అక్టోబర్ 5 నుంచి నవంబర్ 19 వరకు జరగనున్న వన్డే ప్రపంచకప్ కోసం భారత క్రికెట్ కంట్రోల్ బోర్డు తుది భారత జట్టును ప్రకటించింది.
అక్షర్ పటేల్ స్థానంలో రవిచంద్రన్ అశ్విన్.
టీమ్ ఇండియా ప్రపంచ కప్ జట్టు: భారత క్రికెట్ కంట్రోల్ బోర్డు (BCCI) అక్టోబర్ 5 నుండి నవంబర్ 19 వరకు స్వదేశంలో జరిగే వన్డే ప్రపంచ కప్ (ODI ప్రపంచ కప్) కోసం తుది భారత జట్టును ప్రకటించింది. సీనియర్ స్పిన్నర్ రవిచంద్రన్ అశ్విన్ ఆసియా కప్ 2023లో గాయపడిన అక్షర్ పటేల్ స్థానంలో ఎంపికయ్యాడు. ఈ మార్పు మినహా మిగిలిన జట్టు అలాగే ఉంది. బంగ్లాదేశ్‌తో జరిగిన మ్యాచ్‌లో గాయపడిన అక్షర్ పటేల్ పూర్తిగా కోలుకోకపోవడంతో ఈ నిర్ణయం తీసుకున్నారు. ఐసీసీ నిబంధనల ప్రకారం ప్రపంచకప్ జట్టులో మార్పులు చేసేందుకు నేడు (సెప్టెంబర్ 28) చివరి రోజు కావడంతో సెలక్టర్లు ఈ నిర్ణయం తీసుకున్నారు.
నిజానికి వన్డే ప్రపంచకప్‌కు తొలుత ప్రకటించిన జట్టులో అశ్విన్‌కు చోటు దక్కలేదు. అయితే.. దీనిపై విమర్శలు వచ్చాయి. అదే సమయంలో ప్రపంచకప్‌కు ఎంపికైన అక్షర్ పటేల్ గాయపడటంతో ఆస్ట్రేలియాతో వన్డే సిరీస్‌కు అశ్విన్ ఎంపికయ్యాడు. అశ్విన్ రెండు మ్యాచ్‌ల్లో నాలుగు వికెట్లు తీసి తన సత్తా చాటాడు. దీంతో అశ్విన్ ప్రపంచకప్‌కు ఎంపికయ్యాడు.
భారత జట్టు సెప్టెంబర్ 30, అక్టోబర్ 3 తేదీల్లో వార్మప్ మ్యాచ్‌లు ఆడనుంది. భారత్ తన తొలి వన్డే మ్యాచ్‌ను అక్టోబర్ 8న ఆస్ట్రేలియాతో ఆడనుంది. ఈ మ్యాచ్‌కు చెన్నై ఆతిథ్యం ఇవ్వనుంది. అక్టోబరు 14న భారత్, పాకిస్థాన్ మధ్య మ్యాచ్ జరగనుంది.ఈ మ్యాచ్‌కు గుజరాత్‌లోని అహ్మదాబాద్‌లోని నరేంద్ర మోదీ స్టేడియం వేదిక కానుంది.
వన్డే ప్రపంచకప్‌కు భారత జట్టు ఇదే.
రోహిత్ శర్మ (కెప్టెన్), శుభమన్ గిల్, విరాట్ కోహ్లీ, శ్రేయాస్ అయ్యర్, సూర్యకుమార్ యాదవ్, హార్దిక్ పాండ్యా, రవీంద్ర జడేజా, రవిచంద్రన్ అశ్విన్, కేఎల్ రాహుల్, ఇషాన్ కిషన్, శార్దూల్ ఠాకూర్, జస్ప్రీత్ బుమ్రా, కుల్దీప్ యాదవ్, షమీ, సిరాజ్.
