వన్డే ప్రపంచకప్: 2003 సీన్ రిపీట్.. వరల్డ్ కప్ టీం ఇండియా..!!

ఎన్నో అంచనాల నడుమ సొంతగడ్డపై జరుగుతున్న ప్రపంచకప్‌లో టీమిండియా మరోసారి ఫైనల్‌కు చేరుకుంది. అయితే ఫైనల్లో భారత్ బలమైన ఆస్ట్రేలియాతో తలపడనుంది. ఇప్పటి వరకు జరిగిన ఈ ఒక్క మ్యాచ్ మరో ఎత్తు అని క్రికెట్ విశ్లేషకులు అభిప్రాయపడుతున్నారు. 2003లో మాదిరి ఫలితాలు కలిసి వస్తే ఆస్ట్రేలియాపై టీమిండియా విజయమే ఫైనల్ అవుతుందని అందరూ చర్చించుకుంటున్నారు. ఎందుకంటే 2003లో జరిగింది యాదృచ్ఛికం అని చెప్పవచ్చు. 2003 మెగా టోర్నమెంట్‌లో ఫైనల్‌కు ముందు ఆస్ట్రేలియా 10 మ్యాచ్‌లు, భారత్ 8 మ్యాచ్‌లు గెలిచాయి. ఆ టోర్నీలో ఆస్ట్రేలియా మూడో వన్డే ప్రపంచకప్ ట్రోఫీని గెలుచుకుంది.

అయితే ఇప్పుడు 20 ఏళ్ల తర్వాత మళ్లీ భారత్, ఆస్ట్రేలియా జట్లు ఫైనల్‌లో తలపడుతుండగా.. 2003లో లాగానే 2023లో కూడా ఫైనల్‌కు ముందు భారత్ 10 మ్యాచ్‌లు గెలవగా, ఆస్ట్రేలియా 8 మ్యాచ్‌ల్లో విజయం సాధించింది. ఇప్పుడు ఫైనల్లో టీమిండియా గెలిస్తే అది మూడో వన్డే ప్రపంచకప్ ట్రోఫీ అవుతుంది. ఇలా జరుగుతుందని క్రికెట్ అభిమానులు అంటున్నారు. 1983లో కపిల్ దేవ్ సారథ్యంలో, 2011లో ధోనీ నేతృత్వంలో టీమిండియా వన్డే ప్రపంచకప్ ట్రోఫీలను గెలుచుకుంది. ఇప్పుడు రోహిత్ శర్మ నాయకత్వంలో కూడా భారత్ గెలుస్తుందని పలువురు అంచనా వేస్తున్నారు. ఈ మెగా టోర్నీలో ఆస్ట్రేలియాతో జరిగిన తొలి మ్యాచ్‌లో టీమిండియా ఘన విజయం సాధించింది. చివరి మ్యాచ్‌లోనూ విజయం సాధిస్తామని ఆశాభావం వ్యక్తం చేశారు.

మరింత క్రీడా వార్తలు కోసం ఇక్కడ క్లిక్ చేయండి

నవీకరించబడిన తేదీ – 2023-11-17T16:37:32+05:30 IST