ముంబై వేదికగా ఆస్ట్రేలియాతో జరుగుతున్న మ్యాచ్‌లో ఆఫ్ఘనిస్థాన్ టాస్ గెలిచి బ్యాటింగ్ ఎంచుకుంది. బలమైన ఆస్ట్రేలియా బౌలింగ్‌ను ఎదుర్కొని 5 వికెట్ల నష్టానికి 291 పరుగులు చేసింది. ముఖ్యంగా ఓపెనర్ ఇబ్రహీం జద్రాన్ చివరి వరకు క్రీజులో నిలిచి సెంచరీ చేయడమే కాకుండా నాటౌట్‌గా నిలిచాడు.
వన్డే ప్రపంచకప్‌లో అద్భుత ప్రదర్శన చేస్తున్న ఆఫ్ఘనిస్థాన్.. ముంబై వేదికగా ఆస్ట్రేలియాతో జరిగిన బ్యాటింగ్ మ్యాచ్‌లోనూ విఫలమైంది. టాస్ గెలిచి బ్యాటింగ్ ఎంచుకున్న ఆఫ్ఘనిస్థాన్ పటిష్ట ఆస్ట్రేలియా బౌలింగ్ ధాటికి 5 వికెట్ల నష్టానికి 291 పరుగులు చేసింది. ముఖ్యంగా ఓపెనర్ ఇబ్రహీం జద్రాన్ చివరి వరకు క్రీజులో నిలిచి సెంచరీ చేయడమే కాకుండా నాటౌట్‌గా నిలిచాడు. 143 బంతుల్లో 8 ఫోర్లు, 3 సిక్సర్లతో 129 నాటౌట్‌గా నిలిచి ఆఫ్ఘనిస్థాన్‌కు పోరాట స్కోరు అందించాడు. గుర్భాజ్ (21), రహ్మత్ షా (30), కెప్టెన్ హష్మతుల్లా షాహిదీ (26), అజ్మతుల్లా ఒమర్జాయ్ (22), రషీద్ ఖాన్ (35 నాటౌట్) రాణించారు.
ప్రపంచకప్ చరిత్రలో ఓపెనర్ జద్రాన్ కు ఇది తొలి సెంచరీ కాగా, ఆస్ట్రేలియాపై కూడా ఈ ఘనత సాధించడం గొప్ప విషయమని క్రికెట్ విశ్లేషకులు కొనియాడుతున్నారు. చివర్లో వచ్చిన రషీద్ ఖాన్.. ఆసీస్ బౌలర్లను చూపెట్టాడు. 18 బంతుల్లో 2 ఫోర్లు, 3 సిక్సర్లతో 35 పరుగులు చేశాడు. ఆస్ట్రేలియా బౌలర్లలో హేజిల్‌వుడ్ 2 వికెట్లు తీశాడు. స్టార్క్, మాక్స్‌వెల్, జంపా తలా వికెట్ తీశారు. సెమీస్‌ బెర్త్‌ను ఖాయం చేసుకోవాలంటే ఈ మ్యాచ్‌లో విజయం సాధించడం అఫ్గానిస్థాన్‌కు కీలకం. భారీ తేడాతో గెలిస్తే సెమీస్‌కు చేరే అవకాశాలు మెండుగా ఉంటాయి. ప్రస్తుతం ఆఫ్ఘనిస్థాన్ న్యూజిలాండ్, పాకిస్థాన్‌లతో సమానంగా 8 పాయింట్లు కలిగి ఉంది. ఈ మ్యాచ్ గెలిస్తే 10 పాయింట్లతో అఫ్గానిస్థాన్ పట్టికలో నాలుగో స్థానానికి చేరుకుంటుంది. అలాగే న్యూజిలాండ్ తమ చివరి మ్యాచ్‌లో శ్రీలంకపై తప్పనిసరిగా గెలవాలి.
నవీకరించబడిన తేదీ – 2023-11-07T18:23:37+05:30 IST
