినిమా విడుదలవుతుందని వార్తలు వస్తున్న నేపథ్యంలో.. ‘స్కంద’కి ఆ డేట్ను లాక్ చేశారు.
మాస్ పేలుడు, అద్భుతమైన ఫ్యామిలీ ఎమోషన్స్తో అలరిస్తున్న స్కంద ట్రైలర్తో బోయపాటి, రామ్ కాంబో ఈ సినిమా ఎప్పుడు విడుదలైనా బాక్సాఫీస్ వద్ద తుఫాన్ సృష్టిస్తుందనడంలో సందేహం లేదు. భారీ తారాగణంతో రూపొందిన ఈ చిత్రం సెప్టెంబర్ 28న తెలుగు, తమిళం, కన్నడ, మలయాళం, హిందీ భాషల్లో ప్రపంచవ్యాప్తంగా విడుదల కానుంది.
==============================
****************************************
****************************************
****************************************
****************************************
నవీకరించబడిన తేదీ – 2023-09-06T15:31:20+05:30 IST
