ఇజ్రాయెల్-హమాస్: ఆసుపత్రిపై బాంబు దాడి.. ఇజ్రాయెల్-హమాస్ పరస్పరం ఆరోపణలు చేసుకున్నాయి

జెరూసలేం: ఇజ్రాయెల్, హమాస్ మధ్య జరుగుతున్న భీకర యుద్ధంలో వేలాది మంది ప్రాణాలు కోల్పోతున్నారు. గాజాలోని ఆసుపత్రిపై ఇజ్రాయెల్ జరిపిన దాడిలో 500 మంది మరణించారు. అయితే ఇజ్రాయెల్ దాడి చేసిందన్న ఆరోపణలను ఆ దేశం తోసిపుచ్చింది. పాలస్తీనా ఉగ్రవాద సంస్థ హమాస్ క్షిపణిని మిస్ ఫైర్ చేసిందని ఇజ్రాయెల్ ఆరోపించింది. అయితే దాడికి ఇజ్రాయెల్ కారణమని హమాస్ ఆరోపిస్తోంది. ఇజ్రాయెల్ వైమానిక దాడుల వల్లే ఈ ప్రమాదం జరిగిందని ఉగ్రవాద సంస్థ చెబుతోంది. ఇజ్రాయెల్, హమాస్ మధ్య జరుగుతున్న భీకర యుద్ధంలో వేలాది మంది ప్రాణాలు కోల్పోతున్నారు. గాజాలోని ఆసుపత్రిపై ఇజ్రాయెల్ వైమానిక దాడుల్లో 500 మంది మరణించారు. గాజాలోని అల్-అహ్లీ బాప్టిస్ట్ ఆసుపత్రిపై మంగళవారం సాయంత్రం బాంబు దాడి జరిగిందని హమాస్ ఆరోగ్య మంత్రిత్వ శాఖ వెల్లడించింది. వరుస దాడుల నేపథ్యంలో సహాయక చర్యలను ఇజ్రాయిల్ అడ్డుకుంటున్నదని ఆరోపించారు. అయితే, ఇజ్రాయెల్ డిఫెన్స్ ఫోర్సెస్ (IDF) దీనిని ఖండించింది.

ఆస్పత్రిలో దాచిన మందుగుండు సామాగ్రి వల్లే నష్టం జరిగి ఉండవచ్చని వ్యాఖ్యానించారు. మరోవైపు, ఇజ్రాయెల్ అల్టిమేటం ప్రకారం, గాజాలోని 10 లక్షల మంది పాలస్తీనియన్లు దక్షిణ ప్రాంతానికి చేరుకున్నారు. IDF మంగళవారం ఉదయం నుండి సెంట్రల్ గాజాపై వైమానిక దాడులను పెంచింది. ఈ దాడుల్లో 88 మంది పౌరులు, వైద్యులు, వైద్య సిబ్బంది మరణించినట్లు హమాస్ వర్గాలు తెలిపాయి. ఇజ్రాయెల్ దాడుల్లో ఇప్పటివరకు 2,778 మంది పౌరులు మరణించారని, వారిలో మూడింట రెండొంతుల మంది మహిళలు, పిల్లలు ఉన్నారని వివరించింది. IDF మూలాలు ఇజ్రాయెల్‌లో మరణించిన వారి సంఖ్య 1,400గా పేర్కొన్నాయి. గాజాలోని ఆసుపత్రిపై దాడిని అమెరికా అధ్యక్షుడు జో బిడెన్ ఖండించారు. ఘటనపై విచారణ జరిపించాలని కోరారు. ఈ క్రమంలో బుధవారం అమెరికా అధ్యక్షుడు జో బిడెన్‌తో అమ్మాన్‌లో జరగాల్సిన ప్రాంతీయ శిఖరాగ్ర సమావేశాన్ని రద్దు చేస్తున్నట్లు జోర్డాన్ విదేశాంగ మంత్రి ప్రకటించారు. ఈ రోజు బిడెన్ ఇజ్రాయెల్ పర్యటనకు వెళ్లారు.

నవీకరించబడిన తేదీ – 2023-10-18T10:32:43+05:30 IST