ఎప్పుడూ వివాదాల్లో ఉండే తమిళ సీనియర్ నటుడు మన్సూర్ అలీఖాన్ మరోసారి వార్తల్లో నిలిచారు. నటి త్రిషపై చేసిన అనుచిత వ్యాఖ్యలతో ఈసారి దేశవ్యాప్తంగా తీవ్ర విమర్శలు ఎదుర్కొంటున్నారు. తాజాగా ఓ ఛానెల్కు ఇచ్చిన ఇంటర్వ్యూలో ఆయన మాట్లాడుతూ.. గతంలో చాలా సినిమాల్లో హీరోయిన్లతో పడక సన్నివేశాల్లో నటించానని, ఆ సమయంలో చాలా సంతృప్తిగా, సంతోషంగా ఉండేవాడినని అన్నారు.
రీసెంట్ గా తాను లియో సినిమాలో నటించానని, అందులో త్రిషతో బెడ్ రూమ్ సీన్ ఉంటుందని భావించానని, అయితే అలాంటి సీన్ లేకపోవడంతో బాధపడ్డానని చెప్పాడు. చిత్ర యూనిట్ ఆమెతో సీన్ పెట్టలేదని, కాశ్మీర్ షెడ్యూల్ పూర్తయ్యే వరకు త్రిషను చూసే అవకాశం కూడా ఇవ్వలేదని అంటున్నారు. అయితే ఇప్పుడు ఈ వ్యాఖ్యలు దేశవ్యాప్తంగా చర్చనీయాంశంగా మారాయి.
ఈ వార్త త్రిషకు చేరడంతో ఆమె స్పందిస్తూ.. అలాంటి వారితో నటించనందుకు సంతోషంగా ఉందని, భవిష్యత్తులో కూడా అతనితో, అలాంటి వారితో నటించకుండా ఉండేందుకు ప్రయత్నిస్తానని ట్వీట్ చేసింది. అయితే ఈ విషయం పెద్దదవుతుండడంతో మన్సూన్ అలీఖాన్ మాట్లాడుతూ.. నేను సరదాగా మాట్లాడానని, త్రిషపై నాకు చాలా గౌరవం ఉందని, నా మాటలను సీరియస్గా తీసుకోవద్దు.
ఈ విషయం సోషల్ మీడియాలో వైరల్ కావడంతో, మాళవిక మోహనన్, లోకేష్ కనగరాజ్, చిన్మయి శ్రీపాద మరియు ఇతర సినీ నటీనటులు మరియు దర్శకులు మన్సూర్ వ్యాఖ్యలను ఖండించారు.
మహిళలతో ఇలా మాట్లాడటం మంచిది కాదని, తమపై ఇష్టానుసారంగా మాట్లాడి అగౌరవ పరచడం సహించరానిదని సీరియస్ అవుతున్నారు. అలాంటి వారిని కఠినంగా శిక్షించాలి. ఇదిలా ఉంటే లియో సక్సెస్ మీట్లో మన్సూర్ ఇలాంటి వ్యాఖ్యలు చేయడంతో అక్కడున్న వారంతా నవ్వుకునేలా వీడియో షేర్ చేస్తున్నారు.
నవీకరించబడిన తేదీ – 2023-11-19T17:09:43+05:30 IST
