కేరళలో వామపక్ష ప్రభుత్వానికి, ఆర్‌ఎస్‌ఎస్‌కు మధ్య వివాదం ముదిరింది.
జెండాలు మరియు శాఖల ఏర్పాటుపై నిషేధం
కేరళ ప్రభుత్వ ఉత్తర్వులు
తిరువనంతపురం, అక్టోబర్ 24: కేరళలో వామపక్ష ప్రభుత్వానికి, ఆర్‌ఎస్‌ఎస్‌కు మధ్య వివాదం ముదిరింది. ఆలయ ప్రాంగణాల్లో ఆర్ఎస్ఎస్ ఆయుధాలతో కసరత్తులు చేస్తోందని తప్పుబట్టిన ముఖ్యమంత్రి విజయన్‌ సర్కార్‌.. ఇప్పుడు ఏకకాలంలో తమ ఆధీనంలో ఉన్న ఆలయ ప్రాంగణం, మైదానాల్లో ఆర్ఎస్ఎస్ డ్రిల్‌ వంటి ప్రదర్శనలను నిషేధించారు. ఆలయాల నిర్వహణ బాధ్యత ఆయా ఆలయాల బోర్డులదేనని కేరళ హైకోర్టు ఇచ్చిన తీర్పు ఆధారంగా ఈ మేరకు సర్క్యులర్ జారీ చేసింది. తిరువనంతపురంలోని శంకరదేవి ఆలయ ప్రాంగణాన్ని ఆర్ఎస్ఎస్ ఆక్రమించుకుని శాఖలు నడుపుతోందని ఇద్దరు వ్యక్తులు దాఖలు చేసిన వ్యాజ్యంపై హైకోర్టు తీర్పునిస్తూ, అలాంటిది సాధ్యం కాదని పేర్కొంది. అన్ని ఆలయాలకు వర్తింపజేస్తూ తాజాగా సర్క్యులర్‌ను విడుదల చేసింది. ఆర్ఎస్ఎస్, ఇతర తీవ్రవాద భావజాల సంస్థలు తమ ఆలయ మైదానంలో ఎలాంటి డ్రిల్‌ నిర్వహించరాదని ప్రభుత్వ యాజమాన్యంలోని ట్రావెన్‌కోర్‌ దేవస్వామ్‌ బోర్డు పేర్కొంది. దీని ప్రకారం ఆ ప్రదేశాలలో ఆర్ఎస్ఎస్ శాఖలు నిర్వహించరాదు. దేవాలయాల ప్రాంగణంలో వారి జెండాలు మరియు ఇతర చిహ్నాలను ప్రదర్శించకూడదు. ఈ ఆదేశాలను బీజేపీ తీవ్రంగా ఖండించింది.
మార్క్సిస్టులచే సంస్కృతి విధ్వంసం
సాంస్కృతిక మావోయిస్టులు, ప్రముఖ మేధావులు మీడియా, విద్యాసంస్థలను గోప్యంగా ఉంచుతున్నారని ఆర్ఎస్ఎస్ చీఫ్ మోహన్ భగవత్ ఆరోపించారు. ఈ స్వార్థ, వివక్ష శక్తులు మన దేశ విద్యావ్యవస్థను, సంస్కృతిని నాశనం చేస్తున్నాయని విమర్శించారు. విజయదశమిని పురస్కరించుకుని మంగళవారం నాగ్‌పూర్‌లో జరిగిన దసరా ర్యాలీలో ఆయన ప్రసంగించారు. ఈ విధ్వంసక శక్తులు తమను తాము మేధావులుగా పిలుచుకుంటారు.. ఈ అస్తిత్వవాదులు తమకు ఉన్నతమైన లక్ష్యాలను కలిగి ఉంటారని చెప్పుకుంటారు.. కానీ వారి అసలు లక్ష్యం ప్రపంచ వ్యవస్థను విచ్ఛిన్నం చేయడమే.
నవీకరించబడిన తేదీ – 2023-10-25T02:28:26+05:30 IST
