విరాట్ కోహ్లీ: హఠాత్తుగా ముంబై వెళ్లిన కోహ్లీ.. ప్రాక్టీస్ మ్యాచ్ కు డుమ్మా..?

వన్డే ప్రపంచకప్ కోసం టీమిండియా సాధన చేస్తోంది. కానీ తొలి వార్మప్ మ్యాచ్‌కు వరుణుడు అంతరాయం కలిగించాడు. దీంతో రెండో వార్మప్ మ్యాచ్ పై టీమిండియా దృష్టి సారించింది. మంగళవారం తిరువనంతపురం వేదికగా నెదర్లాండ్స్‌తో టీమిండియా ప్రాక్టీస్ మ్యాచ్ ఆడనుంది. అయితే స్టార్ ప్లేయర్ విరాట్ కోహ్లీ హఠాత్తుగా ముంబై వెళ్లిపోయాడు. మరి టీమ్ మేనేజ్‌మెంట్ అనుమతితో తిరువనంతపురం నుంచి ముంబైకి విమానంలో వెళ్లినట్లు సమాచారం. కోహ్లీకి ఏమైందోనని అభిమానులు ఆందోళన చెందుతున్నారు. అయితే వ్యక్తిగత కారణాల వల్ల కోహ్లీ ముంబై వెళ్లినట్లు తెలుస్తోంది.

ఇది కూడా చదవండి: వన్డే ప్రపంచకప్: వన్డే ప్రపంచకప్‌లో కశ్మీర్ విల్లో బ్యాటింగ్.. 102 ఏళ్ల చరిత్రలో ఇదే తొలిసారి.

విరాట్ కోహ్లి భార్య అనుష్క శర్మ మళ్లీ తల్లి కాబోతోందని ఇటీవల మీడియాలో వార్తలు వచ్చాయి. కోహ్లి దంపతులు ముంబైలోని గైనకాలజిస్ట్ వద్దకు వెళ్లి ఈ శుభవార్త తెలుసుకున్నారు. అయితే అనుష్క ప్రెగ్నెన్సీ వార్తలపై కోహ్లీ ఎలాంటి ప్రకటన చేయలేదు. ఆయన హఠాత్తుగా ముంబైకి వెళ్లడానికి ఇదే కారణమని అభిమానులు అభిప్రాయపడుతున్నారు. మరో రెండు రోజుల్లో ఈ శుభవార్తను అభిమానులతో పంచుకునే అవకాశాలు ఉన్నాయని అంటున్నారు. వ్యక్తిగత కారణాలతో సంబంధం లేకుండా కోహ్లీ తన ఫిట్‌నెస్‌ను కాపాడుకోవాలని, ప్రపంచకప్‌లో మెరవాలని అందరూ కోరుకుంటున్నారు. ఈ నేపథ్యంలో మంగళవారం తిరువనంతపురంలో జరిగే ప్రాక్టీస్ మ్యాచ్ కు కోహ్లీ అందుబాటులో ఉండే అవకాశం లేకపోలేదు. ఈ మ్యాచ్‌కి కూడా వరుణుడు అంతరాయం కలిగించే అవకాశం ఉందని వాతావరణ శాఖ నివేదిక ఇచ్చింది. అయితే కోహ్లీ మళ్లీ ఎప్పుడు జట్టులోకి వస్తాడనే దానిపై ఇంకా స్పష్టత రాలేదు.

నవీకరించబడిన తేదీ – 2023-10-02T21:28:01+05:30 IST