విజయనగరం జిల్లాలో జరిగిన రైలు ప్రమాదంపై ఏపీ సీఎం జగన్ దిగ్భ్రాంతి వ్యక్తం చేశారు. సహాయక చర్యలు చేపట్టాలని అధికారులను జగన్ ఆదేశించారు. మరోవైపు విశాఖ రైల్వేస్టేషన్‌లో హెల్ప్‌లైన్‌ను ఏర్పాటు చేశారు. విజయనగరం ట్రయాన్ ప్రమాదం
విజయనగరం రైలు ప్రమాదంపై సీఎం జగన్
విజయనగరం రైలు ప్రమాదం: విజయనగరం జిల్లా కంటకాపల్లి సమీపంలో జరిగిన ఘోర రైలు ప్రమాదంపై ఏపీ సీఎం జగన్ తీవ్ర దిగ్భ్రాంతి వ్యక్తం చేశారు. విశాఖ నుంచి రాయగడ వెళ్తున్న ప్యాసింజర్ రైలుకు ప్రమాదం జరిగిందని, ఈ ఘటనలో నాలుగు బోగీలు పట్టాలు తప్పినట్లు ప్రాథమిక సమాచారం అందిందని సీఎంవో అధికారులు ముఖ్యమంత్రికి వివరించారు. వెంటనే సహాయక చర్యలు చేపట్టాలని అధికారులను సీఎం జగన్ ఆదేశించారు.
విజయనగరం సమీప జిల్లాలైన విశాఖపట్నం, అనకాపల్లి నుంచి వీలైనన్ని ఎక్కువ అంబులెన్స్‌లను పంపాలని, సమీపంలోని ఆసుపత్రుల్లో మంచి వైద్యం అందించేందుకు అన్ని రకాల ఏర్పాట్లు చేయాలని ముఖ్యమంత్రి ఆదేశించారు. సత్వర సహాయక చర్యలు చేపట్టి క్షతగాత్రులకు సత్వర వైద్య సేవలు అందేలా ఆరోగ్య, పోలీసు, రెవెన్యూ సహా ఇతర ప్రభుత్వ శాఖలను సమన్వయం చేయాలని సీఎం జగన్ ఆదేశాలు జారీ చేశారు. ఘటనకు సంబంధించిన వివరాలను ఎప్పటికప్పుడు తనకు తెలియజేయాలన్నారు.
విజయనగరం జిల్లాలో ఘోర రైలు ప్రమాదం జరిగింది. రెండు రైళ్లు ఢీకొన్నాయి. కొత్తవలస మండలం కంటకాపల్లి సమీపంలో ప్రమాదం జరిగింది. విశాఖ నుంచి రాయగడ వెళ్తున్న ప్యాసింజర్ రైలును పలాస-విశాఖ రైలు ఢీకొంది. దీంతో బోగీలు పట్టాలు తప్పాయి. ఈ ప్రమాదంలో ఇద్దరు మృతి చెందినట్లు తెలుస్తోంది. చాలా మంది గాయపడ్డారు. క్షతగాత్రులను ఆస్పత్రులకు తరలించి చికిత్స అందిస్తున్నారు.
ఘటనా స్థలంలో బోగీలు చెల్లాచెదురుగా పడ్డాయి. విద్యుత్‌ తీగలు తెగిపడడంతో విద్యుత్‌ అంతరాయం ఏర్పడింది. సాంకేతిక లోపం వల్లే ఈ ప్రమాదం జరిగినట్లు తెలుస్తోంది. సమాచారం అందుకున్న రైల్వే సిబ్బంది, పోలీసులు వెంటనే ఘటనాస్థలికి చేరుకున్నారు. సహాయక చర్యలు చేపట్టారు.
విశాఖ రైల్వే స్టేషన్‌లో హెల్ప్ లైన్ ఏర్పాటు..
విజయనగరం జిల్లాలో జరిగిన రైలు ప్రమాదంపై ఏపీ సీఎం జగన్ దిగ్భ్రాంతి వ్యక్తం చేశారు. సహాయక చర్యలు చేపట్టాలని అధికారులను జగన్ ఆదేశించారు. మరోవైపు విశాఖ రైల్వేస్టేషన్‌లో హెల్ప్‌లైన్‌ను ఏర్పాటు చేశారు.
హెల్ప్ లైన్ నంబర్లు
0891 2746330
0891 2744619
81060 53051
81060 53052
85000 41670
85000 41671
#చూడండి | ఆంధ్రప్రదేశ్ రైలు ప్రమాదం | రెస్క్యూ కార్యకలాపాల దృశ్యాలు
ఆంధ్రప్రదేశ్ రైలు ప్రమాదంలో 6 మంది మృతి, 18 మందికి గాయాలు: దీపిక, ఎస్పీ, విజయనగరం pic.twitter.com/5iHHzI1UWQ
– ANI (@ANI) అక్టోబర్ 29, 2023
