తెలంగాణ అభివృద్ధి నమూనా భారతదేశానికి దిక్కు అని బీఆర్‌ఎస్ ఎమ్మెల్సీ కల్వకుంట్ల కవిత స్పష్టం చేశారు. ఆక్స్‌ఫర్డ్ యూనివర్సిటీలో తెలంగాణ మోడల్‌పై కల్వకుంట్ల కవిత కీలకోపన్యాసం చేశారు. సీఎం కేసీఆర్ నాయకత్వంలో తెలంగాణ తక్కువ కాలంలోనే అత్యంత వేగంగా అభివృద్ధి చెందిందని, తెలంగాణ సమగ్రాభివృద్ధి సాధించిందని వివరించారు. పరిపాలనలో మానవీయ కోణాన్ని సీఎం కేసీఆర్ ప్రవేశపెడుతున్నారని అన్నారు. సీఎం కేసీఆర్‌ను అభినవ చాణక్యుడని అభివర్ణించారు. అహింసా మార్గంలో తెలంగాణ సాధించుకున్నది సీఎం కేసీఆర్ అని గాంధీ స్పష్టం చేశారు. ఒకప్పుడు బంజరు భూములను పచ్చని పంట పొలాలుగా మార్చి దేశానికే స్ఫూర్తిదాయకమన్నారు సీఎం కేసీఆర్.
ప్రకృతి ప్రసాదించిన వనరులను సద్వినియోగం చేసుకోవడంలో తెలంగాణ ముందుందన్నారు. తెలంగాణ శాంతి, సామరస్యానికి ప్రతీక అని అన్నారు. రాష్ట్రం ఏర్పడిన తర్వాత ఒక్క మత కలహాలు కూడా జరగలేదని గుర్తు చేశారు. తెలంగాణ మోడల్ అంటే ఆర్థిక గణాంకాలేనని… మారిన తెలంగాణ జీవన పరిస్థితులేనని స్పష్టం చేశారు. అభివృద్ధి, సంక్షేమం మధ్య సమతూకం పాటిస్తూ సీఎం కేసీఆర్ నాయకత్వంలో తెలంగాణ ముందుకు సాగుతోందని, సీఎం కేసీఆర్ తెలంగాణను అన్ని రంగాల్లో అగ్రగామిగా నిలిపారని వివరించారు.
ప్రపంచంలోనే అతిపెద్ద ఎత్తిపోతల పథకం కాళేశ్వరం ప్రాజెక్టును మూడున్నరేళ్లలో రికార్డు సమయంలో పూర్తి చేసిన సీఎం కేసీఆర్‌కే దక్కుతుందని పునరుద్ఘాటించారు. ఆ ప్రాజెక్టు వల్ల రైతులు మూడు పంటలు పండిస్తున్నారు. సాగు విస్తీర్ణం 1.31 లక్షల ఎకరాల నుంచి 2 కోట్ల ఎకరాలకు పైగా పెరిగిందని, ధాన్యం ఉత్పత్తిలో దేశంలోనే రెండో స్థానంలో ఉన్నామని వివరించారు. పాలమూరు రంగారెడ్డి ఎత్తిపోతల పథకం పూర్తయితే మరో 50 లక్షల ఎకరాలు సాగులోకి వస్తుందన్నారు.
యాపిల్, గూగుల్, మైక్రోసాఫ్ట్, ఫేస్‌బుక్, అమెజాన్ వంటి బహుళజాతి కంపెనీలు కూడా హైదరాబాద్‌లో తమ యూనిట్లను ఏర్పాటు చేశాయి. సీఎం కేసీఆర్ విజన్‌తోనే ఈ ఎదుగుదల సాధ్యమైందన్నారు. అలాగే వైద్యరంగంలో తెలంగాణ ఎంతో పురోగమించింది. పార్లమెంట్‌ ఆమోదం పొందినా రిజర్వేషన్ చట్టం అమలు కావడం లేదని కల్వకుంట్ల కవిత ఆక్షేపించారు. మహిళా రిజర్వేషన్ బిల్లు పోస్ట్ డేటెడ్ చెక్కు లాంటిదని విమర్శించారు. మహిళా రిజర్వేషన్ చట్టం ద్వారా లబ్ధి పొందేందుకు కేంద్రంలో అధికారంలో ఉన్న పార్టీ ప్రయత్నించిందన్నారు.
