ఇజ్రాయెల్ వర్సెస్ పాలస్తీనా: హమాస్ దాడికి ఇజ్రాయెల్ ఎదురుదాడి.. ఇరువైపులా భారీ నష్టాలు

ఒకప్పుడు ఇజ్రాయెల్ అనే దేశం లేదు. పాలస్తీనా మాత్రమే ఉండేది. కానీ… మొదటి ప్రపంచ యుద్ధ సమయంలో యూదులంతా ప్రాణభయంతో పాలస్తీనాకు వచ్చారు. అప్పటి నుంచి వారి సంఖ్య క్రమంగా పెరుగుతూ వస్తోంది. యూదులు పాలస్తీనాకు తరలివచ్చారు. ఇలా బలం పెరగడంతో తాము తలదాచుకున్న పాలస్తీనాను ఆక్రమించుకోవాలనుకున్నారు. తమ కోసం ‘ఇజ్రాయెల్’ అనే ప్రత్యేక దేశాన్ని ప్రకటించుకున్నారు. అప్పటి నుంచి పాలస్తీనా, ఇజ్రాయెల్ మధ్య యుద్ధం కొనసాగుతోంది.

ఇజ్రాయెల్ భూభాగంలో ఎక్కువ భాగం ఆక్రమించినప్పటికీ, పాలస్తీనా మరియు ఇజ్రాయెల్ మధ్య యుద్ధం ఆగలేదు. తమ ఇళ్లకు అతిథులుగా వచ్చి తమ ఇళ్లను లూటీ చేశారన్న కోపంతో ఇజ్రాయెల్ పై పాలస్తీనియన్లు పోరాటాన్ని కొనసాగిస్తున్నారు. కానీ.. ఇది తమ పూర్వీకుల భూమి అంటూ యూరప్ నుంచి పారిపోయి పాలస్తీనాకు వచ్చిన యూదులు మాత్రం పాలస్తీనియన్లపై ఎదురుదాడికి దిగుతున్నారు. చివరిసారిగా 2021లో వీరిద్దరి మధ్య హోరాహోరీ పోరు.. శాంతి కోసం ఎన్ని ప్రయత్నాలు చేసినా కుదరలేదు. చాలా విషయాల్లో ఈ ఇద్దరి మధ్య సఖ్యత లేదు. అందుకే.. ఒకరిపై ఒకరు దాడులు చేసుకుంటూ ఉంటారు.

ఈ క్రమంలో హమాస్ ఉగ్రవాదులు శనివారం ఉదయం ఇజ్రాయెల్ పై ఆకస్మిక దాడికి పాల్పడ్డారు. నిమిషాల వ్యవధిలోనే వేల రాకెట్లను ప్రయోగించారు. అంతేకాదు.. ఇజ్రాయెల్ లోకి చొరబడి విధ్వంసం సృష్టించారు. దీంతో… ఇజ్రాయెల్ కూడా ధీటుగా స్పందిస్తోంది. గాజా స్ట్రిప్‌లోని పాలస్తీనా టవర్‌పై ఇజ్రాయెల్ వైమానిక దళం బాంబు దాడి చేసింది. ఇలా పరస్పరం దాడులు చేసుకోవడంతో భారీగా ప్రాణ, ఆస్తి నష్టం జరిగింది. హమాస్ జరిపిన దాడుల్లో 100 మందికి పైగా ప్రాణాలు కోల్పోతే.. ఇజ్రాయెల్ జరిపిన దాడుల్లో 200 మందికి పైగా చనిపోయారు. అలాగే.. 1600 మందికి పైగా స్థానికులు తీవ్రంగా గాయపడిన సంగతి తెలిసిందే.

మరోవైపు ఇజ్రాయెల్‌లోకి చొరబడిన హమాస్‌ ఉగ్రవాదులు స్థానికులను బందీలుగా తీసుకెళ్తున్నారు. వ్యతిరేకించిన వారిని దారుణంగా కాల్చి చంపారు. దీంతో ఇజ్రాయిల్ సైన్యం రంగంలోకి దిగి వారిని అడ్డుకునే పనిలో నిమగ్నమైంది. ఇద్దరి మధ్య ఎన్‌కౌంటర్ జరుగుతోంది. తాము యుద్ధం చేస్తున్నామని ప్రకటించిన ఇజ్రాయెల్.. తమపై మెరుపు దాడులకు శత్రువులు భారీ మూల్యం చెల్లించక తప్పదని వార్నింగ్ ఇచ్చింది. ఈ వివాదంలో భారత్, అమెరికా, బ్రిటన్ వంటి దేశాలు ఇజ్రాయెల్‌కు మద్దతు ఇస్తుండగా, ఇరాన్ పాలస్తీనాలో హమాస్‌కు మద్దతు ఇస్తోంది.

నవీకరించబడిన తేదీ – 2023-10-07T22:04:07+05:30 IST