సీనియర్ నటి జయలలిత సమర్పకురాలిగా కీలక పాత్రలో నటించిన చిత్రం ‘రుద్రం కోట’. ఎఆర్‌కె విజువల్స్ బ్యానర్‌పై రాము కోన దర్శకత్వంలో అనిల్ అర్క కందవల్లి ఈ చిత్రాన్ని నిర్మించారు. అనిల్, విభీష, అలేఖ్య హీరోహీరోయిన్లుగా నటించారు. స్క్రీన్ మ్యాక్స్ సంస్థ ద్వారా ఈ నెల 22న 200కి పైగా థియేటర్లలో విడుదలై పాజిటివ్ టాక్ తో రన్ అవుతోంది. ఈ సందర్భంగా చిత్రయూనిట్ సోమవారం సక్సెస్ మీట్ ఏర్పాటు చేసింది. సీనియర్ నటి జయలలిత మాట్లాడుతూ సినిమాను ఇంతలా ఆదరిస్తున్న ప్రేక్షకులకు కృతజ్ఞతలు తెలిపారు.
ఆమె మాట్లాడుతూ.. ‘రుద్రంకోట’ చిత్రాన్ని ఇంత పెద్ద సక్సెస్ చేసిన ప్రేక్షకులందరికీ మా టీమ్ అందరి తరపున ధన్యవాదాలు. అలాగే మీడియా కూడా మా సినిమాకు మంచి పబ్లిసిటీ ఇచ్చి ప్రజల్లోకి తీసుకెళ్లింది. వారికి కూడా ధన్యవాదాలు. విడుదలైన అన్ని ఏరియాల నుంచి మంచి రెస్పాన్స్ వస్తోంది. కథ, కథనం, సంగీతం, దర్శకత్వం, నటీనటుల పెర్‌ఫార్మెన్స్‌, నా పాత్ర ఇలా ప్రతి అంశం గురించి ప్రేక్షకులు మాట్లాడుకుంటున్నారు. మా సినిమాను చూసి పెద్ద విజయం సాధించాలని కోరుకుంటున్నాను అన్నారు. (రుద్రం కోట మూవీ సక్సెస్ మీట్)
దర్శకుడు రాము కోన మాట్లాడుతూ.. మా సినిమాను ప్రజల్లోకి తీసుకెళ్లి, విడుదలై మంచి రివ్యూలు అందించిన జర్నలిస్టులకు ధన్యవాదాలు. ఈ సినిమాకు జయలలిత చాలా సపోర్ట్ చేశారు. మా టీమ్ అంతా చాలా కష్టపడి పనిచేశాం. ఆ కృషికి ఈరోజు ఫలితం దక్కింది. ఇటీవల గుంటూరులోని కొన్ని థియేటర్లను సందర్శించాం. చాలా మంచి రెస్పాన్స్ వస్తోంది. బి.గోపాల్‌, కాట్రగడ్డగారు మాట్లాడుతూ మా సినిమాను అభినందించి నన్ను సత్కరించడం చాలా గౌరవంగా భావిస్తున్నాను.
హీరోయిన్ విభీష మాట్లాడుతూ.. ఓ హిట్ సినిమాలో భాగమైనందుకు సంతోషంగా ఉంది, ఈ సినిమాలో జయలలిత సపోర్ట్ ఎప్పటికీ మరువలేను.. హీరో అనిల్ మాట్లాడుతూ.. కంటెంట్ ఉంటేనే ప్రేక్షకులు కూడా ఆదరిస్తారనడానికి మా సినిమా బెస్ట్ ఎగ్జాంపుల్. కొత్తవారు. విడుదలైన అన్ని ఏరియాల నుంచి సినిమాకు ట్రెమండస్ రెస్పాన్స్ వస్తోంది. అన్ని వర్గాల ప్రేక్షకులను ఆకట్టుకునే సినిమా ఇది. అందరూ చూసి మరిన్ని విజయాలు అందించాలని కోరుకుంటున్నాను అన్నారు.
==============================
*******************************************
*******************************************
*******************************************
*****************************************************
నవీకరించబడిన తేదీ – 2023-09-25T18:58:17+05:30 IST
