LEO సినిమా: కోలీవుడ్ స్టార్ హీరో దళపతి విజయ్ నటిస్తున్న తాజా చిత్రం “లియో”. లోకేష్ కనగరాజ్ దర్శకత్వం వహించిన ఈ సినిమాలో విజయ్ సరసన త్రిష హీరోయిన్ గా నటిస్తోంది. మరో ముఖ్య పాత్రలో బాలీవుడ్ స్టార్ సంజయ్ దత్, యాక్షన్ కింగ్ అర్జున్ నటిస్తున్నారు. విక్రమ్ వంటి ఇండస్ట్రీ హిట్ తర్వాత విజయ్ – లోకేష్ కాంబినేషన్ లో వస్తున్న సినిమా కావడంతో ఈ సినిమాపై భారీ అంచనాలు ఉన్నాయి. కోలీవుడ్ సంగీత సంచలనం అనిరుధ్ రవిచంద్రన్ సంగీతం సమకూరుస్తున్నారు. లోకేశ్ సినిమా విశ్వరూపంలో రూపొందిన ఈ చిత్రం దసరా కానుకగా అక్టోబర్ 19న తమిళం, తెలుగు, హిందీ, కన్నడ భాషల్లో విడుదల కానుంది.
ఇప్పటికే షూటింగ్ పూర్తి చేసుకున్న ఈ సినిమా ప్రమోషన్స్ లో భాగంగా సెప్టెంబర్ 30న చెన్నైలో ఆడియో లాంచ్ ప్లాన్ చేసారు.. అయితే ఈ వేడుక కోసం ఎంతో ఆసక్తిగా ఎదురుచూస్తున్న విజయ్ అభిమానులకు చిత్ర బృందం ఊహించని షాక్ ఇచ్చింది. ఆడియో ఫంక్షన్ రద్దు చేస్తున్నట్లు చిత్ర నిర్మాతలు సోషల్ మీడియాలో అధికారికంగా ప్రకటించారు. గత కొన్ని రోజులుగా ఈ వార్త సోషల్ మీడియాలో హల్ చల్ చేస్తుండగా, అనూహ్యంగా నిర్మాతలు కూడా కన్ఫర్మ్ చేయడం అందరినీ విస్మయానికి గురిచేసింది.
ఈ మేరకు చిత్ర నిర్మాతలు ట్విట్టర్‌లో ప్రెస్‌నోట్‌ను విడుదల చేశారు. ఆ నోట్‌లో, భద్రతా కారణాలు మరియు ట్రాఫిక్ ఆంక్షల కారణంగా అభిమానుల నుండి విపరీతమైన స్పందన మరియు ఆడియో లాంచ్ పాస్‌ల కోసం విపరీతమైన అభ్యర్థనల కారణంగా మీరు లియో ఆడియో ఈవెంట్‌ను రద్దు చేస్తున్నట్లు వ్రాసారు. ఈ ఫంక్షన్ రద్దు వెనుక ఎలాంటి రాజకీయ కారణాలు లేవని వెల్లడించారు.
ఓవర్‌ఫ్లోయింగ్ పాస్ అభ్యర్థనలు & భద్రతా పరిమితులను పరిగణనలోకి తీసుకుని, మేము లియో ఆడియో లాంచ్‌ను నిర్వహించకూడదని నిర్ణయించుకున్నాము.
అభిమానుల కోరికలకు సంబంధించి, మేము మిమ్మల్ని తరచుగా అప్‌డేట్‌లతో నిమగ్నమై ఉంచుతాము.
PS చాలా మంది ఊహించినట్లు, ఇది రాజకీయ ఒత్తిడి లేదా మరేదైనా కారణం కాదు…
— సెవెన్ స్క్రీన్ స్టూడియో (@7screenstudio) సెప్టెంబర్ 26, 2023
అయితే ఈ విషయంలో విజయ్ అభిమానులు మాత్రం ఈవెంట్ రద్దు వెనుక రాజకీయ కోణం ఉందని భావిస్తున్నారు. విజయ్ రాజకీయాల్లోకి వస్తాడని కొన్నాళ్లుగా ప్రచారం జరుగుతోంది. ఈ క్రమంలో అభిమానులతో ఎప్పటికప్పుడు సమావేశమవుతూ ఉంటారు. త్వరలో జరగనున్న తమిళనాడు అసెంబ్లీ ఎన్నికల్లో విజయ్ పార్టీ బరిలోకి దిగనుందని అంటున్నారు. కావాలనే ‘లియో’ ఆడియో రద్దుకు తమిళనాడు సీఎం స్టాలిన్ కారణమని అంటున్నారు. అదే విధంగా ఉదయనిధి స్టాలిన్ రెడ్ జాయింట్ సంస్థ కూడా లియో సినిమాకి డిస్ట్రిబ్యూషన్ రైట్స్ ఇవ్వకుండా ఆడియో లాంచ్ క్యాన్సిల్ చేసిందని అంటున్నారు.
పోస్ట్ LEO Movie : దళపతి విజయ్ ఫ్యాన్స్ షాక్.. “లియో” ఆడియో లాంచ్ క్యాన్సిల్.. ఎందుకంటే?? మొదట కనిపించింది ప్రైమ్9.
