రీసెంట్ గా నేషనల్ అవార్డ్ గెలుచుకున్న అలియా భట్ తన కొత్త సినిమాని ఎనౌన్స్ చేసింది. అన్న కోసం పోరాటం..
అలియా భట్ తన తదుపరి చిత్రం వాసన్ బాలాతో జిగ్రాను ప్రకటించింది
అలియా భట్: బాలీవుడ్ హీరోయిన్ అలియా భట్ ఇటీవల తన కొత్త సినిమాను ప్రకటించింది. ఈ ఏడాది అలియా రెండు సినిమాలతో ప్రేక్షకుల ముందుకు వచ్చింది. అందులో ఒకటి బాలీవుడ్ సినిమా కాగా మరొకటి హాలీవుడ్ సినిమా. రణవీర్ సరసన ‘రాకీ ఔర్ రాణి కి ప్రేమ్ కహానీ’ సినిమాలో నటించి సూపర్ హిట్ అందుకుంది. అలాగే హాలీవుడ్ నటి గాల్ గాడోట్ నటించిన యాక్షన్ మూవీ ‘హార్ట్ ఆఫ్ స్టోన్’లో ఆమె ఓ ముఖ్య పాత్ర పోషించింది. ఈ సినిమాలో అలియా యాక్షన్ స్టంట్స్ కూడా చేసింది.
టైగర్ నాగేశ్వరరావు: టైగర్ నాగేశ్వరరావు ట్రైలర్ రిలీజ్ డేట్ ఫిక్స్ చేశారు.
ఇప్పుడు తన కొత్త సినిమాలో కూడా యాక్షన్ స్టంట్స్ చేయబోతున్న సంగతి తెలిసిందే. వాసన్ బాలా దర్శకత్వంలో ‘జిగ్రా’ అనే సినిమాను ఎనౌన్స్ చేశాడు. లేడీ ఓరియెంటెడ్‌గా ఈ చిత్రాన్ని ప్రేక్షకుల ముందుకు తీసుకురానున్నారు. ఈ చిత్రానికి సంబంధించిన యానిమేషన్‌ మోషన్ పోస్టర్‌ను విడుదల చేశారు. ఇక ఈ అప్‌డేట్‌తో సినిమా కథ కూడా ప్రేక్షకుల ముందుకు వచ్చింది. “సోదరుడికి రాఖీ కట్టడం అతనికి హాని జరగకుండా కాపాడే ప్రతిజ్ఞ. మిమ్మల్ని కాపాడుకోవడం నా కర్తవ్యం’’ అని మోషన్ పోస్టర్ వీడియో వాయిస్ ఓవర్‌లో పేర్కొన్నారు.
నిత్యామీనన్ : తమిళ నటుడు నన్ను వేధించాడు.. వైరల్ అవుతున్న నిత్యామీనన్ వ్యాఖ్యలు.. నిజమేంటి..?
ఈ సినిమాలో అలియా తన తమ్ముడిని కాపాడుకునేందుకు పోరాడబోతోందని ఈ వీడియో చూస్తే అర్థమవుతుంది. ఈ చిత్రాన్ని సెప్టెంబర్ 27, 2024న విడుదల చేయనున్నట్లు కూడా ప్రకటించారు. ఈ చిత్రాన్ని కరణ్ జోహార్, అపూర్వ మెహతా, అలియా భట్ మరియు సోమెన్ మిశ్రా నిర్మించనున్నారు. తాజాగా ‘గంగూబాయి కతియావాడి’ చిత్రానికి గానూ అలియా జాతీయ అవార్డును అందుకుంది. ఆ సినిమా కూడా లేడీ ఓరియెంటెడ్ కథతో వచ్చింది. ఇప్పుడు ఈ సినిమా కూడా అదే తరహాలో వస్తుండడంతో అభిమానుల్లో భారీ అంచనాలు ఏర్పడ్డాయి.
